ಈ ಸರ್ತಿ ಚೌತಿಗ್ ರಜೆ ಇಜ್ಜಿ…!

ಕುಡ್ಲ: ಈ ಸರ್ತಿ ಶಾಲೆದ ಕಲ್ಪಾರ್ಥಿಲೆಗ್ ಬೊಕ್ಕ ಸರ್ಕಾರಿ ನೌಕರೆರೆಗ್ ಚೌತಿ ಪರ್ಬಗ್ ಸಾರ್ವತ್ರಿಕ ರಜೆ ಇಜ್ಜಾಂದೆ ಕರ್ತವ್ಯದ ದಿನಟ್ಟೆ ಪರ್ಬ ಆಚರಣೆ ಮಲ್ಪುಲಕ ಆತ್‌ಂಡ್.

ರಾಜ್ಯ ಸರ್ಕಾರ ಪ್ರಕಟ ಮಲ್ತಿನ ಸಾರ್ವತ್ರಿಕ ರಜಾ ದಿನತ ಪಟ್ಟಿಡ್ ಸೆ.18 ದಾನಿ ವರಸಿದ್ದಿ ವಿನಾಯಕ ವೃತ ರಜೆ ಪಂದ್ ಉಂಡು. ಪಂಚಾಂಗದ ಪ್ರಕಾರ ಸೆ.18 ದಾನಿ ಗೌರಿ ತದಿಗೆ, ಗಣೇಶ ಚತುರ್ಥಿ ಇಪ್ಪುಜಿ. ಸೆ.19 ದಾನಿ ಕ್ಯಾಲೆಂಡರ್ ಡ್ ಸೆ.18 ದಾನಿ ರಜೆ ಪಂದ್ ಗುರುತಿಸಾದೆರ್. ಅಂಚಾದ್ ಸರ್ಕಾರಿ ಕಚೇರಿ, ಬ್ಯಾಂಕ್, ಎಲ್‌ಐಸಿ ಬೊಕ್ಕ ಶಾಲಾ ಕಾಲೇಜ್ ಗ್ ಸೆ.18 ದಾನಿ ರಜೆ ಪಂದ್ ಪಂತೆರ್.

ಸಾರ್ವತ್ರಿಕ ರಜೆ ಘೋಷಣೆ ಇಪ್ಪುನೆದಾತ್ರ ಮನದಾನಿ ಪ್ರತ್ಯೇಕವಾದ್ ನಿರ್ಬಂಧಿತ(ಆರ್.ಎಚ್) ರಜೆ ಕೊರ್ಪುನ ಸಾಧ್ಯತೆ ಇಜ್ಜಿ. ಅಂಚಾದ್ ಉಂದೆನ್ ಸರಕಾರನೆ ಸೆ.18 ದ ಬದಲ್ ಸೆ.19 ರಜೆ ಘೋಷಣೆ ಮಾರ್ಪಾಡು ಮಲ್ಪೊಡು ಆಪುಂಡು ಪಂದ್ ತೆರಿದ್ ಬೈದುಂಡು.