ಜ.28-30: ಕಿದಿಯೂರು ಶ್ರೀ ಬಾಲಾಂಜನೇಯ ಪೂಜಾ ಮಂದಿರಡ್ 54 ನೇ ವರ್ಷದ ಉಚ್ಚಯ

ಒಡಿಪು: ಕಿದಿಯೂರು ಶ್ರೀ ಬಾಲಾಂಜನೇಯ ಪೂಜಾ ಮಂದಿರಡ್ 54 ನೇ ವರ್ಷದ ಉಚ್ಚಯ ಜ.28 ರ್ದ್ 30 ಮುಟ್ಟ ನಡಪರೆ ಉಂಡು.

ಜ.28 ಸನಿಯಾರ ಪ್ರಾರ್ತನೆ, ಪುಣ್ಯಾಹ, ತೋರಣ ಮೂರ್ತ, ಗಣಯಾಗ, 25 ಕಲಶ ಪ್ರತಿಷ್ಠೆ, ಪ್ರಧಾನ ಹೋಮ, ಆಶ್ಲೇಷಾ ಬಲಿ ನಡಪುಂಡು. ಜ.29 ಐತಾರ ಮಹಾಮಂಗಳ, ಸಾರ್ವಜನಿಕ ರಂಗಪೂಜೆ, ದೀಪಾರಾಧನೆ, ಪ್ರಸಾದ ಕೊರಿಯೆರೆ ಉಂಡು. ಬೊಕ್ಕ ಸಾಂಸ್ಕೃತಿಕ ಲೇಸ್ ನಡಪುಂಡು. ಆಯಿರ್ದ್ ಪೊಸ ವೇದಿಕೆದ ಉದಿಪನ ಆದ್ ಸಾಕ್ಷಿ ಕಲಾವಿದೆರ್ ಬೆಳಪು ಮೊಕ್ಲೆರ್ದ್ ಕಾಮಿಡಿ 20-20 ನಡಪರೆ ಉಂಡು. ಜ.30 ಸೋಮಾರ ಕೈತಲ್ ದಕ್ಲೆರ್ದ್ ಸಾಂಸ್ಕೃತಿಕ ಲೇಸ್ ಆದ್, ಕಾಪು ರಂಗತರಂಗ ಕಲಾವಿದೆರೆರ್ದ್ ಬುಡೆದಿ ತುಳು ನಾಟಕ ನಡಪರೆ ಉಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.