July 30, 2022

ಅಗೋಸ್ಟ್ 1ರ್ದ್ ಆಗುಂಬೆ ಘಾಟಿಡ್ ಬಸ್ ಸವಾರಿ ಮಲ್ಪೊಲಿ

Jul 30, 2022

ಕಾರ್ಲ: ಅಗೋಸ್ಟ್ 1 ತಾರೀಕ್ ರ್ದ್ ಅಗುಂಬೆ ಘಾಟಿಡ್ ಬಸ್ ಅಂಚನೆ ಎಲ್ಯ ಗಾಡಿದ ಸವಾರಿ ಮಲ್ಪೊಲಿ.

ಮಲ್ಪೆ- ಮೊಣಕಾಲ್ಮೂರು ರಾಷ್ಟ್ರೀಯ ಹೆದ್ದಾರಿ ಅಗುಂಬೆ ಘಾಟಿದ 11ನೇ ತಿರ್ಗಸ್ ಡ್ ಗುಡ್ಡೆ ಜರಿದಿತ್ತ್oಡ್. ಈ ಬಗೆಟ್ ಶಿವಮೊಗ್ಗ ಅಂಚನೆ ಒಡಿಪು ಜಿಲ್ಲೆದ ಜಿಲ್ಲಾಧಿಕಾರಿಲು ಜುಲೈ 10 ಕ್ಕ್ ಸವಾರಿ ಮಲ್ಪಂದಿಲೆಕ್ಕ ಆದೇಶ ಪಾಡ್ ದಿತ್ತೆರ್. ಆಂಡ ಆಗೋಸ್ಟ್ 1 ರ್ದ್ ಸಾರ್ವಜನಿಕೆರ್ನ ಬಿನ್ನಾಪುಲೆಕ್ಕ ಬಸ್ ಬೊಕ್ಕ ಎಲ್ಯ ಗಾಡಿಲು ಪೊವೋಲಿ. ಲಾರಿ, ಟಿಪ್ಪರ್ ಸೇರಿನಂಚನೆ ಮಲ್ಲ ಗಾಡಿಲೆಗ್ ಅಗೋಸ್ಟ್ 30 ಮುಟ್ಟ ನಿಷೇಧ ಪಾಡ್ದೆರ್.

ಕಾಮನ್ವೆಲ್ತ್ ಗೇಮ್ಸ್ ವೇಯ್ಟ್ ಲಿಫ್ಟಿಂಗ್: ಕಂಚಿದ ಪದಕೊ ಗೆಂದಿನ ಕುಂದಾಪುರದ ಗುರುರಾಜ ಪೂಜಾರಿ

Jul 30, 2022

ಬರ್ಮಿಂಗ್ಯಾಮ್: ಕಾಮನ್ವೆಲ್ತ್ ಗೇಮ್ಸ್ ಡ್ 61 ಕೆಜಿ ವಿಭಾಗದ ವೇಯ್ಟ್ ಲಿಫ್ಟಿಂಗ್‌ಡ್ ಕುಂದಾಪುರದ ಗುರುರಾಜ ಪೂಜಾರಿ ಕಂಚಿದ ಪದಕ ಗೆಂದ್‌ಯೆರ್.

ಆಂಜೋವುಲೆನ 61 ಕೆಜಿ ವಿಭಾಗದ ವೇಟ್‌ಲಿಫ್ಟಿಂಗ್‌ಡ್ ಒಟ್ಟು 269 ಕೆಜಿ ದೆರ್ಪುನ ಮೂಲಕ ಕುಡವೊರ ಕಾಮನ್‌ವೆಲ್ತ್ ಗೇಮ್ಸ್‌ಡ್ ಪದಕ ಗೆಂದಿಯೆರ್. ಗುರುರಾಜ್ ಉಂದೆರ್ದ್ 2018ಟ್ ನಡತಿನ ಗೋಲ್ಡ್‌ ಕೋಸ್ಟ್ ಕಾಮನ್‌ವೆಲ್ತ್ ಗೇಮ್ಸ್‌ಡ್ ಬೊಲ್ಲಿ ಪದಕಗೆಂದ್ ದೆರ್.

ಅಂಚೆನೆ 55 ಕೆಜಿ ವಿಭಾಗೊದ ಕ್ಲೀನ್ ಆಂಡ್ ಜರ್ಕ್ ವಿಭಾಗಡ್ 248 ಕೆಜಿ ದುನ್ನ ದೆರ್ಪುನ ಮೂಲಕ 21 ವರ್ಷದ ಸಂಕೇತ್ ಬೊಲ್ಲಿ ಪದಕ ಪಡೆಯೆರ್. ಉಂದು ಭಾರತೊದ ಸುರುತ್ತ ಪದಕ ಆದಿತ್ತ್ಂಡ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಸುರತ್ಕಲ್ : ಫಾಝಿಲ್ ಮರ್ಡರ್ ಕೇಸ್ : 21 ಜನ ಆರೋಪಿಲೆನ ವಶ : ಏರೆನ್ಲ ಅರೆಸ್ಟ್ ಮಲ್ದಿಜ ಸ್ಪಷ್ಟನೆ ಕೊರಿನ ಕಮೀಷನರ್ ಎನ್.ಶಶಿಕುಮಾರ್

