May 26, 2022

ಕಾಟಿಪಳ್ಳ: ದಕ್ಷಿಣ ಕನ್ನಡ ಹಿರಿಯ ಪ್ರಾಥಮಿಕ ಶಾಲೆಡ್ ಪರ ವಿದ್ಯಾರ್ಥಿ ಲೆಡ್ದ್ ಬೂಕು ಕೊರ್ಪಿನ ಲೇಸ್

May 26, 2022

ಕಾಟಿಪಳ್ಳದ ದಕ್ಷಿಣ ಕನ್ನಡ ಹಿರಿಯ ಪ್ರಾಥಮಿಕ ಶಾಲೆಡ್ ಪರ ವಿದ್ಯಾರ್ಥಿಲೆಡ್ದ್ ಬೂಕು ಕೊರ್ಪಿನ ಲೇಸ್ ರೋಹಿತ್ ರಾವ್ ಬೊಕ್ಕ ರಾಜೇಶ್ ಪೂಜಾರಿ ಮುಕ್ಲೆನ ಮುತಾಲಿಕೆಡ್ ನಡತ್ಂಡ್.

125 ಜೋಕುಲೆಗ್ 2001ನೇ ಬ್ಯಾಚ್ ದ ಪರ ವಿದ್ಯಾರ್ಥಿಲು ಈ ಸರ್ತಿದ 2022ನೇ ಸಾಲುದ ಮಾತ ತರಗತಿದ ವಿದ್ಯಾರ್ಥಿಲೆಗ್ ಸುಮಾರು 50000 ಕಾಸ್ ದ ನೋಟ್ ಬುಕ್ ನ್ ಕೊರಿಯೆರ್.

ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಚಿಕ್ಕಮಗಳೂರು: ಮಗನ ಪಬ್ ಜಿದ ಮರ್ಲ್ ಗ್ ಅಪ್ಪೆ ಬಲಿ

May 26, 2022

ಚಿಕ್ಕಮಗಳೂರು, ಮೇ 26: ಚಿಕ್ಕಮಗಳೂರ್ ತಾಲ್ಲೂಕ್ ದ ಹಾಗಲಖಾನ್ ಎಸ್ಟೇಟ್ ಡ್ ಮಗೆನ ಪಬ್ ಜಿದ ಮರ್ಲ್ ಗ್ ಅಪ್ಪೆ ಜೀವ ಕಲೆವೊಂಡಿನ ಘಟನೆ ನಡತ್ ದ್ಂಡ್.

ಹಾಗಲ್ ಖಾನ್ ಎಸ್ಟೇಟ್ ಡ್ ಬೇಲೆ ಮಲ್ತೊಂದಿತ್ತಿನ ಇಮ್ತಿಯಾಜ್ ಬೊಕ್ಕ ಮೈಮುನಾ ದಂಪತಿಲೆನ ಮಗೆ ಏಪಲ ಪಬ್ ಜಿ ಗೊಬ್ಬೊಂದಿತ್ತೆ. ಗೇಮ್ ಗೊಬ್ಬಂದಿಲೆಕ್ಕ ಇಮ್ತಿಯಾಜ್ ಮಗಗ್ ಮಸ್ತ್ ಸರ್ತಿ ಪಂದಿತ್ತೆರ್.

ಇಮ್ತಿಯಾಜ್ ಪರ್ದ್ ಇಲ್ಲಗ್ ಬತ್ತಿತ್ತ್ ದ್, ಈ ಪೊರ್ತುಡ್ ಮಗೆ ಗೇಮ್ ಗೊಬ್ಬೊಂದಿತ್ತಿನೆನ್ ತೂದ್ ಬೆಚ್ಚಡ್ ಇಮ್ತಿಯಾಜ್ ಬಂದೂಕುನ್ ಪತೊಂದ್ ಕೆರ್ಪೆ ಪಂಡೆ. ಇಮ್ತಿಯಾಜ್ ಗುಂಡು ಪಾರಾವುನೆನ್ ತೂಯಿನ ಬೊಡೆದಿ ಮೈಮುನಾ ಮಗಗ್ ತಾಗುಂಡ್ ಪಂದ್ ಅಡ್ಡ ಬತ್ತೆರ್. ಅಪಗ ಗುಂಡು ಅಪ್ಪೆಗ್ ತಾಗ್ ದ್ ತೀರ್ ಪೋತೆರ್.

ಈ ಬಗೆಟ್ಟ್ ಗ್ರಾಮಾಂತರ ಪೊಲೀಸ್ ಠಾಣೆಡ್ ಪ್ರಕರಣ ದಾಖಲಾದಿತ್ತ್ ದ್, ಇಮ್ತಿಯಾಜ್ ನ್ ಪತ್ತ್ ದೆರ್.

