ಮಾಣಿಲ: ಕುಕ್ಕಾಜೆ ಶ್ರೀ ಕಾಳಿಕಾಂಬ ಆಂಜನೇಯ ದೇವಲ್ಯದ ಪುನರ್ ನಿರ್ಮಾಣಗ್ ಕೆಸರ್ ಕಲ್ಲ್ ಪಾಡಿನ ಧರ್ಮದರ್ಶಿಲು
ಮಾಣಿಲದ ಕುಕ್ಕಾಜೆ ಶ್ರೀ ಕಾಳಿಕಾಂಬ ಆಂಜನೇಯ ಕ್ಷೇತ್ರದ ಪುನರ್ ನಿರ್ಮಾಣಗ್ ಕೋಡೆ ಪೂಜ್ಯ ಧರ್ಮದರ್ಶಿಲು ಶ್ರೀ ಶ್ರೀ ಶ್ರೀ ಕೃಷ್ಣ ಗುರೂಜಿ ಮೇರ್ನ ಮುತಾಲಿಕೆಡ್ ಚಾಲನೆ ಕೊರಿಯರ್. ಕಾಂಡೆ ಗಣಪತಿ ಹೋಮದೊಟ್ಟುಗ್ ಕೆಸರ್ ಕಲ್ಲು ಪಾಡಿಯೆರ್.
ಈ ಪೊರ್ತುಡ್ ಕ್ಷೇತ್ರದ ಮುಖ್ಯಸ್ಥೆರ್ ಎಂಕೆ ಕುಕ್ಕಾಜೆ, ಜೀರ್ಣೋದ್ಧಾರ ಸಮಿತಿದ ಪ್ರಧಾನ ಕಾರ್ಯದರ್ಶಿಲು ಶ್ರೀ ಶ್ರೀಧರ್ ಬಾಳೆಕಲ್ಲು, ಕೋಶಾಧಿಕಾರಿ ಕೃಷ್ಣಪ್ಪ ತಾರಿದಳ , ರಾಮಣ್ಣ ಪೂಜಾರಿ ಕುಕ್ಕಾಜೆ, ಕೃಷ್ಣಪ್ಪ ಪೂಜಾರಿ ಕುಕ್ಕಾಜೆ, ಕಪ್ಪುಕಲ್ಲಿದ ಶಿಲ್ಪಿ ಉದಯ ಪೂಜಾರಿ ಅನಂತಾಡಿ, ಪೊಂಜೊವ್ ಲೆನ ಸಂಘದ ಅಧ್ಯಕ್ಷೆ ಶ್ರೀಮತಿ ಮೋಹಿನಿ ತಾರಿದಳ ಲೇಸ್ ಡ್ ಇತ್ತೆರ್.
2023 ತ್ತ ಮಾರ್ಚ್ 5 -10ತ್ತ ಉಲಾಯಿ ಕ್ಷೇತ್ರದ ಜೀರ್ಣೋದ್ಧಾರ ಬೇಲೆ ಆದ್ ಪ್ರತಿಷ್ಟ ಬ್ರಹ್ಮಕಲಶೋತ್ಸವ ಆಯರೇ ಉಂಡು. ಅಂಚಾದ್ ಊರು ಅಂಚನೆ ಪರವೂರುದ ಭಕ್ತೆರ್ ಕ್ಷೇತ್ರದ ಜೀರ್ಣೋದ್ಧಾರದ ಬೇಲೆಡ್ ಸಾಕಾರ ಮಲ್ತ್ ದ್ ಸರಿಯಾಯಿನ ಪೊರ್ತುಗ್ ಪುನರ್ ಪ್ರತಿಷ್ಠಾ ಕಲಶಾಭಿಷೇಕ ಮಲ್ಪರೆ ಸಾಕಾರ ಮಲ್ಪೊಡ್ ಪಂದ್ ಪೂಜ್ಯ ಧರ್ಮದರ್ಶಿಗಳು ಬಿನ್ನಾಪು ಮಲ್ತೆರ್.
