July 24, 2022

ಪಾಲೆದ ಮರಕ್ಕ್ ತೆಡಿಲ್ ತಡೆಪುನ ಸಕ್ತಿ ಉಂಡು : ನವೀನ್ ಎಡ್ಮೆಮಾರ್

ಪಾಲೆದ ಮರಕ್ಕ್ ತೆಡಿಲ್ ತಡೆಪುನ ಸಕ್ತಿ ಉಂಡು : ನವೀನ್ ಎಡ್ಮೆಮಾರ್

ಬಂಟರ ಸಂಘ ಮುಲ್ಕಿ (ರಿ) ಪೊಂಜೊವುಲೆನ ಕೂಟದ ಆಟಿದ ತಮ್ಮನ

ಮುಲ್ಕಿ : ಆಟಿ ತಿಂಗೊಲು ಪಂಡ ಸೀಕ್, ನಂಜಿದ ತಿಂಗೊಲು. ಅವ್ವತ್ತಾಂದೆ ಒಂಜಿ ಕಾಲೊಡು ಜನೊಕ್ಲೆಗ್ ಬಾರಿ ಬಂಗದ ದಿನೊಕ್ಕುಲು. ಆಟಿ ತಿಂಗೊಲುಡು ಸುರೂತ್ತ ಆಟಿ, ನಡುತ್ತ ಆಟಿ, ಕಡೇತ್ತ ಆಟಿ ಪಂದ್ ಉಂಡು. ಸುರೂತ್ತ 10 ದಿನ ನಂಜಿ ಕಲೆವರೆ, ಬೊಕ್ಕ 10 ದಿನ ಮರ್ದ್ ಮಲ್ಪರೆ ಬೊಕ್ಕ 10 ದಿನ ಜೂವೊಗು ಸಕ್ತಿ ಕೊರ್ಪಿನ ತೆನಸ್ ಲೆನ್ ತಿನ್ಪಿನ ದಿನೊಕ್ಕುಲು.ಆಟಿದ ಆ ಪೊರ್ತುಡು ನಮ್ಮ ಹಿರಿಯಾಕ್ಲು ಸರ್ರದ ನಂಜಿ ಕಲೆವರೆ ಬೋಡಾದ್ ಆಟಿದ ವಿಶೇಷ ಅಟಿಲ್, ವನಸ್ ತೆನಸ್, ಕಷಾಯ ಮಲ್ತ್ ಪರೊಂದಿತ್ತೆರ್.
ತೊಪ್ಪು ತಜಂಕ್ ಡ್ ನಂಜಿ ದೆಪ್ಪುನ ಮರ್ದ್ ದ ಅಂಶ ಉಂಡುಪಂದ್ ನಮ್ಮ ಹಿರಿಯಾಕ್ಲು ಅಪಗನೇ ತೆರಿದಿತ್ತೆರ್. ಅಮಾಸೆದಾನಿ ನಮ ಪರ್ಪಿನ ಪಾಲೆದ ಕೆತ್ತೆದ ಮರ್ದ್ ಪಿರವುಡು ಇತ್ತಿನ ವಿಜ್ಞಾನೊನು ತೆರಿವೊನುಡು. ಪಾಲೆದ ಮರಕ್ಕ್ ತೆಡಿಲ್ ಹಾಕುನೆನ್ ತಡೆಪುನ ಶಕ್ತಿ ಉಂಡು. ಒಂಜಿ ವೇಳೆ ತೆಡಿಲ್ ಹಾಕ್ಂಡ ಅವೆನ್ ಪಾಲೆದ ಮರ ತಾನ್ ಒಯಿತೊಂದು ಬೂಮಿದ ಉಲಯಿ ಬುಡ್ದು ಜನಮಾನಿಗ್ ತೆಡಿಲ್ ಹಾಕಂದಿಲೆಕ್ಕ ತಡೆಪುಂಡು. ಅವ್ವೇ ಕಾರಣೊಗು ದೈವ ದೇವಸ್ಥಾನದ ಬರಿಟ್ಟ್, ತೋಟೊಡು ಪಾಲೆದ ಮರ ನಡ್ಪೆರ್. ಆತೆ ಅತ್ತಾಂದೆ ಅವ್ವೇ ಕಾರಣೊಗು ಆಟಿದ ಅಮಾಸೆದಾನಿ ಪಾಲೆದ ಮರತ್ತ ಕೆತ್ತೆ ದೆಪ್ಪರೆ ಕತ್ತಿ ಕುಡರಿ ಗಲಸಂದೆ ಕಲ್ಲ್ ಡ್ ಗುದ್ದುದು ದೆಪ್ಪೊಡು ಪಂದ್ ಹಿರಿಯಾಕ್ಲು ಪನ್ಪಿನಿ ಪಂದ್ ಟಿವಿ ನಿರೂಪಕೆ ನವೀನ್ ಶೆಟ್ಟಿ ಎಡ್ಮೆಮಾರ್ ತೆರಿಪಾಯೆರ್.

