“ಜೀಟಿಗೆ” ತುಳು ಪಿಚ್ಚರ್ ಗ್ ರಾಷ್ಟ್ರ ಪ್ರಶಸ್ತಿ
ಕುಡ್ಲ : ತುಳುನಾಡ್ ದ ಕಲಾರಾಧನೆದ ನೆಲೆಟ್ಟ್ ತಯಾರ್ ಆಯಿನ “ಜೀಟಿಗೆ’ ತುಳು ಸಿನೆಮಾ 68ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಡ್ “ಅತ್ಯುತ್ತಮ ಪ್ರಾದೇಶಿಕ ಚಿತ್ರ’ ಪನ್ಪಿನ ಪುದರ್ ಪಡೆತುಂಡು .
ತುಳು ಪಿಚ್ಚರ್ ಗ್ ತಿಕ್ಕುನ ಏಳನೇ ರಾಷ್ಟ್ರೀಯ ಪ್ರಶಸ್ತಿ ಉಂದು ಆದ್ ಉಂಡು ನೆರ್ದ್ ದುಂಬು “ಬಂಗಾರ್ ಪಟ್ಲೆರ್’, “ಕೋಟಿ ಚೆನ್ನಯ’, “ಗಗ್ಗರ’, “ಮದಿಪು’, “ಪಡ್ಡಾಯಿ’, “ಪಿಂಗಾರ’ ಸಿನೆಮಾಗಳು ರಾಷ್ಟ್ರೀಯ ಮಾನದಿಗೆ ಪಡೆತುಂಡು .
ಸಂತೋಷ್ ಮಾಡ ನಿರ್ದೇಶನ ಬೊಕ್ಕ ಅರುಣ್ ರೈ ತೋಡಾರ್ ನಿರ್ಮಾಣ, ನವೀನ್ ಡಿ. ಪಡೀಲ್ ಮೇರ್ ಅಭಿನಯಡ್ “ಜೀಟಿಗೆ’ ತಯಾರ್ ಆತ್oಡ್ . ಸಂತೋಷ್ ಮಾಡ ಮೆರ್ನ ಸುರುತ ಸಿನೆಮಾ ನಿರ್ದೇಶನನೇ “ರಾಷ್ಟ್ರೀಯ ಪ್ರಶಸ್ತಿ’ ಪಡೆಯುನವು ವಿಶೇಷ. ಕೊರೊನಾ ಲಾಕ್ಡೌನ್ ಪೊರ್ತುಡು 15 ದಿನಟ್ ಶೂಟಿಂಗ್ ಆಯಿನ “ಜೀಟಿಗೆ’ ನನ ರಿಲೀಸ್ ಆಯೆರೆ ಉಂಡು.
ತುಳುನಾಡ್ ದ ದೈವಾರಾಧನೆ ಬೊಕ್ಕ ಅನನ್ಯ ಕಟ್ಟುಪಾಡುಲೆನ್ ತೋಜಾವುನ ಕಲಾತ್ಮಕ ಚಿತ್ರ
ಉಂದು ಆದ್ ಉಂಡು . ನವೀನ್ ಡಿ. ಪಡೀಲ್, ರೂಪ ವರ್ಕಾಡಿ, ಜೆ.ಪಿ. ತೂಮಿನಾಡ್, ಚೇತನ್ ರೈ ಮಾಣಿ, ಅರುಣ್ ರೈ ಇಂಚ ನಾನಾತ್ ಕಲಾವಿದೆರ್ ನೆಟ್ಟ್ ಉಲ್ಲೆರ್ ಚಿತ್ರಕಥೆ, ಸಂಭಾಷಣೆ ಶಶಿರಾಜ್ ಕಾವೂರು ಬರೆತೆರ್ . ಉನ್ನಿ ಮಡವುರ್ ಕೆಮರಾ, ಸ್ಯಾಕ್ಸೋಫೋನ್ ಜಯರಾಮ್ ಸಂಗೀತ ಕೊರ್ತೆರ್ .
pallavi shetty