ರೈತ ವಿದ್ಯಾನಿಧಿ ವಿಚಾರೊಡು ಕಲ್ಪಾರ್ಥಿನಕ್ಲೆನ ಒಟ್ಟುಗು ಸಿಎಂ ಬಸವರಾಜ್ ಬೊಮ್ಮಾಯಿ ಪಾತೆರಕತೆ

ಕುಡ್ಲ: ರಾಜ್ಯಡೇ ಸುರುತ್ತ ಸರ್ತಿ ಮುಖ್ಯಮಂತ್ರಿ ರೈತ ವಿದ್ಯಾನಿಧಿ ಯೋಜನೆದಡಿಟ್ಟ್ ಫಲಾನುಭವಿಲಾಯಿನ ಬೆನ್ನಿ ಬೆನ್ಪುನ ಜೋಕ್ಲೆನ ಒಟ್ಟುಗು ಬೆದ್ರದ ಆಳ್ವಾಸ್ ಕಾಲೇಜ್ ಡ್ ಜೂ.1 ಬುಧಾರ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಮೇರ್ ಪಾತೆರಕತೆ ನಡಪಾಯೆರ್.
ಸಂವಾದ ಲೇಸ್ ನಡತ್ಂಡ್.

ಸಂವಾದ ಲೇಸ್ ಡ್ ಪಾತೆರ್ನ ಬಸವರಾಜ್ ಬೊಮ್ಮಾಯಿ, ರೈತೆರ್ನ ಜೋಕುಲೆನ್ ಪ್ರೋತ್ಸಾಹ ಮಲ್ಪರೆ ಕೊರ್ಪಿನ ವಿದ್ಯಾನಿಧಿನ್ ಶಿಕ್ಷಣಗಾದ್ ಗಲಸ್ ಲೆ. ಕಾಸ್ ರ್ದ್ ಸಮಯ ಮಸ್ತ್ ಮುಖ್ಯ, ವಿದ್ಯಾರ್ಥಿ ಜೀವನಡ್ ಸಮಯನ್ ಹಾಳ್ ಮಲ್ಪೊರ್ಚಿ ಪಂದ್ ಪಂಡೆರ್.

ರೈತರ್ ಬರೆಪುನ ಅಣೆಬರದ ಮಿತ್ತ್ ನಮ್ಮ ಭಾರತ ದೇಶದ ಭವಿಷ್ಯ ಉಂತುದ್ಂಡ್. ನೌಕರೆರೆಗ್ ರಜೆ ಇತ್ತ್ಂಡಲ ಬೆನ್ನಿ ಬೆನ್ಪುನಕ್ಲೆಗ್ ಏಪಲ ರಜೆ ಇಪ್ಪುಜಿ. ಮಾತೆರೆಗ್ಲಾ ನುಪ್ಪು ಕೊರ್ಪಿನ ರೈತೆ ಇತ್ತೆ ಕಷ್ಟಡ್ ಉಲ್ಲೆ. ರೈತೆರ್ನ ಜೋಕುಲೆಗ್ಲಾ ಎಡ್ಡೆ ಶಿಕ್ಷಣ ತಿಕ್ಕ್ ದ್ಂಡ್. ಈ ಜೋಕುಲ್ ಸ್ವಾಭಿಮಾನದ ಜೀವನನ್ ನಡಪಾವೊಡ್ ಪನ್ಪಿನ ಉದ್ದೇಶಡ್ ರೈತ ವಿದ್ಯಾನಿಧಿ ಸುರು ಮಲ್ತ್ ದ ಪಂದ್ ಮುಖ್ಯಮಂತ್ರಿಲು ಪಂಡೆರ್.