ಆರ್ ಬಂಟರ ಸಂಘ ಮುಲ್ಕಿ ಉಂದೆತ್ತ ಪೊಂಜೊವುಲೆನ ಕೂಟದಕುಲು ಕಾರ್ನಾಡ್ ಬಂಟರ ಭವನದ ಚಾವಡಿಡ್ ಐತಾರ ಅಟ್ಟಣೆ ಮಲ್ದಿನ ” ಆಟಿದ ತಮ್ಮನ’ ಲೇಸ್ ಡ್ ಪಾತೆರಿಯೆರ್.

ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ದ ಆಡಳಿತ ಮೊಕ್ತೇಸರೆರ್ ಮನೋಹರ ಶೆಟ್ರ್ ದೀಪ ಅರ್ಲಾದ್ ಲೇಸ್ ಉದಿಪನ ಮಲ್ದೆರ್.
ಈ ಪೊರ್ತುಡು ಪಾತೆರಿನ ಆರ್, ಆಟಿದ ವಿಶೇಷತೆನ್ ನಮ ಇತ್ತೆದ ಜೋಕುಲೆಗ್ ತೆರಿಪಾಯಿಜಿಡ ತಪ್ಪಾಪುಂಡು. ದುಂಬುದ ಕಾಲೊಡು ಜನಕ್ಲೆನ ಕಷ್ಟದ ಜೀವನ ಎಂಚ ಇತ್ತ್ಂಡ್, ಆ ಪೊರ್ತುಡು ಅಕುಲು ಎಂಚಿನೆನ್ ಮಾತ ತಿನೊಂದಿತ್ತೆರ್ ಪನ್ಪಿನ ಮಾತಾ ವಿಚಾರೊಲೆನ್ ಇತ್ತೆದ ಪೊಸ ಮಂದೆಲೆಗ್ ತೆರಿಪಾದ್ ಕೊರೊಡು. ಈ ಬೇಲೆನ್ ಮುಲ್ಕಿ ಬಂಟರ ಸಂಘದ ಮಹಿಳಾ ಕೂಟದಕುಲು ಪ್ರತಿ ವರ್ಸಲ ಮಲ್ತೊಂದುಲ್ಲೆರ್. ನನ ದುಂಬಗುಲ ಇಂಚಿನ ಲೇಸ್ ನ್ ಮಲ್ತೊಂದು ಬರಡ್ ಪಂದ್ ಆರ್ ಎಡ್ಡೆಪ್ಪು ಬಯಕಿಯೆರ್.

ಮಲ್ಲ ಬಿನ್ನೆರಾದ್ ಬತ್ತಿತ್ತಿನ ವಿಜಯಲಕ್ಷ್ಮಿ ಪಿ. ರೈ ಕಳ್ಳಿಮಾರ್ ಬೊಕ್ಕ ಬಂಟರ ಸಂಘದ ಪೊಂಜೊವುಲೆನ ಕೂಟದ ಗುರ್ಕಾರ್ದಿ ಚಂದ್ರಕಲಾ ಎಸ್. ಶೆಟ್ಟಿ ಚೆನ್ನೆಮಣೆಟ್ಟ್ ಚೆನ್ನೆ ಗೊಬ್ಬಿಯೆರ್. ಬೊಕ್ಕ ಸಂಘದ ಸದಸ್ಯೆರ್ನ ಒಟ್ಟು ಸೇರ್ದ್ ತೇವುದ ಇರೆತ್ತ ತೇಟ್ಲ ಕಟ್ ದ್ ಆಟಿದ ತಮ್ಮನ ಲೇಸ್ ಉದಿಪನ ಮಲ್ತೆರ್.

