ಕನ್ನಡ ಸೇವಾ ಸಂಘ ಪೊವಾಯಿ (ರಿ.) ದ ದುಂಬಾತ್ತಿಗೆಡ್ ಸೆ.9 ಸನಿಯಾರ ಪೊವಾಯಿ ಪಂಚಕುಟೀರ ಶ್ರೀ ಮಹಾಶೇಷ ರುಂಡಮಾಲಿನಿ ದೇವಲ್ಯದ ಚಾವಡಿಡ್ ಶ್ರೀ ರಾಮ ಪಟ್ಟಾಭಿಷೇಕ ತಾಳಮದ್ದಳೆ ನಡತ್ಂಡ್.
ಪೊವಾಯಿ ಪಂಚಕುಟೀರ ಶ್ರೀ ಮಹಾಶೇಷ ರುಂಡಮಾಲಿನಿ ದೇವಲ್ಯದ ಶ್ರೀ ಸುವರ್ಣ ಬಾಬಾ ಬೊಕ್ಕ ಜಗದೀಶ್ ಸುವರ್ಣ ಮೊಕ್ಲೆನ ಆಶೀರ್ವಾದೊಟ್ಟಿಗೆ, ಕಲಾಪ್ರಕಾಶ ಪ್ರತಿಷ್ಠಾನ ಬೊಂಬೈದ ಮುತಾಲಿಕೆಡ್, ಊರುದ ಪುಗರ್ತೆದ ಕಲಾವಿದೆರೆನ ಒಟ್ಟುಸೇರಿಗೆಡ್ ಈ ಲೇಸ್ ನಡತ್ಂಡ್.
ಬಂಟರವಾಣಿದ ಕಾರ್ಯಾಧ್ಯಕ್ಷೆರ್ ರವೀಂದ್ರನಾಥ ಬಂಡಾರಿ ಪಾತೆರ್ದ್, ಇತ್ತೆ ತಾಳಮದ್ದಳೆ ಅವಡ್, ಯಕ್ಷಗಾನ ಅವಡ್, ಯಕ್ಷಗಾನಡ್ ತಿಕುನಾತ್ ವಿಷಯ ಬೇತೆ ಒವೆಟ್ಟ್ ಲ ತಿಕುಜಿ. ಯಕ್ಷಗಾನನ್ ಕೇನೊಂದು ಕೇನೊಂದು ಪೋಲೆ, ಅಪಗ ಅಂಜೋವ್ ನಕ್ಲೆರ್ದ್ ಜಾಸ್ತಿ ಪೊಂಜೋವ್ ನಕುಲು ನನ ತೂಯೆರೆ ಬರ್ಪೆರ್. ಅವ್ವತ್ತಂದೆ ಬೊಂಬೈಡ್ಲಾ ಎಡ್ಡೆ ಎಡ್ಡೆ ಯಕ್ಷಗಾನ ಕಲಾವಿದೆರ್ ಉಲ್ಲೆರ್ ಪಂದ್ ಪಂಡೆರ್.
ಕನ್ನಡ ಸೇವಾ ಸಂಘ ಪೊವಾಯಿ (ರಿ.) ದ ಗುರ್ಕಾಲು ವಕೀಲೆ ಆರ್ ಜಿ ಶೆಟ್ಟಿ ಪಾತೆರ್ದ್, ನಮ್ಮ ಒಂಜಿ ಊರುದ ಕಲೆನ್ ಒರಿಪೊಡಾಂಡ ನಮ ಯಕ್ಷಗಾನಡ್ ಇಪ್ಪುನೆನ್ ತೆರಿವೊಂದು, ಆಯಿಟ್ಟ್ ಅಭಿನಯ ಮಲ್ಪುನ ಮಾತ ಕಲಾವಿದೆರೆಗ್ ನಮ ಸಪೋರ್ಟು ಮಲ್ಪೊಡು. ಅಂಚೆನೆ ಯಕ್ಷಗಾನಗ್ ಜೋಕುಲೆನ್ಲಾ ಲೆತೊಂದು ಪೋಲೆ ಪಂದ್ ಪಂಡೆರ್.