ಮುಖ್ಯಮಂತ್ರಿ ರೈತ ವಿದ್ಯಾನಿಧಿ ಯೋಜನೆದಡಿಟ್ಟ್ ದಕ್ಷಿಣ ಕನ್ನಡ ಜಿಲ್ಲೆಡ್ 2021-22 ನೇ ಸಾಲುರ್ದ್ ಇಡೆ ಮುಟ್ಟ 28,966 ವಿದ್ಯಾರ್ಥಿಲು ನೋಂದಣಿ ಮಲ್ತ್ ದಿತ್ತೆರ್. 21,823 ವಿದ್ಯಾರ್ಥಿಲೆಗ್ ಒಟ್ಟು ರೂ 7.87 ಕೋಟಿ ಕಾಸ್ ನ್ ಕೊರ್ತ. ಈ ಕಾಸ್ ನೇರವಾದ್ ಜೋಕ್ಲೆನ ಬ್ಯಾಂಕ್ ಖಾತೆಗ್ ಪಾವತಿ ಮಲ್ತ್ ದ. 7.143 ಕಲ್ಪಾರ್ಥಿಲೆಗ್ ರೂ. 3.14 ಕೋಟಿ ಕಾಸ್ ನ್ ಬೇಗಡೇ ಪಾವತಿ ಮಲ್ಪರೆ ಉಂಡು ಪಂದ್ ತೆರಿಪಾಯೆರ್.

ಉರ್ವದ ಉಪಕೇಂದ್ರ ಉದಿಪನ

ಉಙದುವೇ ಪೊರ್ತುಡು ಸಮಗ್ರ ವಿದ್ಯುತ್ ಅಭಿವೃದ್ಧಿ ಯೋಜನೆ ದಡಿಟ್ಟ್ ಕುಡ್ಲದ ಉರ್ವ ಮಾರ್ಕೆಟ್‌ ಡ್ ₹ 11.12 ಕೋಟಿ ವೆಚ್ಚಡ್ ನಿರ್ಮಾಣ ಆಯಿನ 33/11 ಕೆ.ವಿ ಗ್ಯಾಸ್ ಇನ್ಸುಲೇಟೆಡ್ ವಿದ್ಯುತ್ ಉಪ ಕೇಂದ್ರನ್ ಮುಖ್ಯಮಂತ್ರಿಲು ರಿಮೋಟ್ ಒತ್ತುನ ಮುಖೇನ ಉದಿಪನ ಮಲ್ತೆರ್.

ಈ ವಿದ್ಯುತ್ ಉಪಕೇಂದ್ರರ್ದ್ ಮಣ್ಣಗುಡ್ಡೆ, ಗಾಂಧಿನಗರ, ಉರ್ವ ಮಾರ್ಕೆಟ್, ಬೋಳೂರು, ಬೊಕ್ಕಪಟ್ಣ, ಮಠದಕಣಿ, ತಿಲಕ್ ನಗರ, ಸುಲ್ತಾನ್ ಬತ್ತೇರಿ ಇಂಚಿತ್ತಿನ ಭಾಗಲೆಗ್ ಸುಮಾರು 35 ಸಾರ ವಿದ್ಯುತ್ ಗ್ರಾಹಕರೆಗ್ ಎಡ್ಡೆ ಇತ್ತಿನ ವಿದ್ಯುತ್ ತಿಕ್ಕುಂಡು ಪಂದ್ ಜಿಲ್ಲಾ ಉಸ್ತುವಾರಿ ಸಚಿವೆರ್ ಸುನಿಲ್‌ಕುಮಾರ್ ತೆರಿಪಾಯೆರ್.

