ಒಡಿಪು : ಕೃಷ್ಣಮಠಟ್ ಭಕ್ತೆರ್ನ 6.30 ಲಕ್ಷ ಪಣವುದ ಬಂಗಾರ್ ಕಂಡಿನ ಕಲ್ವೆರ್

ಒಡಿಪು :ಕೃಷ್ಣಮಠಟ್ ಭಕ್ತೆರ್ನ ಲಕ್ಷಾಂತರ ರೂಪಾಯಿದ ಬಂಗಾರ್ ಕಲ್ವೇರ್ ಕಂಡ್ದೆರ್ ಬೆಂಗ್ಳೂರುದ ಅತ್ತಿಬೆಲೆ ಮೂಲದ ಷಣ್ಮುಗಂ ಮೆರ್ನ ಕುಟುಂಬ, ಶ್ರೀ ಕೃಷ್ಣ ಮಠಕ್ ಭೇಟಿ ಕೊರ್ದು , ದೇವೆರ್ನ ದರ್ಶನ ಪಡೆದ್ , ಐರ್ದ್ ಬೊಕ್ಕ ಕೃಷ್ಣಮಠದ ವಸಂತ ಮಂಟಪದ ಕೈತಲ್ ತೊಟ್ಟಿಲು ಸೇವೆ ತೂವೊಂದು ಇತ್ತೆರ್ .

ಈ ಪೊರ್ತುಡು ದೇವೆರ್ನ ಆರತಿ ಪಡೆನಗ ಕಲ್ವೇರ್ ಷಣ್ಮುಗಂ ನ ಬೊಡೆದಿನ ವ್ಯಾನಿಟಿ ಬ್ಯಾಗ್‌ಡ್ ಇತ್ತಿನ ಬಂಗಾರ್ದ ಡಬ್ಬೆ ಕಂಡ್ ದೆರ್ . ಬಾಕ್ಸ್‌ ಡ್ 58 ಗ್ರಾಂ ತೂಕದ ಕಾಜಿ , 2.16 ಗ್ರಾಂ ತೂಕದ ಕೆಬಿತ , 2, 13 ಗ್ರಾಂ ತೂಕದ ಬಾಲೆದ ಕಾಜಿ 1.20 ಗ್ರಾಂ ತೂಕದ ಪೆಂಡೆಂಟ್‌ ಉಪ್ಪುನ ಬಂಗಾರದ ಚೈನ್, 1, 48 ಗ್ರಾಂ ತೂಕದ ಮಲ್ಲ ಸರ ಇಂಚ ಒಟ್ಟು 155 ಗ್ರಾಂ ತೂಕದ ಬಂಗಾರ್ ಕಂಡ್ ದೆರ್ . ಈ ಬಗ್ಗೆ ಒಡಿಪು ನಗರ ಪೊಲೀಸ್‌ ಠಾಣೆಡ್ ಪ್ರಕರಣ ದಾಖಲಾತುಂಡು .