ಈ ಲೇಸ್ ಗ್ ಮಲ್ಲ ಬಿನ್ನೆರಾದ್ ಬಂಟರ ಸಂಘ ಬೊಂಬೈದ ಪ್ರದಾನ ಕಾರ್ಯಂತೆರ್ ಡಾಕ್ಟರ್ ಆರ್ ಕೆ ಶೆಟ್ಟಿ, ಪೊವಾಯಿ ಮಂತ್ರ ಹೋಟೆಲ್ ದ ಧಣಿ ಅಣ್ಣಪ್ಪ ಶೆಟ್ಟಿ, ಅಂಧೇರಿ- ಬಾಂದ್ರಾ ಪ್ರಾದೇಶಿಕ ಸಮಿತಿ ಬಂಟರ ಸಂಘದ ಕಾರ್ಯಾಧ್ಯಕ್ಷೆರ್ ರವೀಂದ್ರ ಆರ್ ಶೆಟ್ಟಿ, ಪೊವಾಯಿ ಕನ್ನಡ ಸೇವಾ ಸಂಘದ ಮಾಜಿ ಗುರ್ಕಾರ್ರೆ ಡಿ.ಕೆ ಶೆಟ್ಟಿ, ಪೊವಾಯಿ ಸತ್ಕಾರ್ ಕಿಚನ್ ದ ಆಡಳಿತ ನಿರ್ದೇಶಕೆರ್ ಹರೀಶ್ ಬಂಗೇರ, ನಿಖಿಲ್ ಹೈಡ್ರೋಲಿಕ್ಸ್ ಧಣಿ ಅಶೋಕ್ ಕೋಟ್ಯಾನ್, ಉದ್ಯಮಿ ಪೇತ್ರಿ ವಿಶ್ವನಾಥ ಶೆಟ್ಟಿ, ರವಿರಾಜ್ ಪ್ಯಾಕೇಜಿಂಗ್ ಆಡಳಿತ ನಿರ್ದೇಶಕೆರ್ ಸುರೇಂದ್ರ ಶೆಟ್ಟಿ, ಉದ್ಯಮಿ ರಾಮು ಅಮೀನ್, ಮೇರೇಜ್ ಸೆಲ್ ಅಂಧೇರಿ- ಬಾಂದ್ರಾ ಪ್ರಾದೇಶಿಕ ಸಮಿತಿದ ಕಾರ್ಯಾಧ್ಯಕ್ಷೆರ್ ಕೃಷ್ಣ ಶೆಟ್ಟಿ, ಕಲಾ ಪ್ರಕಾಶ್ ಪ್ರತಿಷ್ಠಾನದ ಪ್ರಕಾಶ್ ಶೆಟ್ಟಿ ಸುರತ್ಕಲ್, ಮಾನಾದಿಗೆದ ಗುರ್ಕಾರ್ರೆ ಮಹೇಶ್ ಎಸ್ ಶೆಟ್ಟಿ, ಉಪಾಧ್ಯಕ್ಷೆರ್ ದಿವಾಕರ ಎಂ ಶೆಟ್ಟಿ, ಕೋಶಾಧಿಕಾರಿ ಸಂದೇಶ್ ಆರ್ ಶೆಟ್ಟಿ ಮೂಡುಬೆಳ್ಳೆ ಮಾಜಿ ಗುರ್ಕರೆ ಸುಧಾಕರ ಜಿ ಪೂಜಾರಿ, ಪ್ರಭಾಕರ್ ಶೆಟ್ಟಿ ನಾನಯ ಗರಡಿ, ರಮೇಶ್ ಡಿ ರೈ. ದಯಾನಂದ ಸಿ ಬಂಗೇರ, ಜಗನ್ನಾಥ ಎಣ್ಣೆಹೊಳೆ.ಮಹಿಳಾ ಕಾರ್ಯಧ್ಯಕ್ಷೆ ಶೋಭಾ ರಮೇಶ್ ರೈ, ಪ್ರಶಾಂತಿ ದಿವಾಕರ ಶೆಟ್ಟಿ ಉಮೇಶ್. ಆಚಾರ್ಯ ಪಾಲ್ ಪಡೆದಿತ್ತೆರ್.
ಅಂಚೆನೆ ತಾಳಮದ್ದಳೆಡ್ ಪಾತ್ರಧಾರಿಲಾದ್ ಕಲಾ ಪ್ರಕಾಶ ಪ್ರತಿಷ್ಠಾನ ಬೊಂಬೈದ ಪ್ರಕಾಶ್ ರೈ ಸುರತ್ಕಲ್, ಭಾಗವತೆರಾದ್ ಶಿವಶಂಕರ ಭಟ್ ಬಲಿಪ, ಗಣೇಶ್ ಮಯ್ಯ ವರ್ಕಾಡಿ, ವಿಶ್ವನಾಥ ಶೆನ್ವೆ ಪಳ್ಳಿ, ಜಬ್ಬರ್ ಸಮೊ ಸಂಪಾಜೆ, ಪ್ರೋ.ಪವನ್ ಕಿರಣಕೆರೆ, ಗಣೇಶ್ ಕನ್ನಡಿಕಟ್ಟೆ, ಸುರೇಶ್ ರೈ ನಂದ್ರೊಳ್ಳಿ, ಸುನಿಲ್ ಹೊಲಾಡು, ಸುನಿಲ್ ಅಮಿನ್ ಅಭಿನಯ ಮಲ್ದೆರ್. ಈ ಲೇಸ್ ನ್ ನಾಗರಾಜ್ ಗುರುಪುರ ಸುಧಾರಿಕೆ ಮಲ್ತೆರ್.
niriksha