ಶಾಸಕೆರ್ ಉಮಾನಾಥ ಕೋಟ್ಯಾನ್ ಗುರ್ಕಾರ್ಮೆ ವಹಿಸ್ ದಿತ್ತೆರ್. ಜಿಲ್ಲಾ ಉಸ್ತುವಾರಿ ಸಚಿವೆರ್ ಸುನಿಲ್ ಕುಮಾರ್ ಪ್ರಾಸ್ತಾವಿಕವಾದ್ ಪಾತೆರಿಯೆರ್. ಕಂದಾಯ ಸಚಿವೆರ್ ಆರ್. ಅಶೋಕ್, ಸಚಿವೆರ್ ಆಯಿನ ಗೋವಿಂದ ಕಾರಜೋಳ, ಎಸ್. ಅಂಗಾರ, ಕೋಟ ಶ್ರೀನಿವಾಸ ಪೂಜಾರಿ, ಸಂಸದ ನಳಿನ್ ಕುಮಾರ್ ಕಟೀಲ್, ಶಾಸಕೆರಾಯಿನ ವೇದವ್ಯಾಸ ಕಾಮತ್, ರಾಜೇಶ್ ನಾಯ್ಕ್, ವಿಧಾನ ಪರಿಷತ್ ಸದಸ್ಯೆರ್ ಮಂಜುನಾಥ ಭಂಡಾರಿ, ಮೇಯರ್ ಪ್ರೇಮಾನಂದ ಶೆಟ್ಟಿ, ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ.ವಿ, ಮೆಸ್ಕಾಂ ವ್ಯವಸ್ಥಾಪಕ ನಿರ್ದೇಶಕೆರ್ ಪ್ರಶಾಂತ ಕುಮಾರ್, ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷ ಡಾ. ಎಂ. ಮೋಹನ್ ಆಳ್ವ, ದಯಾನಂದ ಕತ್ತಲ್ ಸಾರ್ ಲೇಸ್ ಡ್ ಇತ್ತೆರ್. ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯ‌ನಿರ್ವಹಣಾಧಿಕಾರಿ ಡಾ. ಕುಮಾರ್ ಬಿನ್ನೆರೆನ್ ಎದ್ಕೊನಿಯೆರ್.

ಬೇತೆ ಬೇತೆ ಶಾಲೆ, ಕಾಲೇಜ್ ದ ವಿದ್ಯಾರ್ಥಿಲಾಯಿನ ಪೃಥ್ವಿ ಎಚ್. ಎಸ್, ಲೋಹಿತ್, ಭಾವನಾ ಕೆ., ಹಿತಾಶ್ರೀ ಸಿ.ಎ, ಅಕ್ಷತಾ ಎಂ., ಜೋಯಿಸ್ಟನ್ ಜೇಮ್ಸ್ ಡಿಕೋಸ್ಟಾ, ಸಾನ್ವಿಕಾ ಶೆಟ್ಟಿ, ಡೇನಿಶಾ ಫರ್ನಾಂಡೀಸ್, ನಿಶ್ಮಿತಾ, ಮಂಜುನಾಥ ಡಿ.ಸಿ., ಶರಣ್ಯ ಮುಕುಲು ಮುಖ್ಯಮಂತ್ರಿಲೆನ ಒಟ್ಟುಗು ಸಂವಾದ ಲೇಸ್ ಪಾಲ್ ಪಡೆದಿತ್ತೆರ್.

ಬ್ಯಾರಿಕೇಡ್ ನ್ ಲಾಗಿದ್ ಬತ್ತಿನ ವಿದ್ಯಾರ್ಥಿ

ಮುಖ್ಯಮಂತ್ರಿಲು ಭಾಷಣ ಮಲ್ತೊಂದಿಪ್ಪುನ ಪೊರ್ತುಡು ವಿದ್ಯಾರ್ಥಿ ಒರಿ ಬ್ಯಾರಿಕೇಡ್ ನ್ ಲಾಗಿದ್ ದುಂಬು ಪೋನಗ ಒರಾನೇ ಗೊಂದಲ ಸೃಷ್ಟಿಯಾಂಡ್. ಪೊಲೀಸೆರ್ ಆ ವಿದ್ಯಾರ್ಥಿನ್ ತಡೆದ್ ಉಂತಾಯೆರ್.