ಈ ಪೊರ್ತುಡು ಪಾಡ್ದನಡ್ ಪುಗರ್ತೆ ಪಡೆಯಿನ ತಾಳಿಪಾಡಿಗುತ್ತು ಅಪ್ಪಿ ಶೆಟ್ಟಿ ಮೆರೆಗ್ ಮಾನಾದಿಗೆ ನಡತ್ಂಡ್. ಗೀತಾ ರಾಮದಾಸ್ ಶೆಟ್ಟಿ ಮೇರ್ ಮಾನಾದಿಗೆ ಪತ್ರ ಓದು ಪಂಡೆರ್.ಈ ಪೊರ್ತುಡು ಅರೆನ ಪುಲ್ಲಿ, ಪತ್ರಕರ್ತೆರ್ ಉದಯ ಪೂಂಜ ಇತ್ತೆರ್. ಮಾನಾದಿಗೆ ದೆತೊನಿನ ಅಪ್ಪಿ ಶೆಟ್ಟಿ ಮೇರ್ ದೇವು ಪೂಂಜನ ಪಾಡ್ದನ ಪಂಡೆರ್.

ಮಲ್ಲ ಬಿನ್ನೆರಾದ್ ಬತ್ತ್ ತ್ತಿನ ವಿಜಯಲಕ್ಷ್ಮಿ ಪಿ.ರೈ ಪಾತೆರ್ದ್, ನಮ ಆಟಿದ ಆಚರಣೆ ಮಲ್ಪುನೆತ್ತೊಟ್ಟುಗು ಪ್ರತಿಯೊಂಜಿ ವಿಷಯದಲ ಮೂಲ ತೆರಿಯೊಂದು ಪೋವೊಡು. ಪ್ರತಿ ಆಚರಣೆದ ಬಗೆಟ್ಟ್ ಅವು ದಾಯೆ ? ಉಂದು ದಾಯೆ ಪಂದ್ ಹಿರಿಯಾಕ್ಲೆಡ ತೆರಿಯೊಡು, ಅವೆನ್ ನನದ ಜೋಕುಲೆಗ್ ತೆರಿಪಾವೊಡು.ನಂಬೊಲಿಗೆನ್ ಆಚರಣೆ ಮಲ್ಪುನ ಒಟ್ಟುಗೆ ನಮ ಮೂಢನಂಬಿಕೆಗ್ ಬಲಿ ಆವರೆ ಬಲ್ಲಿ ಪಂದ್ ಕೆಬಿ ಪಾತೆರ ಪಂಡೆರ್.
ಮುಲ್ಕಿ ಬಂಟರ ಸಂಘದ ಗುರ್ಕಾರ್ಲು ಪುರುಷೋತ್ತಮ ಶೆಟ್ಟಿ ಲೇಸ್ ದ ಗುರ್ಕಾರ್ಮೆ ಒಯಿಸ್ ದಿತ್ತೆರ್.

