ಜಾಗೆದ ಸರ್ವೇದ ಬೇಲೆಗ್ ಲಂಚ ದೆತೊನ್ನ ಸರ್ವೆಯರ್ ಗ್ ವಿಚಾರಣಾ ನ್ಯಾಯಾಲಯ ನಾಲ್ ವರ್ಷ ಜೈಲ್ ಶಿಕ್ಷೆ ಬೊಕ್ಕ 50 ಸಾರ ಪೈನ್ ಪಾಡಿನ ಘಟನೆ ಬೀದರ್ಡ್ ನಡತ್ಂಡ್.
ಬಸವ ಕಲ್ಯಾಣದ ತಹಶೀಲ್ದಾರ್ ಕಚೇರಿಡ್ ರಡ್ಡನೇ ದರ್ಜೆದ ಸರ್ವೆಯರ್ ಆಯಿನ ಅಬ್ದುಲ್ ರಹೀಂ ಬಡೇಸಾಬ್ ಜೈಲ್ ಶಿಕ್ಷೆಗ್ ಗುರಿ ಆಯಿನ ಅಧಿಕಾರಿ.
ಭ್ರಷ್ಟಾಚಾರ ನಿಗ್ರಹ ಕಾಯ್ದೆದ ಸೆಕ್ಷನ್ 13(2) ಅಡಿ ಬೀದರ್ದ ಇಸೇಸ ನ್ಯಾಯಾಲಯದ ನ್ಯಾಯಾಧೀಶೆರ್ ವಿಜಯ ಕುಮಾರ್ ಎಂ. ಆನಂದ ಶೆಟ್ಟಿ ಮೇರ್ ಈ ಮಹತ್ವದ ತೀರ್ಪು ಕೊರ್ತೆರ್. ಅಭಿಯೋಜನೆಡ್ ಇಸೇಸ ಸರ್ಕಾರಿ ಅಭಿಯೋಜಕೆರ್ ಕೇಶವ ರಾವ್ ಶ್ರೀಮಾಳೆ ಪ್ರಾಸಿಕ್ಯೂಷನ್ ಪರ ವಾದ ಮಂಡಿಸಾದೆರ್.
ಅಂಚೆನೆ ತೀರ್ಪುಡು ಪಾಡಿನ ಪೈನ್ ನ್ ಕಟ್ಟಿಜಿಂಡ ಆಜಿ ತಿಂಗೊಲ್ ಜೈಲ್ ಶಿಕ್ಷೆ ಅನುಭವಿಸಾವೊಡು ಪಂದ್ ನ್ಯಾಯಾಲಯ ಆದೇಶ ಕೊರ್ತುಂಡು.
pallavi shetty