ಜೋಕ್ಲೆಗ್ ಸರಿಯಾಯಿನ ಪ್ರೋತ್ಸಾಹ ತಿಕ್ಕುಂಡ ಅಕುಲು ಬುಳೆಪೆರ್ : ತಲ್ಲೂರು ಶಿವರಾಮ ಶೆಟ್ಟಿ

ಅಜೆಕಾರು/ಹೆಬ್ರಿ: ಜೋಕ್ಲೆಗ್ ಸರಿಯಾಯಿನ ಪ್ರೋತ್ಸಾಹ ತಿಕ್ಕುಂಡ ಅಕುಲು ಬುಳೆಪೆರ್ ಅಕ್ಲೆನ ಪ್ರತಿಭೆ ವಿಕಸನ ಆಪುಂಡ್. ಅಕುಲ್ ಶಕ್ತಿಶಾಲಿಯಾದ್ ಸಮಾಜಡ್ ಮಿನ್ಕುವೆರ್ ಪಂದ್ ತಾಲ್ಲೂರು ಫ್ಯಾಮಿಲಿ ಟ್ರಸ್ಟ್ ದ ಅಧ್ಯಕ್ಷೆರ್ ಆಯಿನ ಡಾ.ತಲ್ಲೂರು ಶಿವರಾಮ ಶೆಟ್ಟಿ ಪಂಡೆರ್.

ಆರ್ ಹರಿಖಂಡಿಗೆ ಶ್ರೀ ನಾರಾಯಣೀ ದೇವಿ ಕ್ಷೇತ್ರಡ್ ಅಖಿಲ ಕರ್ನಾಟಕ ಬೆಳದಿಂಗಳ ಸಾಹಿತ್ಯ ಸಮ್ಮೇಳನ ಸಮಿತ ತುಳುವ ವೇದಿಕೆಡ್ ಶ್ರವಣಬೆಳಗೊಳದ ಶ್ರೀ ಚಾರಿಕೀರ್ತಿ ಭಟ್ಟಾರಕ ಮಹಾಸ್ವಾಮಿಲೆನ ಆಶೀರ್ವಾದಡ್ ನಡತಿನ ರಾಜ್ಯಮಟ್ಟದ ಜೋಕ್ಲೆನ ಪ್ರತಿಭಾ ಸಂಗಮ ಕಾರ್ಯಕ್ರಮಡ್ ಕರ್ನಾಟಕ ಪ್ರತಿಭಾ ರತ್ನ ಗೌರವನ್ ಕೊರ್ದ್ ಪಾತೆರಿಯೆರ್.

ನರಮಾನಿನ್ ಸಮಾಜರ್ದ್ ಬೇತೆ ಮಲ್ಪರೆ ಮಸ್ತ್ ಕಾರಣಲು ಉಲ್ಲ. ಆಂಡ ಸಮಾಜನ್ ಒಂಜಿ ಮಲ್ಪರೆ ಇಂಚಿನ ಕಾರ್ಯಕ್ರಮಲು ಅಗತ್ಯವಾದ್ಂಡ್ ಪಂದ್ ಲೇಸ್ ನ್ ಭಜನೆದ ಮುಖೇನ ಉದಿಪನ ಮಲ್ತಿನ ಕ್ಷೇತ್ರದ ಧರ್ಮದರ್ಶಿ ಸುರೇಶ್ ಜಿ.ಪೈ ಅಭಿಪ್ರಾಯನ್ ಪಂಡೆರ್.

ಜೋಕುಲೆನ್ ಅಕುಲಕ್ಲೆನ್ ಆಸಕ್ತಿಗ್ ಅನುಸಾರವಾದ್ ಬೊಳೆಪಾಲೇ ಪಂದ್ ಪೆರಿಯ ಉಧ್ಯಮಿ ಒಡಿಪು ವಿಶ್ವನಾಥ ಶೆಣೈ ಪಂಡೆರ್. ಪೆರಿಯ ಹಾಸ್ಯ ಸಾಹಿತಿ ಸಂಧ್ಯಾ ಶೆಣೈ ಮೇರ್ ಹಾಸ್ಯಮಯವಾದ್ ಪಾತೆರ್ದ್, ಸಂಘಟಕ ಡಾ.ಶೇಖರ ಅಜೆಕಾರು ದಂಪತಿಲೆನ್ ಮಾನಾದಿಗೆ ಮಲ್ತೆರ್.

ರೇಡಿಯೋ ಮಣಿಪಾಲ ಸಂಯೋಜಕಿ ಡಾ. ರಶ್ಮಿ ಅಮ್ಮಂಬಳ, ಬೆಂಗಳೂರ್ ದ ಮುಖ್ಯೋಪಾದ್ಯಾಯಿನಿ ಬಿಂದು ಕೆ.ವಿ, ಗ್ರಾಮೋತ್ಸವ ಸಮಿತಿದ ಗೌರವಾಧ್ಯಕ್ಷೆರ್ ಅರುಣ್ ಶೆಟ್ಟಿಗಾರ್, ದಕ್ಷಿಣ ಜಿಲ್ಲಾ ಮಹಿಳಾ ಕಾರ್ಮಿಕೆರ್ನ ಸಂಘದ ಅಧ್ಯಕ್ಷೆ ಪದ್ಮಶ್ರೀ ನಿಡ್ಡೋಡಿ, ಜೆರಿಮೆರಿ ಕನ್ನಡ ಸಂಘದ ಮಾಜಿ ಕಾರ್ಯದರ್ಶಿ ರವಿ.ಟಿ. ಪೂಜಾರಿ ಕೊಪ್ಪ ವೇದಿಕೆಡ್ ಬಿನ್ನೆರ್ ಆದಿತ್ತೆರ್.