ಮಿತ್ತರ್ಮೆಡ್ ಮುಲ್ಕಿ ಬಂಟರ ಸಂಘದ ಉಪಾಧ್ಯಕ್ಷೆರ್ ರಾಜೇಶ್ ಕುಮಾರ್ ಶೆಟ್ಟಿ, ಕಾರ್ಯದರ್ಶಿ ಗಂಗಾಧರ ಶೆಟ್ಟಿ, ಕೋಶಾಧಿಕಾರಿ ಅಶೋಕ್ ಕುಮಾರ್ ಶೆಟ್ಟಿ
ಮಾಧ್ಯಮ ಬೊಕ್ಕ ಪ್ರಚಾರ ಸಮಿತಿದ ಸಂಚಾಲಕೆರ್ ನಿಶಾಂತ್ ಶೆಟ್ಟಿ, ಯುವ ವಿಭಾಗದ ಸಂಚಾಲಕೆರ್ ದಾಮೋದರ ಶೆಟ್ಟಿ ಇತ್ತೆರ್.
ಬಂಟರ ಸಂಘದ ಪೊಂಜೊವುಲೆನ ಕೂಟದ ಗುರ್ಕಾರ್ದಿ ಚಂದ್ರಕಲಾ ಎಸ್. ಶೆಟ್ಟಿ ಮೇರ್ ಮಾತ ಬಿನ್ನೆರೆನ್ ಎದ್ಕೊಂಡೆರ್.
ಅಮೂಲ್ಯ ಶೆಟ್ಟಿ ಮೇರ್ ವಿಜಯಲಕ್ಷ್ಮಿ ರೈ ಮೆರ್ನ ಪೊಲಬು ಮಲ್ತೆರ್. ಮಮತಾ ಶೆಟ್ಟಿ ಪಂಜ ಮೇರ್ ಬಗಬಗೆತ್ತ ತೆನಸ್ ಮಲ್ತ್ ಕೊರ್ತಿನ ಸದಸ್ಯೆರ್ನ ಪುದರ್ ಲೆತ್ತ್ ಪಂಡೆರ್.
ಬಂಟರ ಸಂಘದ ಕಾರ್ಯದರ್ಶಿ ಸಾಯಿನಾಥ್ ಶೆಟ್ಟಿ ಲೇಸ್ ನಡಪಾದ್ ಕೊರಿಯೆರ್. ವಿನಯಲತಾ ಶೆಟ್ಟಿ ಸೊಲ್ಮೆ ಸಂದಾಯೆರ್.
ಅಯಿರ್ದ್ ಬೊಕ್ಕ ಜೋಕ್ಲೆನ ನಲಿಕೆ ಇತ್ತ್ಂಡ್. ಅಂಚೆನೆ ತುಳುನಾಡ ಕಮ್ಮೆನದ 26 ಬಗೆತ್ತ ತೆನಸ್ ದ ವನಸ್ ದ ವ್ಯವಸ್ಥೆ ಇತ್ತ್ಂಡ್.

Latest news:

