May 15, 2022

ಬಿಸು ಪರ್ಬ ಆಚರಣೆ ಮಲ್ಪುನ ಮುಖೇನ ಗೌಜಿಡ್ ಉದಿಪನ ಆಯಿನ ಬೆಂಗ್ಳೂರು ತುಳುಪರ್ಬ -2022

May 15, 2022

ಬಿಸು ಪರ್ಬ ಆಚರಣೆ ಮಲ್ಪುನ ಮುಖೇನ ಗೌಜಿಡ್ ಉದಿಪನ ಆಯಿನ ಬೆಂಗ್ಳೂರು ತುಳುಪರ್ಬ -2022

ಬೆಂಗ್ಳೂರು : ರಾಜಧಾನಿ ಬೆಂಗ್ಳೂರುದ ಮುಖ್ಯ ತುಳು ಸಾಂಸ್ಕೃತಿಕ ಸಂಘಟನೆ ನಮ್ಮ “ತುಳುವೆರೆಂಕುಲು ಬೆಂಗ್ಳೂರು (ರಿ.)” ಕರಿನ 30 ವರ್ಷರ್ದ್ ತುಳು ಭಾಷೆ,ಸಂಸ್ಕೃತಿ, ಆಚಾರ ವಿಚಾರ, ಕಲೆ-ಕ್ರೀಡೆ-ಸಾಹಿತ್ಯದ ಬುಲೆಚ್ಚಿಲ್ ಗಾದ್ , ಅವ್ವೆತೋ ಸೃಜನಾತ್ಮಕ ಲೇಸ್ ನಡಪಾದ್ ಬೈದುಂಡು .

ವರ್ಷಂಪ್ರತಿ ಬಿಸು ಆಚರಣೆ, ಬಲಿಯೇಂದ್ರ ಪರ್ಬ- ಬಲಿಯೇಂದ್ರ ಪುರಸ್ಕಾರ, ಆಟಿದ ಕೂಟ- ಗ್ರಾಮೀಣ ಕ್ರೀಡಾ ಪಂಥನ್ ಅಟ್ಟನೆ ಮಲ್ತ್ , ಒವ್ವೆ ಜಾತಿ ಮತ, ಪ್ರಾದೇಶಿಕತೆ ತಾರತಮ್ಯ ದಾಂತೆ ರಾಜಧಾನಿಡ್ ತುಳು-ಕನ್ನಡ ಬಂಧುಲೆನ್ ಅವ್ವೆತೋ ಸಂಖ್ಯೆಡ್ ಒಟ್ಟು ಮಲ್ತ್ , ಜನ ಮೆಚ್ಚುಗೆ ಪಡೆತುಂಡು .

ಇನಿ ತಾರೀಖ್ 15-05-2022 ಐತಾರ ಕಾಂಡೆ 9:30 ಗಂಟೆಗ್ ಬೆಂಗ್ಳೂರುದ ರವೀಂದ್ರ ಕಲಾಕ್ಷೇತ್ರಡ್ “ತುಳುವೆರೆಂಕುಲು ಬೆಂಗ್ಳೂರು (ರಿ.)” ಸಂಘದ 30ನೇ ವರ್ಷಾಚರಣೆದ ಪರವಾದ್ “ಬೆಂಗ್ಳೂರು ತುಳುಪರ್ಬ -2022” ಬಿಸು ಪರ್ಬ ಆಚರಣೆ ಮಲ್ಪುನ ಮುಖೇನ ಗೌಜಿಡ್ ಉದಿಪನ ಆಂಡ್.

ದೇವೆರೆ ಪಾದೋ ಸೇರಿನ ಆಸ್ಟ್ರೇಲಿಯಾದ ಪುಗಾರ್ತೆದ ಕ್ರಿಕೆಟಿಗೆ ಆಂಡ್ರ್ಯು ಸೈಮಂಡ್ಸ್

May 15, 2022

ದೇವೆರೆ ಪಾದೋ ಸೇರಿನ ಆಸ್ಟ್ರೇಲಿಯಾದ ಪುಗಾರ್ತೆದ ಕ್ರಿಕೆಟಿಗೆ ಆಂಡ್ರ್ಯು ಸೈಮಂಡ್ಸ್

ಆಸ್ಟ್ರೇಲಿಯಾ : ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟಿಗ, ಸ್ಫೋಟಕ ಆಲ್‌ರೌಂಡರ್, ಆಂಡ್ರ್ಯುಸೈಮಂಡ್ಸ್ ಕಾರು ಅಪಘಾತಡ್ ಇನಿ ಕಾಂಡೆ ತೀರ್ ಪೋಯೆರ್ ಶೇನ್ ವಾರ್ನ್ ಬೊಕ್ಕ ರಾಡ್ ಮಾರ್ಷ್ ಮೆಕ್ಲೆನ ದುರಂತ ಸಾವುದ ಪಟ್ಟಿಗ್ ಕುಡೊಂಜಿ ಪುದರ್ ಈ ಮುಖೇನ ಸೇರಿಕೆ ಆಂಡ್. ಇಂಚೋಗು ನಡತಿನ ಮರಣ ಕ್ರೀಡೆಗ್ ಕುಡೊಂಜಿ ಪೆಟ್ಟ್ ಬೂರ್ದುಂಡು.