ಪ್ರಜ್ಞಾ.ಪಿ ಹರಿತ್ಸಾ- ಶ್ರವಣಬೆಳಗೊಳ, ಮೇಘನಾ ಬಸವರಾಜ ಹಡಪದ- ಧಾರವಾಡ, ಸಿಂಚನಾ ಎಸ್. ಶಂಕರ್- ಬೆಂಗ್ಳೂರು, ಚಿತ್ತರಂಜನ್ ಕಡಂದೇಲು-ಕಾಸ್ರೋಡ್, ಧನ್ವಿ ರೈ ಕೋಟೆ- ಪುತ್ತೂರ್, ಲಾಲಿತ್ಯ ಕುಮಾರ್ ಬೇಲೂರು- ಹಾಸನ, ನಿರೀಕ್ಷ ವಿಟ್ಲ- ದಕ್ಷಿಣ ಕನ್ನಡ, ಸೃಷ್ಠಿ ಬೆಂಗ್ಳೂರು, ಪ್ರೀತಮ್ ದೇವಾಡಿಗ ಮುದ್ರಡಿ- ಒಡಿಪು, ತನ್ವಿತಾ ಮೊಗವೀರ ಒಡಿಪು, ಚಿನ್ವೀಶ್ ಕೊಟ್ಟಾರಿ ಕುಡ್ಲ, ಅನ್ವಿತಾ ವಿಟ್ಲ- ದ.ಕ, ಸಿರಿ ಎಸ್.- ಬೆಂಗ್ಳೂರ್, ಪ್ರಥಮ್ ಮಾರೂರು- ವೇಣೂರು, ಯೋಗ್ನ ಬಿ. ಅಮೀನ್ ಕುಡ್ಲ, ಸಾನ್ವಿ ಗುರುಪುರ- ಕುಡ್ಲ, ದಿಯಾ ಆಳ್ವ ಬೆದ್ರ, ಆದ್ಯಂತ್ ಅಡೂರು-ಕಾಸ್ರೋಡ್ ಕರ್ನಾಟಕ ಪ್ರತಿಭಾ ರತ್ನ ಪ್ರಶಸ್ತಿನ್ ದೆತೊನಿಯೆರ್.

ಸಮಿತಿದ ರಾಜ್ಯಾಧ್ಯಕ್ಷೆರ್ ಡಾ.ಶೇಖರ ಅಜೆಕಾರು ಅಧ್ಯಕ್ಷತೆನ್ ವಹಿಸೊನಿಯೆರ್. ಕವಯತ್ರಿ ಆಶ್ವಿನಿ ಕುಲಾಲ್ ಕಡ್ತಲ ಬತ್ತಿನ ಬಿನ್ನೇರೆನ್ ಎದ್ಕೊನಿಯೆರ್. ಜೋಕ್ಲೆನ ವಿಭಾಗದ ಸುನಿಧಿ ಎಸ್. ಅಜೆಕಾರು ಸೊಲ್ಮೆ ಸಂದೈತ ಮಲ್ತೆರ್. ಯುವ ವಾಗ್ಮಿ ಕಾವ್ಯ ಕಣಜಾರು ಬೊಕ್ಕ ಸೌಮ್ಯಶ್ರೀ, ಸಂತೋಷ ಜೈನ್ ಎಣ್ಣೆಹೊಳೆ ಕಾರ್ಯಕ್ರಮ ನಿರ್ವಹಣೆ ಮಲ್ತೆರ್.
ಪ್ರತಿಭಾ ರತ್ನ ಪುರಸ್ಕೃತೆರ್ನ ಪ್ರತಿಭಾ ಪ್ರದರ್ಶನದ ಒಟ್ಟುಗ್ ಅರ್ಚಿತ್ ಕಶ್ಯಪ್, ಅಶ್ಮಿತ್ ಎ.ಜೆ ಕುಡ್ಲ, ಅರ್ಚನಾ ಸಂಪ್ಯಾಡಿ, ಸುನಿಜ ಅಜೆಕಾರು , ಉದಯ ಪಿ ದಾಸಗದ್ದೆ ವೇದಿಕೆಡ್ ಕಾರ್ಯಕ್ರಮ ಕೊರಿಯೆರ್. ಕ್ಷೇತ್ರದ ಭಜನಾ ಮಂಡಳಿಯ ಭಜನಾ ಕಾರ್ಯಕ್ರಮ ಇತ್ತ್ಂಡ್.