ಜ.6: ಚಿಲಿಂಬಿಗುಡ್ಡೆ ಶ್ರೀ ರಾಮಾಂಜನೇಯ ಯುವಕ ಮಂಡಲದ 36 ನೇ ವಾರ್ಷಿಕ ಉಚ್ಚಯದ ಲೆಕ್ಕೊಡು ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ

ಕುಡ್ಲ: ಚಿಲಿಂಬಿಗುಡ್ಡೆ ಶ್ರೀ ರಾಮಾಂಜನೇಯ ಯುವಕ ಮಂಡಲದ 36 ನೇ ವಾರ್ಷಿಕ ಉಚ್ಚಯದ ಲೆಕ್ಕೊಡು ಪುಣ್ಯಾಹ ಪಂಚಗವ್ಯ, ಕಲಶ, ಗಣಹೋಮ ಬೊಕ್ಕ ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ ಜ.6. ಶುಕ್ರಾರ ಕೋಡಿಕಲ್ ವೇದಮೂರ್ತಿ ವಿಶ್ವಕುಮಾರ್ ಜೋಯಿಸೆರೆನ ಮುತಾಲಿಕೆಡ್ ನಡಪರೆ ಉಂಡು.

ಈ ಲೇಸ್ ಡ್ ಕುಡ್ಲ ಹೈಲ್ಯಾಂಡ್ ದ ಪುಗರ್ತೆದ ಉದ್ಯಮಿ ಸುಧಾಕರ್ ಶೆಟ್ಟಿ ಬೊಕ್ಕ ಪ್ರಶಾಂತ್ ಬಿಲ್ಡರ್ಸ್ & ಡೆವಲಪರ್ಸ್ ದ ಪ್ರವೀಣ್ ನಾಯಕ್ ತುಡರ್ ಅರ್ಲಾವೆರ್. ಬಯ್ಯಗ್ ಸಭಾ ಲೇಸ್ ನಡಪುಂಡು. ನೆತ್ತ ಗುರ್ಕಾರ್ಮೆನ್ ಶಾಸಕೆರ್ ವೇದವ್ಯಾಸ ಕಾಮತ್ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಕುಡ್ಲ ಮ.ನ ಪಾಲಿಕೆದ ಉಪಮೇಯರ್ ಪೂರ್ಣಿಮಾ, ಸದಸ್ಯೆರ್ ಎಂ.ಶಶಿಧರ್ ಹೆಗ್ಡೆ, ನಿವೃತ್ತ ಸೇನಾಧಿಕಾರಿ ಕರ್ನಲ್ ಜಯಚಂದ್ರನ್, ಉದ್ಯಮಿ ರಾಜ್ ಗೋಪಾಲ್ ರೈ, ಪತಂಜಲಿ ಯೋಗ ಶಿಕ್ಷಕಿ ಸುನಂದ ಬಿ ಬರಿಯೆರೆ ಉಲ್ಲೆರ್.

ಬೊಕ್ಕ ಮೊಕ್ಲೆನ ಸಮ್ಮುಖಡ್ ವಿದ್ಯಾಪ್ರೋತ್ಸಾಹ, ವಿಕಲಚೇತನ ಪಣವುದ ಸಕಾಯನ್ ಪಟ್ಟಿಯೆರೆ ಉಂಡು. ರಾತ್ರೆ ಕೈತಲ್ ದ ಪ್ರತಿಭೆಲೆರ್ದ್ ಸಾಂಸ್ಕೃತಿಕ ಲೇಸ್ ಆದ್, ಶ್ರೀ ಪ್ರಾಪ್ತಿ ಕಲಾವಿದೆರೆರ್ದ್ ಕುಡ್ಲ ಮೊಕ್ಲೆರ್ದ್ ಮಾಯದಪ್ಪೆ ಮಂತ್ರದೇವತೆ ತುಳು ನಾಟಕ ನಡಪರೆ ಉಂಡು. ಈ ಮಾತ ಲೇಸ್ ಗ್ ಮಾತೆರ್ಲಾ ಬರೊಡು ಪಂದ್ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.