ಒಡಿಪು: ಕಾಸ್ ಡಬ್ಬಲ್ ಮಲ್ಪುನ ಬಗೆಟ್ಟ್ ವಾಟ್ಸ್ ಆ್ಯಪ್ ಮೆಸೇಜ್ ನ್ ನಂಬೂದು ಪೊಣ್ಣು ಒರ್ತಿ 1.1 ಲಕ್ಷ ರೂ. ಕಳೆವೊಂಡಿನ ಘಟನೆ ಒಡಿಪುಡ್ ನಡತ್ಂಡ್.
ಪೊಣ್ಣುಯೊರ್ತಿಗ್ ವಾಟ್ಸ್ ಆ್ಯಪ್ಡ್ 9122931451 ನೇ ನಂಬ್ರರ್ದ್ ಕಾಸ್ ನ್ ಜಾಸ್ತಿ ಮಲ್ಪುನ ಬಗೆಟ್ಟ್ ಮೆಸೇಜ್ ಬೈದ್ಂಡ್. ಈ ಮೊಬೈಲ್ ನಂಬರ್ಗ್ ಸಂಪರ್ಕ ಮಲ್ಪುನಗ ಕಾಸ್ ಜಾಸ್ತಿ ಮಲ್ಪುನ ಬಗೆಟ್ಟ್ ತೆರಿಪಾದೆರ್. ನೆನ್ ನಂಬಿನ ಪೊಣ್ಣು ಆ.9 ರ್ದ್ 10 ಮುಟ್ಟ ಬೇತೆ ಬೇತೆ ದಿನೊಟ್ಟು 1,01,000/- ರೂ. ಕಾಸ್ ನ್ ಖದೀಮೆರ್ ಕೊರ್ತಿನ ಫೋನ್ ಪೇ ಐಡಿ, ಬೊಕ್ಕ ಅಕೌಂಟ್ ಗ್ ಪಾಡ್ದೆರ್.
ಆಂಡ ಆರೋಪಿಲು ಕಾಸ್ ಜಾಸ್ತಿ ಮಲ್ಪಂದೆ, ವರ್ಗಾವಣೆ ಮಲ್ತಿನ ಕಾಸ್ ನ್ ವಾಪಸ್ ಕೊರಂದೆ ಮೋಸ ಮಲ್ತಿನ ಬಗೆಟ್ಟ್ ದೂರು ಕೊರ್ತೆರ್. ಈ ಬಗೆಟ್ಟ್ ಸೆನ್ ಅಪರಾಧ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.
pallavi shetty