ಕುಂದಾಪುರ ಸಹನಾ ಗ್ರೂಪ್ ದ ಸುರೇಂದ್ರ ಶೆಟ್ರೆಗ್ ಆರ್ಯಭಟ ಅಂತಾರಾಷ್ಟ್ರೀಯ ಪ್ರಶಸ್ತಿ

May 26, 2022

ಕುಂದಾಪುರ ಸಹನಾ ಗ್ರೂಪ್ ದ ಸುರೇಂದ್ರ ಶೆಟ್ರೆಗ್ ಆರ್ಯಭಟ ಅಂತಾರಾಷ್ಟ್ರೀಯ ಪ್ರಶಸ್ತಿ

ಬೆಂಗ್ಳೂರು: ಕುಂದಾಪುರದ ಸಹನಾ ಗ್ರೂಪ್ ದ ಗುರ್ಕಾರ್ಲಾಯಿನ ಸುರೇಂದ್ರ ಶೆಟ್ರ್ ಪ್ರತಿಷ್ಠಿತ ಪ್ರಶಸ್ತಿ ಆರ್ಯಭಟ ಅಂತಾರಾಷ್ಟ್ರೀಯ ಪ್ರಶಸ್ತಿಗ್ ಆಯ್ಕೆಯಾತೆರ್ .

ಇಂಗ್ಲೀಷ್ ಕಲ್ಪೆರೆ ಬಂಗ ಶಾಲೆಗ್ ಪೋಪುಜಿ ಪಂದ್ ಹಠ ಮಲ್ತಿನ ಆಣ್ ಆತ್ಮಹತ್ಯೆಗ್ ಯತ್ನ

May 26, 2022

ಇಂಗ್ಲೀಷ್ ಕಲ್ಪೆರೆ ಬಂಗ ಶಾಲೆಗ್ ಪೋಪುಜಿ ಪಂದ್ ಹಠ ಮಲ್ತಿನ ಆಣ್ ಆತ್ಮಹತ್ಯೆಗ್ ಯತ್ನ

ತುಮಕೂರು : ಪೇಂಟೆದ ಊರ್ಡಿಗೆರೆಯ ಸರಕಾರಿ ಶಾಲೆಡ್ 7 ತರಗತಿ ಕಲ್ತೊಂದು ಇತ್ತಿನ ವಿದ್ಯಾರ್ಥಿ ಇಂಗ್ಲಿಷ್ ಕಲ್ಪರೆ ಬಂಗ ಆಪುಂಡು ಪಂದ್ ಜೀವ ದೆತ್ತೋನೆರೆ ಯತ್ನ ಮಲ್ತಿನ ಘಟನೆ ನಡತುಂಡು.

ಇಂಗ್ಲಿಷ್ ಕಲ್ಪರೆ ಬಂಗ ಆಪುಂಡು ಯಾನ್ ಶಾಲೆಗ್ ಪೋಪುಜಿ ಪಂದ್ ಹಠ ಮಲ್ತಿನ ಆನಗ್ ಇಲ್ಲದಕುಲುನೆರ್ತೆರ್ ನೆರ್ದಾವರ ಬೇಜಾರ್ ಆದ್ ಆಣ್ ಕ್ರಿಮಿನಾಶಕ ತಿಂದ್ ಆತ್ಮಹತ್ಯೆಗ್ ಯತ್ನ ಮಲ್ದೆ. ಅಪಗನೆ ಇಲ್ಲದಕುಲು ಕೈತಲ್ದ ಆಸ್ಪತ್ರೆಗ್ ಲೆತೊಂದು ಪೋತೆರ್.

