ಕುಡ್ಲಗ್ ಭೇಟಿ ಕೊರ್ನ ರಾಜ್ಯಪಾಲೆರ್ ತಾವರ್ ಚಂದ್ ಗೆಹ್ಲೋಟ್

ಕುಡ್ಲ: ಕರ್ನಾಟಕ ರಾಜ್ಯಪಾಲೆರ್ ತಾವರ್ ಚಂದ್ ಗೆಹ್ಲೋಟ್ ಮೇರ್ ಸೆ.8 ಸುಕ್ರಾರ (ಇನಿ) ಬಜಪೆದ ಅಂತರಾಷ್ಟ್ರೀಯ ಇಮಾನ ನಿಲ್ದಾಣಗ್ ಭೇಟಿ ಕೊರಿಯೆರ್.

ಈ ಪೊರ್ತುಡು ಜಿಲ್ಲಾಧಿಕಾರಿ ಮುಲ್ಲೈ ಮುಗಿಲನ್, ಕುಡ್ಲ ಪೇಂಟೆದ ಪೊಲೀಸ್ ಆಯುಕ್ತೆರ್ ಅನುಪಮ್ ಅಗರ್ವಾಲ್, ದ.ಕ ಜಿಲ್ಲಾ ಪಂಚಾಯತ್ ದ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಡಾ. ಆನಂದ್ ಕೆ. ಬೊಕ್ಕ ಅಧಿಕಾರಿಲು ಇತ್ತೆರ್.

ರಾಜ್ಯಪಾಲೆರ್ 12 ಗಂಟೆಗ್ ಕುಡ್ಲ ಪೇಂಟೆದ ಟಿ.ಎಂ.ಎ. ಪೈ ಕನ್‍ವೆನ್‍ಶನ್ ಸಭಾಂಗಣಡ್ ಮ್ಯಾಂಗಲೋರ್ ಫಿಸಿಯೋಕಾನ್ 2023 ಲೇಸ್ ನ್ ಉದಿಪನ ಮಲ್ತೆರ್. ಮಧ್ಯಾಹ್ನ 1 ಗಂಟೆಗ್ ಪೇಂಟೆದ ಹೋಟೆಲ್ ತಾಜ್ ವಿವಂತಾಡ್ ವಾಸ ಇತ್ತೆರ್.1.30 ಕ್ಕ್ ಖಾಸಗಿ ವಿಶ್ವವಿದ್ಯಾನಿಲಯ ಬೊಕ್ಕ ಕಾಲೇಜ್ ಆಡಳಿತದ ಅಧಿಕಾರಿಲೆನೊಟ್ಟಿಗೆ ಸಂವಾದ ನಡಪಾಯೆರ್. ನನ ಬಯ್ಯಗ್ 5.25 ಕ್ಕ್ ಕುಡ್ಲರ್ದ್ ಇಮಾನದ ಮುಖೇನ ಬೆಂಗ್ಲೂರ್ ಗ್ ಪೋಪೆರ್.