ಸುಬ್ರಹ್ಮಣ್ಯ: ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ಚಂದ್ರಮೌಳೇಶ್ವರ ಗುಡಿಟ್ಟ್ ಸರಕಾರದ ಆದೇಶದಂಚೆನೆ ವರಮಹಾಲಕ್ಷ್ಮೀ ಪೂಜೆ ನಡತ್ಂಡ್.
ಈ ಪೂಜೆದ ವಿಧಿವಿಧಾನನ್ ಪುರೋಹಿತೆರ್ ಪ್ರಸನ್ನ ಹೊಳ್ಳ ಮೇರ್ ಮಲ್ತೆರ್. ಸುರುಕ್ಕು ಪೊಂಜೋವ್ ನಕುಲು ಕಲಶದೊಟ್ಟಿಗೆ ದರ್ಪಣತೀರ್ಥ ತುದೆಕ್ಕ್ ಪೋಯೆರ್. ಅಲ್ಪ ಯಮುನೆ ಪೂಜೆ ಮಲ್ತ್ ದ್, ಮಂಗಳವಾದ್ಯ, ಕಲಶ ಮೆರವಣಿಗೆದೊಟ್ಟಿಗೆ ಯಮುನೆನ್ ಪತೊಂದು ಶೃಂಗೇರಿ ಮಠಕ್ಕ್ ಬತ್ತೆರ್. ಬೊಕ್ಕ ಶೃಂಗೇರಿ ಮಠಟ್ಟ್ ಯಮುನೆನ್ ಪ್ರತಿಷ್ಠಾಪನೆ ಮಲ್ತ್ ದ್ ಪೂಜೆದ ವೈದಿಕ ವಿಧಿವಿಧಾನಲು ನಡತ್ಂಡ್. ಬೊಕ್ಕ ಮಾತೆರೆಗ್ಲಾ ಪ್ರಸಾದದೊಟ್ಟಿಗೆ ಶ್ರೀ ದೇವಲ್ಯದ ಮುತಾಲಿಕೆಡ್ ಕುಂಕುಮ, ಕಾಜಿ, ರವಕೆದ ಕಣ ಶ್ರೀ ದೇವಲ್ಯದ ಪುದರ್ ಇಪ್ಪುನ ಸರಕಾರಿ ಮುದ್ರಣದ ಪೇಪರ್ ಬ್ಯಾಗ್ಡ್ ಕೊರಿಯೆರ್. ಈ ಪೂಜೆಡ್ ಶ್ರೀ ದೇವಲ್ಯದ ನೌಕರೆರೆನ ವೃಂದದಕುಲು ಊರುದ ಬೊಕ್ಕ ಪರವೂರುದ ಭಕ್ತೆರ್ ಸೇರಿನಂಚೆನೆ ಸುಮಾರ್ 2 ಸಾರರ್ದ್ ಜನ ಸೇರ್ದ್ ಶ್ರೀ ದೇವೆರೆನ ಪ್ರಸಾದ ದೆತೊಂಡೆರ್. ಈ ಪೂಜೆದ ಪೊರ್ತುಡು ದೇವಲ್ಯದ ನೌಕರೆರ್ ಭಜನೆ ಮಲ್ತೆರ್.
ದೇವಲ್ಯದ ಕಾರ್ಯನಿರ್ವಹಣಾಧಿಕಾರಿ ಡಾ.ನಿಂಗಯ್ಯ, ವ್ಯವಸ್ಥಾಪನಾ ಸಮಿತಿ ಸದಸ್ಯೆರ್ ಶೋಭಾ ಗಿರಿಧರ್, ದೇವಲ್ಯದ ಅಧೀಕ್ಷಕೆರ್ ಪದ್ಮನಾಭ ಶೆಟ್ಟಿಗಾರ್, ಅಭಿಯಂತರ ಉದಯ ಕುಮಾರ್, ಶ್ರೀ ದೇವಲ್ಯದ ರಾಜಲಕ್ಷ್ಮೀ ಶೆಟ್ಟಿಗಾರ್ ಸೇರಿನಂಚೆನೆ ದೇವಲ್ಯದ ನೌಕರೆರೆ ವೃಂದ, ಊರುದ ಬೊಕ್ಕ ಪರವೂರುದ ಭಕ್ತೆರ್ ಪಾಲ್ ಪಡೆದಿತ್ತೆರ್.
ವರದಿ: ಗೋಪಿಚಂದನ್ ಕೆ.ಎಸ್
pallavi shetty