ಒಡಿಪು: ಬೊಂಬೈರ್ದ್ ರಾತ್ರೆದ ಪೊರ್ತು ಊರುಗು ಬತ್ತಿನ ಒಂಜಿ ಜನ ಇಲ್ಲದ ಪಿದಯಿ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊನ್ನ ಘಟನೆ ಗುರುವಾರ ಅಂಬಾಗಿಲು ಪೇರಂಪಲ್ಲಿದ ಕಕ್ಕಿಂಜೆ ದೇವಿನಗರಡ್ ನಡತ್ಂಡ್.
ತೀರ್ ಪೋಯಿನಾರ್ ದೇವಿನಗರದ ಸುಕೇಶ್ ಶೆಟ್ಟಿ(51) ಪಂದ್ ತೆರಿದ್ ಬೈದ್ಂಡ್. ಮೇರ್ ಬೊಂಬೈಡ್ ಹೋಟೆಲ್ ಒಂಜೆಟ್ ಕೆಲಸ ಮಲ್ತೊಂದು ಇತ್ತೆರ್. ಮೆರೆನ ಆತ್ಮಹತ್ಯೆಗ್ ಕಾರಣ ನನ ಗೊತ್ತಾವೊಡಾತೆ.
ಮೆರೆನ ಪುನನ್ ಮಣಿಪಾಲ ಶವಾಗಾರಗ್ ಕೊನೊಯೆರೆ ಸಮಾಜ ಸೇವಕೆ ನಿತ್ಯಾನಂದ ಒಳಕಾಡು ಸಹಕಾರ ಕೊರಿಯೆರ್. ಈ ಘಟನೆದ ಜಾಗೆಗ್ ಮಣಿಪಾಲ ಪೊಲೀಸೆರ್ ಬತ್ತ್ ದ್ ಪರಿಶೀಲನೆ ನಡಪಾದೆರ್.
pallavi shetty