Jul 30, 2022

ಸುರತ್ಕಲ್ : ಫಾಝಿಲ್ ಮರ್ಡರ್ ಕೇಸ್ : 21 ಜನ ಆರೋಪಿಲೆನ ವಶ : ಏರೆನ್ಲ ಅರೆಸ್ಟ್ ಮಲ್ದಿಜ ಸ್ಪಷ್ಟನೆ ಕೊರಿನ ಕಮೀಷನರ್ ಎನ್.ಶಶಿಕುಮಾರ್

ಕುಡ್ಲ : ಕರಿನ 28 ತಾರಿಕ್ಗ್ ಸುರತ್ಕಲ್ ಡ್ ನಡತಿನ ಫಾಝಿಲ್ ಮರ್ಡರ್ ಪ್ರಕರಣಗ್ ಸಂಬಂಧಿ 21 ಶಂಕಿತ ಆರೋಪಿಲೆನ್ ವಿಚಾರಣೆ ಮಲ್ಪರೆ ಪೋಲಿಸೆರ್ ವಶಕ್ ಪಡೆತೆರ್ .ಮರ್ಡರ್ ಆಯಿನ ದಿನನೇ ಸೆಕ್ಷನ್ 144 ಪಾಡ್ದೆರ್ , ಅನುಮಾನಾಸ್ಪದ ರೀತಿಡ್ ಪೋವೊಂದು ಇತ್ತಿನ 14 ಜನನ್ ಪೋಲಿಸ್ದಕುಲು ಅರೆಸ್ಟ್ ಮಲ್ದೆರ್ .

ಕೋಡೆಲಾ ಅನುಮಾನದ ಆಧಾರದ ಮಿತ್ತ್ ಏಳ್ ಜನನ್ ಕುಡ್ಲ ಪೊಲೀಸೆರ್ ವಶಕ್ ಪಡೆತೆರ್ , ವಿಚಾರಣೆ ಮಲ್ತೊಂದು ಉಲ್ಲೆರ್ .21 ಜನಟ್ ಕೆಲವು ಬಜರಂಗದಳದ ಕಾರ್ಯಂತೆರ್ಲ ಉಲ್ಲೆರ್ , ಕೋಮು ದ್ವೇಷದ ನೆಲೆಟ್ಟ್ ಮರ್ಡರ್ ಮಲ್ದೆರ ಅತ್ತ್ ಬೇತೆ ದಾಲ ಕಾರಣ ಅಥವಾ ಉಂಡಾ ಪನ್ಪಿನ ಬಗ್ಗೆ ಪೋಲಿಸೆರ್ ತನಿಖೆ ಮಲ್ತೊಂದು ಉಲ್ಲೆರ್ ಪಂದ್ ಕಮೀಷನರ್ ಎನ್. ಶಶಿಕುಮಾರ್ ಮಾಧ್ಯಮದಕ್ಲೆಗ್ ಮಾಹಿತಿ ಕೊರ್ತೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಬಾರಿ ಬರ್ಸ ಉಪ್ಪುನ ನೆಲೆಟ್ಟ್ ಇನಿ ಶಾಲೆಗ್ ರಜೆ ಘೋಷಣೆ ಮಲ್ತಿನ ಜಿಲ್ಲಾಧಿಕಾರಿ ಡಾ.ಕೆ.ವಿ‌. ರಾಜೇಂದ್ರ

Jul 30, 2022

ಬಾರಿ ಬರ್ಸ ಉಪ್ಪುನ ನೆಲೆಟ್ಟ್ ಇನಿ ಶಾಲೆಗ್ ರಜೆ ಘೋಷಣೆ ಮಲ್ತಿನ ಜಿಲ್ಲಾಧಿಕಾರಿ ಡಾ.ಕೆ.ವಿ‌. ರಾಜೇಂದ್ರ

ಕುಡ್ಲ : ಕುಡ್ಲಡ್ ತೆಡಿಲ್ ಬರ್ಸ ಉಪ್ಪುನೆರ್ದಾವರ ಕುಡ್ಲ , ಉಳ್ಳಾಲ, ಬಂಟ್ಬಾಳ, ಮೂಲ್ಕಿ-,ಬೆದ್ರ ಪೇಂಟೆದ ಅಂಗನವಾಡಿ, ಪ್ರಾಥಮಿಕ, ಪ್ರೌಢಶಾಲೆಗ್ ಇನಿ (ಜು.30) ರಜೆ ಕೊರ್ತೆರ್ . ಅಂಚನೆ ಪುತ್ತೂರು, ಸುಳ್ಯ, ಬೆಳ್ತಂಗಡಿ ವ್ಯಾಪ್ತಿದ ತಹಶೀಲ್ದಾರೆರ್ ಬಿಇಒ ಅಲ್ಪದ ಪರಿಸ್ಥಿತಿ ತೂದು ರಜೆ ಕೊರೋಲಿ ಪಂದ್ ಕುಡ್ಲ ಜಿಲ್ಲಾಧಿಕಾರಿಡಾ.ಕೆ.ವಿ‌. ರಾಜೇಂದ್ರ ಪಂಡೆರ್
.