ರಾಜ್ಯ ಸಭಾ ಸದಸ್ಯೆರಾಯಿನ ಖಾವಂದೆರೆನ ಆಪ್ತ ಕಾರ್ಯದರ್ಶಿಯಾದ್ ಆಯ್ಕೆ ಆಯಿನ ಜನಾರ್ಧನ್
ಬೆಳ್ತಂಗಡಿ:ರಾಜ್ಯ ಸಭೆತ ಸದಸ್ಯೆರಾದ್ ನೇಮಕ ಆಯಿನ ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ|ವಿರೇಂದ್ರ ಹೆಗ್ಗಡೆ ಮೆರ್ನ ಕಾರ್ಯದರ್ಶಿಯಾದ್ ಶ್ರೀ ಧರ್ಮಸ್ಥಳ ಸಿರಿ ಗ್ರಾಮೋದ್ಯೋಗ ಸಂಸ್ಥೆದ ಆಡಳಿತ ನಿರ್ದೇಶಕೆರಾಯಿನ ಕೆ.ಎನ್‌. ಜನಾರ್ದನ ಮೆರೆನ್ ನೇಮಕ ಮಲ್ದೆರ್ .
ಡಾ| ಹೆಗ್ಗಡೆರ್ ಜು. 21ಕ್ಕ್ ದಿಲ್ಲಿದ ಸಂಸತ್‌ ಭವನಡ್ ಪ್ರಮಾಣವಚನ ಸ್ವೀಕಾರ ಮಲ್ತಿ ಬೊಕ್ಕ ಜನಾರ್ದನ ಮೆರೆಗ್ ನೇಮಕಾತಿ ಪತ್ರ ಕೊರಿಯೆರ್ .
ಉಜಿರೆ ರುಡ್‌ಸೆಟ್‌ ಸಂಸ್ಥೆದ ಕೇಂದ್ರ ಕಚೇರಿದ ಕಾರ್ಯನಿರ್ವಾಹಕ ನಿರ್ದೇಶಕೇರಾದ್ , ಆರ್‌ಸೆಟಿದ ರಾಷ್ಟ್ರೀಯ ನಿರ್ದೇಶಕೇರಾದ್ ಹೆಗ್ಗಡೆರ್ನ ಕನತ ಯೋಜನೆಯಾಯಿನ ಆರ್‌ಸಿಟಿಲೆನ್ ಸ್ಥಾಪನೆ ಮಲ್ತ್ ಅವೆನ್ ಬುಲೆಪಾವುನಲ್ಪ ಆರ್ ಪ್ರಮುಖ ಪಾತ್ರ ವಹಿಸಾದೆರ್ . ಪ್ರಸಕ್ತ ಶ್ರಿ ಕ್ಷೇತ್ರದ ಸಿರಿ ಸಂಸ್ಥೆದ ವ್ಯವಸ್ಥಾಪಕ ನಿರ್ದೇಶಕೇರಾದ್ ಬೇಲೆ ಮಲ್ತೊಂದು ಇತ್ತೆರ್.
Editorial