ಶಶಿರಾಜ್ ರಾವ್ ಕಾವೂರು ಬರೆತಿನ “ಪುದ್ದು ಕೊಡ್ತರ್” ತುಳು ಕಾದಂಬರಿ ಬುಡುಗಡೆ

May 26, 2022

ಶಶಿರಾಜ್ ರಾವ್ ಕಾವೂರು ಬರೆತಿನ “ಪುದ್ದು ಕೊಡ್ತರ್” ತುಳು ಕಾದಂಬರಿ ಬುಡುಗಡೆ

ಕುಡ್ಲ : ರಂಗ ಸಂಗಾತಿ ಸಾಂಸ್ಕೃತಿಕ ಪ್ರತಿಷ್ಠಾನ ಒಟ್ಟು ಸೇರಿಗೆಡ್
ಸಂತ ಅಲೋಶಿಯಸ್ ಕಾಲೇಜು ಕನ್ನಡ ವಿಭಾಗ ಬೊಕ್ಕ ಕುಡ್ಲದ ಆಕೃತಿ ಬೊಕ್ಕ ಆಶಯ ಪಬ್ಲಿಕೇಷನ್ಸ್ ಸಾಕರಡ್ ಶಶಿರಾಜ್ ರಾವ್ ಕಾವೂರು ಮೆರ್ನ “ಪುದ್ದು ಕೊಡ್ತರ್” ತುಳು ಕಾದಂಬರಿ ಕುಡ್ಲದ ಸಂತ ಅಲೋಶಿಯಸ್ ಕಾಲೇಜ್ ದ ಎಲ್. ಎಫ್. ರಸ್ಕಿನ ಚಾವಡಿಡ್ ಬುಧವಾರ ಬುಡುಗಡೆ ಆಂಡ್ .

ಶಶಿರಾಜ್ ರಾವ್ ಕಾವೂರು ಮೇರ್ ವೃತ್ತಿಡ್ ನ್ಯಾಯವಾದಿಯಾದ್ ಆಸಕ್ತಿಡ್ ನಾಟಕಕಾರೆಯಾದ್ , ಬೂಕು ಬರಹೆಗಾರೆ ಆದ್ ಪರಿಚಿತೆರ್ . ನಾಟಕಕಾರೆ , ನಾಟಕ ಬರಹಗಾರೆಯಾದ್ , ನಿರ್ದೇಶಕೆಯಾದ್ ಅಲ್ಪಲಾ ಪುದರ್ ಪಡೆಯಿನಾರ್ . ಅವ್ವೆತೋ ನಾಟಕಗ್ ಪದ ಬರೆಯಿನ ಅನುಭವ ಶಶಿರಾಜ್ ಕಾವೂರುಗು ಉಂಡು .

ಕೃತಿ ಲೋಕಾರ್ಪಣೆ ಲೇಸ್ ದ ಗುರ್ಕಾರ್ಮೆನ್ ಸಂತ ಅಲೋಶಿಯಸ್ ಕಾಲೇಜ್ ದ ಕುಲಸಚಿವ ಡಾ. ಆಲ್ವಿನ್ ಡೇಸಾ ವಹಿಸ್ ದಿತ್ತೆರ್ . ತುಳು -ಕನ್ನಡ ವಿದ್ವಾಂಸ ಡಾ. ಬಿ. ಎ. ವಿವೇಕ ರೈ ಮೇರ್ “ಪುದ್ದು ಕೊಡ್ತರ್ “ಕೃತಿ ಬುಡುಗಡೆ ಮಲ್ತೆರ್ . ಮಲ್ಲ ಬಿನ್ನೆರ್ ಆದ್ ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತ ನಾ. ದಾಮೋದರ ಶೆಟ್ಟಿ, ಉದ್ಯಮಿ ಬೊಕ್ಕ ಚಲನಚಿತ್ರ ನಿರ್ಮಾಪಕ ದೇವದಾಸ್ ಪಾಂಡೇಶ್ವರ್, ಕರ್ನಾಟಕ ಸಾಹಿತ್ಯ ಪರಿಷತ್ತು ದಕ್ಷಿಣ ಕನ್ನಡ ಜಿಲ್ಲಾಧ್ಯಕ್ಷ ಡಾ. ಎಂ.ಪಿ. ಶ್ರೀನಾಥ್, ಕೊರಗ ಅಭಿವೃದ್ಧಿ ಸಂಘ ಮಾಜಿ ಜಿಲ್ಲಾಧ್ಯಕ್ಷ ರಮೇಶ್ ಮಂಚಕಲ್ ಪಾಲ್ ಪಡೆದಿತ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಮಾಡೆಲ್, ನಟಿ ಬಿದಿಶಾ ಬಲ್ಲ್ ಪಾಡೊಂದು ತೀರ್ ಪೋಯಿನ ಸ್ಥಿತಿಟ್ಟ್ ಪತ್ತೆ

May 26, 2022

ಕಲ್ಕತ್ತ: ಕಿರುತೆರೆ ನಟಿ ಪಲ್ಲವಿ ಪಗೆಲುಗ್ ಆತ್ಮಹತ್ಯೆ ಮಲ್ತೊಂದೆರ್ ಪನ್ಪಿನ ಘಟನೆ ಮಾಜುನ ದುಂಬೇ ಬುಧಾರ ನನೊಂಜಿ ಸುದ್ದಿ ನಟಿನ ಸಾವುದ ಸುದ್ದಿ ಬೈದ್ಂಡ್.

