ಉದ್ವಿಗ್ನತೆದ ನಡುಟೆ ಸುರತ್ಕಲ್ ಡ್ ಕುಡೊಂಜಿ ಜವಣ್ಯನ ಮಿತ್ತ್ ತಲ್ವಾರ್ ದಾಳಿ
ಸುರತ್ಕಲ್ : ಬಿಜೆಪಿ ಯುವ ಮುಖಂಡ ಪ್ರವೀಣ್ ನೆಟ್ಟಾರು ಮೆರ್ನ ಮರಣರ್ದ್ ಬೊಕ್ಕ ಉದ್ವಿಗ್ನ ಸ್ಥಿತಿ ನಿರ್ಮಾಣ ಆಯಿನ ಪೊರ್ತುಡೆ ಕುಡೋರ ಕುಡ್ಲಡ್ ನೆತ್ತೆರ್ ದ ಓಕುಳಿ ಆಂಡ್, ಸುರತ್ಕಲ್ ಡ್ ಗುರುವಾರ ರಾತ್ರಿ ಜವಣ್ಯನ ಮಿತ್ತ್ ತಲ್ವಾರ್ ದಾಳಿ ಮಲ್ದೆರ್.
ಮಂಗಳ ಪೇಟೆದ ಫಾಝಿಲ್ ಪನ್ಪಿನಾಯೆನ ಮಿತ್ತ್ ತಲ್ವಾರ್ ದಾಳಿ ಆತುಂಡು. ಚಪ್ಪಲ್ ದೆತೊನೆರೆ ಬೈದಿನ ವಾಝಿನ ಮಿತ್ತ್ ಅಂಗಡಿದ ಎದುರು ಜಗಲಿಡೇ ತಲ್ವಾರ್ ದಾಳಿ ಆದ್ ದುಷ್ಕರ್ಮಿಲು ಬಲ್ತ್ದೆರ್ .
ಬಾರಿ ನೆತ್ತೆರ್ ಪೋಯಿನೆರ್ದಾವರ , ಗಂಭೀರ ಸ್ಥಿತಿಡ್ ಉಪ್ಪುನ ವಾಝಿನ್ ಆಸ್ಪತ್ರೆಗ್ ಸೇರಾದೆರ್.
ಜಾಗೆಡ್ ಉದ್ವಿಗ್ನ ವಾತಾವರಣ ನಿರ್ಮಾಣ ಆತುಂಡು ಎಚ್ಚದ ಪೊಲೀಸ್ ಭದ್ರತೆ ಕೊರ್ತೆರ್ . ಪೊಲೀಸ್ ದಕುಲು ಸಿಸಿಟಿವಿ ಪರಿಶೀಲನೆ ಮಲ್ತೊಂದು ಉಲ್ಲೆರ್ .
pallavi shetty