        <article><a href="https://www.timesofkudla.com/ARDC.in/2022/Month/07/24498/No.1TuluNews" title="ಶಾಂತಿ ಕಾಪುಲೆ, ಸಮಾಧಾನೊಡು ಉಪ್ಪುಲೆ : ಸಿಎಂ ಬೊಮ್ಮಾಯಿ"><img width="715" height="429" src="https://www.timesofkudla.com/wp-content/uploads/2022/07/images-1-2.jpeg" alt="images (1)" loading="lazy" /></a>         <h2>
                        <a href="https://www.timesofkudla.com/ARDC.in/2022/Month/07/24498/No.1TuluNews" title="ಶಾಂತಿ ಕಾಪುಲೆ, ಸಮಾಧಾನೊಡು ಉಪ್ಪುಲೆ : ಸಿಎಂ ಬೊಮ್ಮಾಯಿ">
                ಶಾಂತಿ ಕಾಪುಲೆ, ಸಮಾಧಾನೊಡು ಉಪ್ಪುಲೆ : ಸಿಎಂ ಬೊಮ್ಮಾಯಿ             </a>
                        </h2>
                                July 27, 2022                               
            ಶಾಂತಿ ಕಾಪುಲೆ, ಸಮಾಧಾನೊಡು ಉಪ್ಪುಲೆ : ಸಿಎಂ ಬೊಮ್ಮಾಯಿ ಪುತ್ತೂರು : ಕೋಡೆ ಬೆಳ್ಳಾರೆಡ್ ನಡತಿನ ಬಿಜೆಪಿ ಕಾರ್ಯಂತೆ ಪ್ರವೀಣ್ ನೆಟ್ಟಾರು ಮೆರೆನ್ ಕೆರಿನ ಬಗೆಟ್ಟ್ ಸಿಎಂ ಬಸವರಾಜ ಬೊಮ್ಮಾಯಿ&hellip;         
        </article><article><a href="https://www.timesofkudla.com/ARDC.in/2022/Month/07/24494/No.1TuluNews" title="ಪ್ರವೀಣ್ ಮರ್ಡರ್ ಕೇಸ್, ಬೆಳ್ಳಾರೆದ 15 ಜನ ಶಂಕಿತೆರ್ ಪೊಲೀಸ್ ವಶಕ್ಕ್: ಎಡಿಜಿಪಿ ಅಲೋಕ್ ಕುಮಾರ್ ಮಾಹಿತಿ"><img width="380" height="256" src="https://www.timesofkudla.com/wp-content/uploads/2022/07/bcv.jpg" alt="bcv" loading="lazy" /></a>         <h2>
                        <a href="https://www.timesofkudla.com/ARDC.in/2022/Month/07/24494/No.1TuluNews" title="ಪ್ರವೀಣ್ ಮರ್ಡರ್ ಕೇಸ್, ಬೆಳ್ಳಾರೆದ 15 ಜನ ಶಂಕಿತೆರ್ ಪೊಲೀಸ್ ವಶಕ್ಕ್: ಎಡಿಜಿಪಿ ಅಲೋಕ್ ಕುಮಾರ್ ಮಾಹಿತಿ">
                ಪ್ರವೀಣ್ ಮರ್ಡರ್ ಕೇಸ್, ಬೆಳ್ಳಾರೆದ 15 ಜನ ಶಂಕಿತೆರ್ ಪೊಲೀಸ್ ವಶಕ್ಕ್: ಎಡಿಜಿಪಿ ಅಲೋಕ್ ಕುಮಾರ್ ಮಾಹಿತಿ                </a>
                        </h2>
                                July 27, 2022                               
            ಕುಡ್ಲ: ಬೆಳ್ಳಾರೆಡ್ ಕೋಡೆ ಆಯಿನ ಪ್ರವೀಣ್ ಮರ್ಡರ್ ಕೇಸ್ ಗ್ ಸಂಬಂಧಿಸಾದ್ ಆರೋಪಿಲೆನ ನಾಡ್ ಪತ್ತರೆ ಬೋಡಾದ್ ಪೊಲೀಸೆರ್ 4 ವಿಶೇಷ ಕೂಟನ್ ಮಲ್ತೆರ್. ಇತ್ತೆ ಪ್ರಕರಣಗ್ ಸಂಬಂಧಿಸಾದ್ ಬೆಳ್ಳಾರೆದ&hellip;           
        </article><article><a href="https://www.timesofkudla.com/ARDC.in/2022/Month/07/24490/No.1TuluNews" title="ಪ್ರವೀಣ್ ನೆಟ್ಟಾರುನು ಕೆರಿನ ಕೇಸ್ : ಕುಡ್ಲ ಜಿಲ್ಲಾಧಿಕಾರಿ ರಾಜೇಂದ್ರ ಕೆವಿ ದಾದ ಪಂಡೆರ್ ?"><img width="500" height="367" src="https://www.timesofkudla.com/wp-content/uploads/2022/07/images-5.jpeg" alt="images" loading="lazy" /></a>         <h2>
                        <a href="https://www.timesofkudla.com/ARDC.in/2022/Month/07/24490/No.1TuluNews" title="ಪ್ರವೀಣ್ ನೆಟ್ಟಾರುನು ಕೆರಿನ ಕೇಸ್ : ಕುಡ್ಲ ಜಿಲ್ಲಾಧಿಕಾರಿ ರಾಜೇಂದ್ರ ಕೆವಿ ದಾದ ಪಂಡೆರ್ ?">
                ಪ್ರವೀಣ್ ನೆಟ್ಟಾರುನು ಕೆರಿನ ಕೇಸ್ : ಕುಡ್ಲ ಜಿಲ್ಲಾಧಿಕಾರಿ ರಾಜೇಂದ್ರ ಕೆವಿ ದಾದ ಪಂಡೆರ್ ?               </a>
                        </h2>
                                July 27, 2022                               
            ಪ್ರವೀಣ್ ನೆಟ್ಟಾರುನು ಕೆರಿನ ಕೇಸ್ : ಕುಡ್ಲ ಜಿಲ್ಲಾಧಿಕಾರಿ ರಾಜೇಂದ್ರ ಕೆವಿ ದಾದ ಪಂಡೆರ್ ? ಪುತ್ತೂರು : ಕೋಡೆ ಬೆಳ್ಳಾರೆಡ್ ಬಿಜೆಪಿ ಕಾರ್ಯಂತೆ ಪ್ರವೀಣ್ ನೆಟ್ಟಾರುನು ಕೆರಿನ ಪ್ರಕರಣಡ್&hellip;          
        </article>              
                                    <nav>
                    1

2
3
4
…
1,892
Next