ಕುಡ್ಲ : ನಮ್ಮೂರ ಆಟ-ಕೂಟ ಟ್ರಸ್ಟ್ (ರಿ.)ಕಾವೂರು, ಕುಡ್ಲ ನೆತ್ತ ಸರ್ವ ಸದಸ್ಯೆರ್ನ ಸಭೆ ಇನಿ (ನ.14) ಬಯ್ಯಗ್ 6 ಗಂಟೆಗ್ ಕುಡ್ಲ ಫೆವಿಲಿಯನ್ ಹೋಟೆಲ್ ಕ್ವಾಲಿಟಿಡ್ ನಡತ್ಂಡ್.
ಈ ಲೇಸ್ ದ ಅಧ್ಯಕ್ಷತೆನ್ ನಮ್ಮೂರ ಆಟ-ಕೂಟ ಟ್ರಸ್ಟ್ (ರಿ.)ದ ಗೌರವಾಧ್ಯಕ್ಷೆರ್ ಕದ್ರಿ ನವನೀತ್ ಶೆಟ್ಟಿ ಒಯಿಸ್ ದಿತ್ತೆರ್. ನಮ್ಮೂರ ಆಟ-ಕೂಟ ಟ್ರಸ್ಟ್ (ರಿ.) ದ ಮಹಾಪೋಷಕೆರ್ ಆಯಿನ ಸದಾನಂದ ಶೆಟ್ರ್ ಲೇಸ್ ಉದಿಪನ ಮಲ್ತೆರ್.
ಅಂಚೆನೆ ರಾಜಗೋಪಾಲ್ ರೈ ಮಾತೆರೆನ್ಲ ಎದ್ಕೊಂಡೆರ್. ಬೊಕ್ಕ ಪಾತೆರ್ದ್, ನಮ್ಮೂರ ಆಟ-ಕೂಟ ಟ್ರಸ್ಟ್ ಉಂದು ನಮ್ಮ ಮುಲ್ಕಿ ಕರುಣಾಕರ ಶೆಟ್ರೆ ನ ಒಂಜಿ ಕನತ್ತ ಕೂಸು, ಅರೆಗ್ ಯಕ್ಷಗಾನಡ್ ಭಾರೀ ಆಸಕ್ತಿ ಇತ್ತಿನೆರ್ದಾವೆರ ಆರ್ ಒಂಜಿ ಟ್ರಸ್ಟ್ ಮಲ್ಪೊಡು, ಯಕ್ಷಗಾನ ಕಲಾವಿದೆರೆಗ್ ಸಕಾಯ ಮಲ್ಪೊಡು ಪನ್ಪುನ ಉದ್ದೇಶರ್ದ್ ಈ ಟ್ರಸ್ಟ್ ನ್ ಮಲ್ತೆರ್. ಈ ಟ್ರಸ್ಟ್ ಡ್ ದಾದ ಇತ್ತ್ಂಡಲ 99% ಅರೆಗೇ ಸೇರ್ನವು ಪಂದ್ ಪಂಡೆರ್.
ಅಂಚನೆ ಈ ಟ್ರಸ್ಟ್ ಗ್ ಡಿಸೆಂಬರ್ ಗ್ ಒಂಜಿ ವರ್ಷ ಅಪುಂಡು. ಅಂಚಾದ್ ಡಿಸೆಂಬರ್ 24ಕ್ ಉರ್ವಸ್ಟೋರ್ ಅಂಬೇಡ್ಕರ್ ಭವನಡ್ ಲೇಸ್ ನಡಪರೆ ಉಂಡು. ಅಂಚಾದ್ ಇನಿ ನಡತಿನ ಸಭೆಟ್ ಚರ್ಚೆ ಆದ್, ಲೆಕ್ಕಪತ್ರ ಮಂಡನೆ ಮಲ್ತೆರ್.
ಈ ಪೊರ್ತುಡು ಲೀಲಾಕ್ಷ ಕರ್ಕೇರ, ಭಾಸ್ಕರ್ ರೈ ಕುಕ್ಕುವಳ್ಳಿ, ಸಾಹಿಲ್ ರೈ, ಪಿ.ಪಿ ಪೂಜಾರಿ, ಜಿತೇಂದ್ರ ಕುಂದೇಶ್ವರ್, ರಾಜಗೋಪಾಲ್ ರೈ ಮೊಕುಲು ಮಾತ ಇತ್ತೆರ್.
pallavi shetty