ಮಾಡೆಲ್ ಅಂಚನೆ ನಟಿ ಬಿದಿಶಾ ಡೇ ಮಜುಂದಾರ್ ಮೆರ್ನ ಪುಣ ಕಲ್ಕತ್ತದ ಡಂಡಂ ಪನ್ಒಇನ ಜಾಗೆಡ್ ಇಪ್ಪುನ ಅಪಾರ್ಟ್ಮೆಂಟ್ ಡ್ ಪತ್ತೆಯಾತ್ಂಡ್. 21 ವರ್ಷರ್ದ್ ಬಿದಿಶಾ ಬಾಡಿಗೆದ ಇಲ್ಲಡ್ ಪೋಷಕೆರ್ನ ಒಟ್ಟುಗ್ ವಾಸವಾದಿತ್ತೆರ್.

ಬುಧಾರ ಬಯ್ಯಗ್ ಈ ನಟಿನ ಮೃತದೇಹ ಅಪಾರ್ಟ್ಮೆಂಟ್ ಡ್ ಬಲ್ಲ್ ಪಾಡ್ದಿನ ಸ್ಥಿತಿಟ್ಟ್ ಪತ್ತೆಯಾತ್ಂಡ್. ಪೊಲೀಸೆರ್ ತನಿಖೆನ್ ಮಲ್ತೊಂದಿತ್ತ್ ದ್, ಉಂದು ಆತ್ಮಹತ್ಯೆನಾ ಅತ್ತ್ ಕೆರ್ತಿನ್ನಾ ಪಂದ್ ತೆರಿದ್ ಬೈದಿಜಿ. ಸುರುತ್ತ ತನಿಖೆ ನಡತ್ತೊಂದ್ ಇತ್ತ್ ದ್, ಪೊಲೀಸೆರ್ ಬಿದಿಶಾ ಮೆರ್ನ ದೋಸ್ತಿನಕುಲ್ ಅಂಚನೆ ಕುಟುಂಬದಕುಲೆರ್ದ್ ಮಾಹಿತಿ ಪಡೆಯೊಂದ್ ಉಲ್ಲೆರ್. ಇತ್ತೆ ಪೊಲೀಸೆರ್ ಮರಣೋತ್ತರ ಪರೀಕ್ಷೆದ ವರದಿದ ನಿರೀಕ್ಷೆಡ್ ಉಲ್ಲೆರ್.

Model and actress Bidisha commits suicide

Kolkata : At the backdrop of the death of tv actress Pallavi; another news has caught the attention of the public.

Actress Bidisha Dey Majumder (21) was found hanging at her apartment in Dum Dum in Kolkata.

It is still not confirmed whether it it is a case of suicide or murder . Police are investigating into the matter,and are interrogating her family and friends.The body has been sent from post mortem.

ಸೀನಿಯರ್ ಚೇಂಬರ್ ಇಂಟರ್ ನ್ಯಾಷನಲ್ ಕುಡ್ಲ ಲೀಜನ್: ಲೇಡಿಹಿಲ್ಡ್ ಮಾರ್ಗದ ವಿಭಾಜಕಡ್ ದೈ ನಡ್ಪಿನ ಲೇಸ್

May 26, 2022

ಸೀನಿಯರ್ ಚೇಂಬರ್ ಇಂಟರ್ ನ್ಯಾಷನಲ್ ಕುಡ್ಲ ಲೀಜನ್: ಲೇಡಿಹಿಲ್ಡ್ ಮಾರ್ಗದ ವಿಭಾಜಕಡ್ ದೈ ನಡ್ಪಿನ ಲೇಸ್

ಕುಡ್ಲ : ಸೀನಿಯರ್ ಚೇಂಬರ್ ಇಂಟರ್ನ್ಯಾಷನಲ್ ಕುಡ್ಲ ಲೀಜನ್ ವತಿರ್ದ್ ಸ್ವಚ್ಛ ಭಾರತ್ ಪರಿಕಲ್ಪನೆಡ್ ಕುಡ್ಲದ ಲೇಡಿಹಿಲ್ ದ ಮಾರ್ಗದ ವಿಭಾಜಕಡ್ ಉಪ್ಪುನ ದೈತ ನಡುತ ದೈ ದೆಪ್ಪುನ ಬೊಕ್ಕ ದೈ ನಡ್ಪಿನ ಲೇಸ್ ಐತಾರ ಕಾಂಡೆ 7.30 ರ್ದ್ 9.30 ಮುಟ ನಡತುಂಡು.