ಕುಡ್ಲದ ಗಾಂಜಾ ಕೇಸ್ ಡ್ ನನ ರಡ್ಡ್ ಜನ ವೈದ್ಯೆರ್ ಅರೆಸ್ಟ್

ಕುಡ್ಲದ ಗಾಂಜಾ ಕೇಸ್ ಡ್ ಮುರಾನಿ ಆತೆ ಕುಡ್ಲ ಪೇಂಟೆದ ಪುಗರ್ತೆದ ರಡ್ಡ್ ವೈದ್ಯಕೀಯ ಕಾಲೇಜ್ ದ ವೈದ್ಯೆರೆನ್ ಅರೆಸ್ಟ್ ಮಲ್ತ್ ದ್ ತನಿಖೆ ಎಚ್ಚ ಮಲ್ತಿನ ಪೊಲೀಸೆರ್ ಇನಿ ಕುಡ ರಡ್ಡ್ ಜನ ವೈದ್ಯೆರೆನ್ ಅರೆಸ್ಟ್ ಮಲ್ದೆರ್.

ಆಂಧ್ರಪ್ರದೇಶದ ರಾಘವ ದತ್ತಾ(28), ಬೆಂಗ್ಲೂರ್ ನಿವಾಸಿ ಬಾಲಾಜಿ (29) ಅರೆಸ್ಟ್ ಆಯಿನ ಆರೋಪಿಲು. ಇತ್ತೆ ಅರೆಸ್ಟ್ ಮಲ್ತಿನಕಲೆನ ಸಂಖ್ಯೆ 15ಕ್ ಏರ್ ದ್ಂಡ್ ಪಂದ್ ನಗರ ಪೊಲೀಸ್ ಆಯುಕ್ತೆರ್ ಎನ್. ಶಶಿಕುಮಾರ್ ತೆರಿಪಾದೆರ್. ಕಾಲಿ 10 ದಿನಟ್ ಕುಡ್ಲ ಕಮಿಷನರೇಟ್ ವ್ಯಾಪ್ತಿಡ್ 6 ಕೇಸ್ ಡ್ 20ಕ್ ಎಚ್ವ ಆರೋಪಿಲೆನ್ ಅರೆಸ್ಟ್ ಮಲ್ತ್ ದ್ 1 ಕ್ವಿಂಟಾಲ್ ಗ್ ಎಚ್ಚ ಗಾಂಜಾನ್ ವಶಕ್ಕ್ ಪಡೆತ ಪಂದ್ ಪಂಡೆರ್.