ಸಭಾ ಕಾರ್ಯಕ್ರಮ ‌ಮುಗಿ ಬೊಕ್ಕ ಕಂದಾಯ ಸಚಿವೆರ್ ಆರ್. ಅಶೋಕ್, ಆ ವಿದ್ಯಾರ್ಥಿನ್ ಲೆತ್ತ್ ದ್ ಕೇನ್ನಗ, ಆ ವಿದ್ಯಾರ್ಥಿ ಹಂಪನಕಟ್ಟೆ ವಿಶ್ವವಿದ್ಯಾಲಯ ಕಾಲೇಜಿಡ್ ಪದವಿ ಕಲ್ಪುನ ಶಂಕರ ಓಬಳಬಂಡಿ ಪನ್ಪಿನವ್ ಗೊತ್ತಾಂಡ್. ‘ರೈತ ವಿದ್ಯಾ ನಿಧಿ ಪಡೆಯಿನ ಜೋಕುಲು ಐಎಎಸ್, ಕೆಎಎಸ್ ಮಲ್ಪುವ ಪನ್ಪೆರ್, ಡಾಕ್ಟರ್, ಎಂಜಿನಿಯರ್ ಆಪ ಪನ್ಪೆರ್. ರೈತೆರ್ನ ಜೋಕುಲು ರೈತೆ ಆಪೆ ಪಂದ್ ವಿದ್ಯಾರ್ಥಿನ ಆಶಯ ಆದಿತ್ತ್ಂಡ್. ಅವೆನ್ ಪನಿಯರೆ ಆ ವಿದ್ಯಾರ್ಥಿ ದುಂಬು ಬತ್ತೆ ಪಂದ್ ಮೈಕ್‌ ದ ಕೈತಲ್ ಬತ್ತಿನ ಸಚಿವೆರ್ ಅಶೋಕ್, ಸಭೆಗ್ ತೆರಿಪಾಯೆರ್.

ಆಯಿಬೊಕ್ಕ ಮಾಧ್ಯಮ ಪ್ರತಿನಿಧಿನಕ್ಲೆನ ಒಟ್ಟುಗು ಪಾತೆರ್ದಿನ ಶಂಕರ್, ‘ರೈತೆರ್ನ ಜೋಕುಲು ರೈತೆ ಆಪಿಲೆಕ್ಕ ಪ್ರೋತ್ಸಾಹ ಮಲ್ಪೊಡು. ರೈತೆರೆಗ್ ನನಲ ಎಚ್ಚದ ನೆರವುನ್ ಕೊರೊಡ್ ಪಂದ್ ಯಂಕ್ ಪನೊಡಿತ್ತ್ಂಡ್. ಅಧಿಕಾರಿಲೆನ ಕೈತಲ್ ಪೋದು ಯಂಕ್ ಪಾತೆರ್ರ ಅವಕಾಶ ಮಲ್ತ್ ಕೊರ್ಲೆ ಪಂದ್ ಯಾನ್ ಬಿನ್ನಾಪು ಮಲ್ತೆ. ಉಂದು ಸಾಧ್ಯ ಆವಂದಿನೆಕ್ಕ್ ಯಾನ್ ಬ್ಯಾರಿಕೇಡ್ ನ್ ಲಾಗಿದ್ ವೇದಿಕೆದ ದುಂಬು ಪೋಯೆ. ಪೊಲೀಸೆರ್ ಯನ್ನನ್ ಪತ್ತಿಯೆರ್ ಪಂದ್ ಶಂಕರ್ ಪಂಡೆರ್.

CM Basavaraj Bommai holds talks with students with regards to ” Raitha Vidya Nidhi”

Mangalore: The CM Basavaraj Bommai held talks with the student beneficiaries of the “Raitha Vidya Nidhi ” scheme at Alvas college Moodbidri on June 1st.

Speaking on the occasion the CM said that the students must make the best use of the scholarship provided by the government. He stressed the importance of time in a student’s life .
As children of farmers he harped on the importance of a farmer in society.The well being of the nation depends on the farmers whose hard work feeds the nation.The scholarship is given specially to children of farmers to help them come up in life and lead a life of dignity and self sufficiency.

In the CM Raitha Vidya Nidhi scheme in DK in 2021-22 about 28,966 students applied and 21,823 were benifitted.An amount of 7.87 crore was distributed.About 7,143 students were to pay back a loan of 3.14 crore soon he
said.

A electric sub station inaugurated at Urva

A sub station at Urva market under the electric development scheme under a cost of 11.12 crore with a capacity of 33/11 kv gad insulated electric sub station was inaugurated by the CM by pressing a remote. The scheme will benefit many localities in Mangalore to get uninterrupted power and is said to benifit 35,000 consumers.

The program was presided by MLA Umanath Kotian. A host of dignitaries including minister’s Sunil Kumar, R Ashok, Govind Karjol, S Angar MP Nalin Kumar Kateel, MLA’s from the twin districts MD of MESCOM Prashanth Kumar, Mohan Alva, Dayanand Katalsar were present.

Students from different schools and colleges held discussion with the CM.