ನನ ಕುಡ್ಲ-ಬೆಂಗ್ಲೂರು ಗ್ ರಡ್ಡ್ ವಿಮಾನ ಎಚ್ಚ…!

ಕುಡ್ಲ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣರ್ದ್ ಬೆಂಗ್ಲೂರ್ ಗ್ ಸೆಪ್ಟೆಂಬರ್ 7 ರ್ದ್ ಹೆಚ್ಚುವರಿ ವಿಮಾನ ಸೇವೆಲು ಸುರು ಆವರೆ ಉಂಡು.

ಕುಡ್ಲ-ಬೆoಗ್ಲೂರು ಬೊಕ್ಕ ಕುಡ್ಲ-ಪುಣೆ ಸೆಕ್ಟರ್ ದ ವಿಮಾನ ವೇಳಾಪಟ್ಟಿಡ್ ಚೂರು ಬದಲಾವಣೆ ಮಲ್ತ್ ದೆರ್. ಸೋಮವಾರ-ಸುಕ್ರವಾರರ್ದ್ ದಿನೋಲ ಅಂತಾರಾಷ್ಟ್ರೀಯ ಬೊಕ್ಕ ದೇಶೀಯ ವಿಮಾನದ ಸಂಚಾರ ಮಲ್ಪುನೆನ್ 38 ರ್ದ್ 40 ಗ್ ಶನಿವಾರ ಬೊಕ್ಕ ಐತಾರ 40 ರ್ದ್ 42 ಕ್ಕ್ ಎಚ್ಚ ಮಲ್ಪುನ ಬಗೆಟ್ ಕುಡ್ಲ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಪ್ರಕಟಣೆ ತೆರಿಪಾದುಂಡು.

ಇದೆರ್ದ್ ದುಂಬು ವಾರದ ಮಾತಾ ದಿನ ಬೊಕ್ಕ ಐತಾರದಾನಿ ೪ ವಿಮಾನಲು ಸಂಚಾರ ಮಲ್ತೊಂದು ಇತ್ತ್ಂಡ್. 5 ವಿಮಾನಲು ಶನಿವಾರದಾನಿ ಸಂಚಾರ ಮಲ್ತೊಂದು ಇತ್ತ. ಆಂಡ ನನ 6 ವಿಮಾನಲು ಸಂಚಾರ ಮಲ್ಪೆರೆ ಉಂಡು. ಈ ಹೆಚ್ಚುವರಿ ಇಂಡಿಗೋ ವಿಮಾನ ಅಕ್ಟೋಬರ್ 28 ಮುಟ್ಟ ಸಂಚಾರ ಮಲ್ಪೆರೆ ಉಂಡು. ಇಂಡಿಗೋ ಅಂಗಾರೆ, ಗುರುವಾರ, ಐತಾರ ಬೊಕ್ಕ ಶನಿವಾರದಾನಿ ಕುಡ್ಲ- ಪುಣೆ ಸಂಚಾರದ ವಿಮಾನದ ದಿನ ಬೊಕ್ಕ ಸಮಯನ್ ಬದಲಾವಣೆ ಮಲ್ತಿನ ಹಿನ್ನಲೆಡ್ ಶನಿವಾರ ಬೆಂಗ್ಲೂರುಗ್ ಆಜನೇ ವಿಮಾನ ಸೇರ್ಪಾಯೆರೆ ಅವಕಾಶ ತಿಕ್ಕಿಲಕ ಆತ್ತ್ಂಡ್. ಕಾಂಡೆ 8.35 ಕ್ಕ್ ಕುಡ್ಲಗ್ ಬರ್ಪಿನ 6ಇ 5347 ವಿಮಾನ 9.10ಕ್ಕ್ ಬೆಂಗ್ಲೂರುಗ್ ಪ್ರಯಾಣ ಮಲ್ಪೆರೆ ಉಂಡು.

ವಿಮಾನ 6ಇ294 ಕುಡ್ಲಗ್ ಬಯ್ಯಗ್ 5.50 ಕ್ಕ್ ಬರ್ಪುಂಡು ಬೊಕ್ಕ ಅಂಗಾರೆ/ ಗುರುವಾರ, ಐತಾರ ಬಯ್ಯಗ್ 6.35 ಕ್ಕ್ 6ಇ298 ವಿಮಾನ ಪುಣೆಗ್ ಪೊವೆರುಂಡು. ಶನಿವಾರ 6ಇ359 ವಿಮಾನ ಬೆಂಗ್ಲೂರುರ್ದ್ ಬಯ್ಯ 5.50 ಕ್ಕ್ ಕುಡ್ಲಗ್ ಬತ್ತ್ ದ್ ಅವೆರ್ದ್ ಬೊಕ್ಕ 6ಇ298 ವಿಮಾನ 6.35 ಕ್ಕ್ ಪುಣೆಗ್ ಪೊಪುಂಡು ಪಂದ್ ಕುಡ್ಲ ವಿಮಾನ ಪ್ರಾಧಿಕಾರ ಮಾಹಿತಿ ಕೊರ್ತೆರ್.