ಮೇಡಂ ಎಂಕೊಂಜಿ ಮದಿಮೆ ಮಲ್ಪಾಲೆ : ಪರಬನ ಬೇಡಿಕೆ ಕೇಂದ್ ಕಂಗಲಾಯಿನ ಮಾಜಿ ಕೇಂದ್ರ ಸಚಿವೆ

ಆಂಧ್ರಪ್ರದೇಶ: ಶಾಸಕೆರ್,ಸಚಿವೆರ್ ಬನ್ನಗ ನಮಕ್ ಇಲ್ಲ್ , ಮಾರ್ಗ ಅತ್ತುಂಡ ನೀರ್ ದ ಸಂಪರ್ಕ ಮಲ್ತ್ ಕೊರ್ಲೆ , ಮೂಲಭೂತ ಸೌಕರ್ಯ ಕೊರ್ಲೆ ಪಂದ್ ಕೇನುನ ಸರ್ವೇ ಸಾಮಾನ್ಯ. ಆಂಡ , ಮುಲ್ಪ ಒರಿ ಪರಬೆ ಸಚಿವೆಡ ಎಂಕ್ ಮದಿಮೆ ಮಲ್ಪಾದ್ ಕೊರ್ಲೆ ಪಂದ್ ಕೇಂಡಿನ ಘಟನೆ ನಡತುಂಡು .

ಆಂಧ್ರಪ್ರದೇಶಡ್ ಗಡಪದಪಾಕು ವೈಪಿಸಿ ಲೇಸ್ಡ್ ಪಾಲ್ ಪಡೆಯೆರೆ ಅಲ್ಪದ ಸಚಿವೆ ರೋಜಾ ಚಿತ್ತೂರುದ ಪೇಂಟೆಗ್ ಭೇಟಿ ಕೊರ್ದು ಕೈತಲ್ ದಕ್ಲೆನ ಸಮಸ್ಯೆ ಕೇನ್ನಗ ಪರಬೆ ಒರಿ ತನ್ನ ವಿಚಿತ್ರ ಬೇಡಿಕೆ ದೀತೆರ್.

ಇರೆಗ್ ಸರಿಯಾದ್ ಪಿಂಚಣಿ ಬರೊಂದು ಉಂಡಾ ಪಂದ್ ಕೇನ್ನಗ ನೆಕ್ಕ್ ಉತ್ತರ ಕೊರಿನ ವೃದ್ಧ, ಪಿಂಚಣಿ ಸರಿಯಾದ್ ಬರೊಂದು ಉಂಡು ಆಂಡ ಯಾನ್ ಒರಿ ಉಲ್ಲೆ ಎಂಕ್ ಒಂಜಿ ಪೊಣ್ಣು ನಾಡ್ದ್ ಕೊರ್ಲೆ ಪಂದ್ ಪಂಡೆರ್.