ತೂಕ ಕಮ್ಮಿ ಮಲ್ಪರೆ ಮಾತ್ರೆ ದೆತೊಂದು ತೀರ್ ಪೋಯಿನ ಜವನೆ!

ಚೆನ್ನೈ: ತೂಕ ಕಮ್ಮಿ ಮಲ್ಪುನ ಮಾತ್ರೆ ದೆತೊಂದು ಜವನೆ ಒರಿ ತೀರ್ ಪೋಯಿನ ಘಟನೆ ತಮಿಳುನಾಡ್ ದ ಚೆನ್ನೈಡ್ ನಡತ್ಂಡ್.

ಈ ಘಟನೆಡ್ ಪಿ.ಸೂರ್ಯ (21) ತೀರ್ ಪೋತೆರ್.
ಮೇರ್ ಪೇರ್ ದ ಸಂಸ್ಥೆಡ್ ವಿತರಕನಾದ್ ಬೇಲೆ ಮಲ್ತೊಂದು ಇತ್ತೆರ್ ಪಂದ್ ತೆರಿದ್ ಬೈದ್ಂಡ್.
ಮೇರ್ ಡಿ.22 ರ್ದ್ ದೋಸ್ತಿಲೆನ ಸಲಹೆದಂಚನೆ ಮಾತ್ರೆ ದೆತೊನರೆ ಸುರು ಮಲ್ತೆರ್. ಆಂಡ ಜ. 1 ಕ್ ಇಲ್ಲಡ್ ಪ್ರಜ್ಞೆ ತತ್ತ್ ದ್ ಬೂರ್ನ ಮೆರೆನ್ ಸರ್ಕಾರಿ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಬೊಕ್ಕ ಚೆನ್ನೈದ ರಾಜೀವ್ ಗಾಂಧಿ ಸರ್ಕಾರಿ ಆಸ್ಪತ್ರೆಗ್ ದಾಖಲ್ ಮಲ್ತೆರ್. ಅಲ್ಪ ಚಿಕಿತ್ಸೆ ಫಲಕಾರಿ ಆವಂದೆ ಬುಧಾರ ತೀರ್ ಪೋತೆರ್. ಈ ಬಗೆಟ್ ಮೆರೆನ ಪೊಪ್ಪ ಪೊಲೀಸೆರೆಗ್ ದೂರು ಕೊರ್ತೆರ್. ಪೊಲೀಸೆರ್ ಕೇಸ್ ದಾಖಲ್ ಮಲ್ತ್ ದ್ ತನಿಖೆ ಮಲ್ತೊಂದು ಉಲ್ಲೆರ್. ಎಚ್ಚದ ಮಾಹಿತಿಗ್ ಮರಣೋತ್ತರ ಪರೀಕ್ಷೆದ ವರದಿನ್ ಕಾತೊಂದು ಉಲ್ಲೆರ್.