ಕಾರ್ಲ: ಶ್ರೀ ದತ್ತಮಂದಿರ ನೆಲ್ಲೆಕಟ್ಟೆ ಹಿರ್ಗಾನ (ಕಾರ್ಲ) ಮೊಕ್ಲೆನ ಮುತಾಲಿಕೆಡ್, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಜೈ ತುಲುನಾಡ್ (ರಿ.) ಮೊಕ್ಲೆನ ಒಟ್ಟುಸೇರಿಗೆಡ್ ಬಲೆ ತುಲುಲಿಪಿ ಕಲ್ಪುಗ ಕಜ್ಜಕೊಟ್ಯದ ಉದಿಪನ ಲೇಸ್ ಸೆ.3 ಕ್ಕ್ ಶ್ರೀ ದತ್ತಮಂದಿರ ನೆಲ್ಲಿಕಟ್ಟೆ ಹಿರ್ಗಾನ (ಕಾರ್ಲ) ಡ್ ನಡಪರೆ ಉಂಡು.
ಈ ಲೇಸ್ ದ ಗುರ್ಕಾರ್ಮೆನ್ ಶ್ರೀ ದತ್ತಮಂದಿರ ನೆಲ್ಲಿಕಟ್ಟೆ ಹಿರ್ಗಾನದ ಗುರ್ಕಾರ್ಲು ಸತೀಶ್ ಕಡಂಬು ಒಯಿಸೊನ್ವೆರ್. ಹಿರ್ಗಾನ ಗ್ರಾಮ ಪಂಚಾಯತ್ ಗುರ್ಕಾರ್ದಿ ಸುನೀತಾ ಪೂಜಾರಿ ಉದಿಪನ ಮಲ್ಪುವೆರ್. ಮಲ್ಲ ಬಿನ್ನೆರಾದ್ ನೆಲ್ಲಿಕಟ್ಟೆ ಸಿವಿಲ್ ಕಾಂಟ್ರಾಕ್ಟರ್ ಮಹೇಶ್ ಪೂಜಾರಿ, ಸುಂಕದಕಟ್ಟೆ ನಿರಂಜನ ಸ್ವಾಮಿ ಪದವಿಪೂರ್ವ ಕಾಲೇಜ್ ದ ಪ್ರಾಂಶುಪಾಲೆರ್ ಸುಧಾಕರ ಶೆಟ್ಟಿ, ಜೈ ತುಲುನಾಡ್ (ರಿ.) ದ ಗುರ್ಕಾರ್ಲು ವಿಶು ಶ್ರೀಕೇರ ಬರಿಯೆರೆ ಉಲ್ಲೆರ್. ಪ್ರಶಾಂತ್ ಪೂಜಾರಿ ನಂದೊಲಿಗೆ ತುಲುಲಿಪಿನ್ ಕಲ್ಪಾಯೆರೆ ಉಲ್ಲೆರ್.
pallavi shetty