May 25, 2022

ಡಾ.ಬಿ.ಯಶೋವರ್ಮೆರೆಗ್ ಗುರುನಮನ, ಅಂತ್ಯಸಂಸ್ಕಾರ

ಉಜಿರೆ: ಶ್ರೀ ಧರ್ಮಸ್ಥಳ ಶಿಕ್ಷಣ ಸಂಸ್ಥೆದ ಕಾರ್ಯದರ್ಶಿ ಡಾ.ಬಿ.ಯಶೋವರ್ಮ ಮೆರ್ನ ಪಾರ್ಥಿವ ಶರೀರ ಸಿಂಗಾಪುರರ್ದ್ ಬೆಂಗ್ಳೂರ್ ಗ್ ಬತ್ತ್ ದ್, ಅಲ್ಪರ್ದ್ ಮೇ 24 ಕ್ಕ್ ಚಾರ್ಮಾಡಿಗ್ ಬತ್ತಿತ್ತ್ಂಡ್. ಚಾರ್ಮಾಡಿರ್ದ್ ವಾಹನ ಜಾಥದ ಮುಖೇನ ಉಜಿರೆಗ್ ಬತ್ತ್ ದ್, ಉಜಿರೆಡ್ ಸೇರ್ದಿತ್ತಿನ ಸಾರ ಸಾರ ಅಭಿಮಾನಿಲು ಮಸ್ತ್ ಮಲ್ಲ ಮಟ್ಟಡ್ ಪೂ ಪಾಡ್ದ್ ಗೌರವನ್ ಸಂದೈತ ಮಲ್ತೆರ್.

ಉಜಿರೆರ್ದ್ ಪಾದಯಾತ್ರೆದ ಮುಖೇನ ಕಾಲೇಜ್ ದ ಜಾಗೆಗ್ ಬತ್ತ್ ದ್ ಅಲ್ಪ ಮಾಮಲ್ಲ ಮಟ್ಟಡ್ ವಿದ್ಯಾರ್ಥಿಲು ಪೂ ಮಾಲೆನ್ ಪಾಡ್ದ್ ಗೌರವ ಸಂದೈತ ಮಲ್ತೆರ್.

ಕಾಲೇಜ್ ದ ಜಾಗೆಡ್ ಜನಕುಲೆಗ್ ಕಡೆತ್ತ ದರ್ಶನಗ್ ಅವಕಾಶನ್ ಮಲ್ತ್ ಕೊರ್ದಿತ್ತ್ ದ್, ಕಡೆತ್ತ ದರ್ಶನರ್ದ್ ಬೊಕ್ಕ ಉಜಿರೆ ಗ್ರಾಮದ ನೀರಚಿಲುಮೆ ಕೈತಲ್ ಇಪ್ಪುನ ಡಾ.ಬಿ.ಯಶೋವರ್ಮ ಮೆರ್ನ ಇಲ್ಲ್ ನಿನಾದದ ಕೈತಲ್ ಅರೆನ ಪಾರ್ಥೀವ ಶರೀರದ ಅಂತ್ಯ ಸಂಸ್ಕಾರ ನಡತ್ಂಡ್. ಮೇರ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ. ವೀರೇಂದ್ರ ಹೆಗ್ಗೆಡೆರ್ನ ಬೊಡೆದಿ ಡಾ.ಹೇಮಾವತಿ ಹೆಗ್ಗಡೆರ್ನ ಮೆಗ್ಯೆ.

ಈ ಪೊರ್ತುಡ್ ಶಾಸಕೆರ್ ಹರೀಶ್ ಪೂಂಜ, ವಿಧಾನ ಪರಿಷತ್ ಸದಸ್ಯೆರ್ ಕೆ. ಹರೀಶ್‌ ಕುಮಾರ್, ಕೆ. ಪ್ರತಾಪಸಿಂಹ ನಾಯಕ್, ಭೋಜೇಗೌಡ, ಬೆದ್ರ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷೆರ್ ಡಾ. ಎಂ. ಮೋಹನ ಆಳ್ವ, ಹಂಪಿ ಕನ್ನಡ ವಿ.ವಿ. ನಿವೃತ್ತ ಕುಲಪತಿ ಪ್ರೊ. ಬಿ.ಎ. ವಿವೇಕ ರೈ, ಜಾನಪದ ವಿ.ವಿ. ನಿವೃತ್ತ ಕುಲಪತಿ ಡಾ. ಕೆ. ಚಿನ್ನಪ್ಪಗೌಡ, ಕುಡ್ಲ ವಿ.ವಿ. ಕುಲಪತಿ ಡಾ. ಪಿ. ಎಸ್. ಯಡಪಡಿತ್ತಾಯ, ಮಾಜಿ ಸಚಿವೆರ್ ಪಿ.ಜಿ.ಆರ್. ಸಿಂಧ್ಯಾ, ಮೂಡ ಮಾಜಿ ಅಧ್ಯಕ್ಷೆರ್ ಕೆ. ಸುರೇಶ ಬಳ್ಳಾಲ್, ಮಾಜಿ ಸಚಿವೆರ್ ವಿನಯಕುಮಾರ್ ಸೊರಕೆ, ಎಸ್.ಡಿ.ಎಂ. ಕಾನೂನು ಕಾಲೇಜ್ ದ ನಿವೃತ್ತ ಪ್ರಾಂಶುಪಾಲೆರ್ ಪ್ರೊ. ರಾಜೇಂದ್ರ ಶೆಟ್ಟಿ, ಕ್ಯಾಪ್ಟನ್‌ ಗಣೇಶ್‌ ಕಾರ್ಣಿಕ್ ಇಂಚಿನ ಗಣ್ಯೆರ್ ದಿವಂಗತ ಡಾ. ಬಿ. ಯಶೋವರ್ಮ ಮೆರ್ನ ಆತ್ಮಕ್ಕೆ ಚಿರಶಾಂತಿನ್ ಕೊರಡ್ ಪಂದ್ ಶ್ರದ್ಧಾಂಜಲಿ ಅರ್ಪಣೆ ಮಲ್ತೆರ್.

Last rites of Dr.B.Yashovarma held:

Ujjire: The body of Dr Yashovarma , Secretary of the SDM group of educational institutions who expired in Singapore after a brief illness was brought back to his home town on May 24th.

His students,well wishers and fans had gathered in thousands to pay respects to their beloved teacher.
His mortal remains were kept at SDM College Ujjire for the public to pay their last respects,and later his mortal remains were consigned to the flames near his home at Neerchelumay grama near here.

A host of dignitaries including MLA Harish Punja, Dr Mohan Alva from Alvas foundation Moodbidri, Prof Vivek Rai, VC of Mangalore University
Dr PS Yadapaditaya amongst others were present to pay their respects and bid farewell to the departed soul.