46 ವರ್ಷ ಪ್ರಾಯೋದ ಸೈಮಂಡ್ಸ್ ಪೋವೊಂದು ಇತ್ತಿನ ಕಾರ್ ಕ್ಲೀನ್ಸ್‌ಲ್ಯಾಂಡ್ ರಾಜ್ಯದ ಟೌನ್ಸ್‌ವಿಲ್ಲೆದ ಪಿದಾಯಿ ಕೋಡೆ ರಾತ್ರಿ ಅಪಘಾತ ಆಂಡ್ . ತರೆಕ್ ಪೆಟ್ಟ್ ಬೂರಿನೆರ್ದಾವರ ಮೇರ್ ಇನಿ ಕಾಂಡೆ ದೇವೆರೆ ಪಾದೋ ಸೇರ್ಯೆರ್.

ಉಡುಪಿದ ಸುದ್ದಿ | Udupi News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಮೇ. 20 – 22 : ರಾಷ್ಟ್ರೀಯ ಪೆಲಕಾಯಿ ಮೇಳ – ನಿಟ್ಟೆ ಗ್ರಾಮೋಚ್ಚಯ

May 15, 2022

ಕಾರ್ಲ : ಅಟಲ್ ಇಂಕ್ಯುಬೇಷನ್ ಸೆಂಟರ್, ಸುಫಲ ರೈತ ಉತ್ಪಾದಕ ಕಂಪನಿದ ಒಟ್ಟು ಸೇರಿಗೆಡ್ ನಿಟ್ಟೆ ಗ್ರಾ.ಪಂ., ಸಂಜೀವಿನಿ ಸ್ವಸಹಾಯ ಸಂಘ, ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಸಾಕಾರಡ್ ಮೇ. 20ರ್ದ್ 22 ಮುಟ ರಾಷ್ಟ್ರೀಯ ಪೆಲಕಾಯಿ ಮೇಳ ಬೊಕ್ಕ ನಿಟ್ಟೆ ಗ್ರಾಮೋಚ್ಚಯ ನಿಟ್ಟೆ ಇಂಜಿನಿಯರಿಂಗ್ ಕಾಲೇಜ್ ದ ಚಾವಡಿಡ್ ನಡಪೆರೆ ಉಂಡು ಪಂದ್ ಸುಫಲ ರೈತ ಉತ್ಪಾದಕ ಕಂಪೆನಿದ ಆಡಳಿತ ನಿರ್ದೇಶಕ ನವೀನ್ ನಾಯಕ್ ಪಂಡೆರ್ .

ಶನಿವಾರ ನಿಟ್ಟೆಡ್ ಸುದ್ದಿಗೋಷ್ಠಿ ಅಟ್ಟನೆ ಮಲ್ತ್ ಪಾತೆರಿನ ಆರ್ ಪೆಲಕಾಯಿದ ಬೇತೆ ಬೇತೆ ಮೌಲ್ಯಾಧಾರಿತ ಉತ್ಪನ್ನ ತಯಾರಿ, ಸಂಸ್ಕರಣೆ, ಮಾರಾಟ ನೆಲೆಟ್ಟ್ ಬೊಕ್ಕ ರೈತೆರ್ , ಉದ್ಯಮಿಳು , ಸಂಶೋಧಕೆರ್ , ವಿಜ್ಞಾನಿಲು , ಚಿಂತಕೆರ್ , ಜೋಕ್ಲೆನ್ ಬೊಕ್ಕ ಜನಕ್ಲೆನ್ ಒಟ್ಟು ಸೇರಾವುನ ನೆಲೆಟ್ಟ್ ಮೂಜಿ ದಿನ ರಾಷ್ಟ್ರೀಯ ಹಲಸು ಮೇಳ ನಡಪೆರೆ ಉಂಡು.

ಇ.ಡಿ ವಿಶೇಷ ಸರ್ಕಾರಿ ಅಭಿಯೋಜಕೆರಾದ್ ವಕೀಲೆ ಮಹೇಶ್ ಕಜೆ ಆಯ್ಕೆ

May 15, 2022

ಪುತ್ತೂರು, ಮೇ 15: ಜಾರಿ ನಿರ್ದೇಶನಾಲಯ (ಇ.ಡಿ.)ದ ಅಕ್ರಮ ಹಣ ವರ್ಗಾವಣೆ ತಡೆ ಕಾಯ್ದೆ (ಪಿಎಂಎಲ್‌ಎ)ಯ ಪ್ರಕರಣದ ತನಿಖೆಗ್ ಸರಕಾರದ ಪರ ವಾದ್ ಮಂಡನೆ ಮಲ್ಪರೆ ವಿಶೇಷ ಸರಕಾರಿ ಅಭಿಯೋಜಕೆರಾದ್ ಪುತ್ತೂರುದ ಪುಗಾರ್ತೆದ ನ್ಯಾಯವಾದಿ ಮಹೇಶ್ ಕಜೆ ನೇಮಕ ಆತೆರ್ .

ಜಾರಿ ನಿರ್ದೇಶನಾಲಯದ ಸಹಾಯಕ ನಿರ್ದೇಶಕ ರಿತೇಶ್ ಕುಮಾರ್ ಈ ಬಗ್ಗೆ ಟ್ವೀಟ್ ಮಲ್ದೆರ್ , ಬೆಂಗ್ಳೂರುದ ಶಾಂತಿನಗರ ಬಿಎಂಟಿಸಿ ಬಿ ಬ್ಲಾಕ್‌ಡ್ ಉಪ್ಪುನ ಬೆಂಗ್ಳೂರು ವಲಯ ಇ.ಡಿ. ಆದ್ ನೇಮಕ ಮಲ್ದೆರ್.