ಪಂಜ ಕೊಯಿಕುಡೆ ಶ್ರೀ ವಿಠೋಬ ಭಜನಾ ಮಂದಿರದ 2ನೇ ವರ್ಷದ ವರ್ಧಂತಿ ಉಚ್ಚಯದ ಅಂಗವಾದ್ ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ ಜ.17 ಬುಧಾರ ನಡತ್ಂಡ್.
ಈ ಪುಣ್ಯ ಕಾರ್ಯದ ಪೊರ್ತುಡು ಕಟೀಲು ಶ್ರೀ ದುರ್ಗಾಪರಮೇಶ್ವರಿ ದಶಾವತಾರ ಯಕ್ಷಗಾನ ಮಂಡಳಿದ ಹಿರಿಯ ಕಲಾವಿದೆರ್, ಬಣ್ಣದ ವೇಷಡ್ ಪುಗರ್ತೆ ಪಡೆದಿನ ಶಶಿಧರ ಶೆಟ್ಟಿ ಪಂಜ ಮೆರೆಗ್ ಮಾನಾದಿಗೆ ನಡತ್ಂಡ್. ಅಂಚೆನೆ ಎಸ್ಸೆಸೆಲ್ಸಿ ಬೊಕ್ಕ ಪಿಯುಸಿಡ್ ಎಡ್ಡೆ ಮಾರ್ಕ್ಸ್ ದೈದಿನ ವಿದ್ಯಾರ್ಥಿಲೆಗ್ ಪ್ರತಿಭಾ ಪುರಸ್ಕಾರ ಪಟ್ಟುನ ಕಜ್ಜ ನಡತ್ಂಡ್. ಅಯಿರ್ದ್ ಬೊಕ್ಕ ಕ್ಷೇತ್ರದ ಎದುರು ಹೈಮಾಸ್ಟ್ ಬೊಲ್ಪು ಕಂಬದ ಉದಿಪನ ಆಂಡ್. ಅಂಚೆನೆ ಪ್ರಸಾದ ವಿತರಣೆ, ಅನ್ನಸಂತರ್ಪಣೆ ನಡತ್ಂಡ್.
ಶ್ರೀ ವಿಠೋಬ ಭಜನಾ ಮಂದಿರದ ಅಧ್ಯಕ್ಷೆರ್, ಪದಾಧಿಕಾರಿಲು ಬೊಕ್ಕ ಸರ್ವ ಸದಸ್ಯೆರ್ ಅಂಚೆನೆ ಗ್ರಾಮಸ್ಥೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್. ಬಯ್ಯಡ್ ಕಟೀಲು ಮೇಳದಕ್ಲೆರ್ದ್ ಪಂಜ ದಿ.ಲಕ್ಕಪ್ಪ ಶೆಟ್ರೆನ ನೆಂಪುದ ಪ್ರತಿವರ್ಷದ ಯಕ್ಷಗಾನ ಸೇವೆಯಾಟ “ಭದ್ರಾಯು ಚರಿತ್ರೆ” ನಡತ್ಂಡ್.
Editorial