ಒಡಿಪು: ಪೇಂಟೆಡ್ ಅಸ್ಟೆಮಿ ದ ತಯಾರಿ ಜೋರಾದೆ ನಡತೊಂದು ಉಂಡು. ಪ್ರತಿ ವರ್ಷದಲೆಕ್ಕ ಈ ಸರ್ತಿಲ ಒಡಿಪುದ ಸಮಾಜ ಸೇವಕೆ ರವಿ ಕಟಪಾಡಿ ವಿಶಿಷ್ಟ ವೇಷ ಪಾಡಿಯೆರೆ ಉಲ್ಲೆರ್.
ಈ ಸರ್ತಿ ಮೇರ್ ಸೀ ಪೋಕ್ ಪನ್ಪುನ ಇಂಗ್ಲಿಷ್ ಪಿಚ್ಚರ್ ದ ಪಾತ್ರದ ವೇಷನ್ ಪಾಡ್ದ್, ಉದ್ಯಾವರ, ಒಡಿಪು, ಮಲ್ಪೆ, ಪಡುಕೆರೆ ಬೊಕ್ಕ ಬೇತೆ ಪ್ರದೇಶಡ್ ರವಿ ಕಟಪಾಡಿ ಫ್ರೆಂಡ್ಸ್ ಕೂಟ ಪೋದು ಜನಕ್ಲೆನ ಕುಸಿ ಪಡಿಸಾಯೆರೆ ಉಲ್ಲೆರ್. ಪ್ರತಿ ವರ್ಷದಲೆಕ್ಕನೇ ಈ ಸರ್ತಿ ಕುಂದಾಪುರ ಮೂಲದ 2 ವರ್ಷೊದ ಬಾಲೆದ ಚಿಕಿತ್ಸೆಗ್ ಕಾಸ್ ನ್ ಒಟ್ಟು ಮಲ್ಪರೆ ಉಲ್ಲೆರ್. ಆಂಡ ಈ ಸರ್ತಿ ರವಿ ಕಟಪಾಡಿ ಫ್ರೆಂಡ್ಸ್ ಕೂಟ ಜನಕ್ಲೆನ ಕೈತಡೆ ಪೋದು ಬಾಕ್ಸ್ ಪತೊಂದು ಕಾಸ್ ನ್ ಸಂಗ್ರಹ ಮಲ್ಪೊಜಿ ಪಂದ್ ಒಡಿಪುಡ್ ಮಾಧ್ಯಮಗ್ ತೆರಿಪಾಯೆರ್.
ಈ ಪೊರ್ತುಡು ಮೆರೆನೊಟ್ಟಿಗೆ ಕೂಟದ ಮಾರ್ಗದರ್ಶಕೆರ್ ಮಹೇಶ್ ಶೆಣೈ, ಮೊಹಮ್ಮದ್ ರಮೀಜುಲ್ಲಾ, ವಿಶ್ವಾಸ್ ಇತ್ತೆರ್.
Editorial