Kudla Udupi

ಒಡಿಪು : ಕೃಷ್ಣಮಠಟ್ ಭಕ್ತೆರ್ನ 6.30 ಲಕ್ಷ ಪಣವುದ ಬಂಗಾರ್ ಕಂಡಿನ ಕಲ್ವೆರ್

May 14, 2022

ಒಡಿಪು :ಕೃಷ್ಣಮಠಟ್ ಭಕ್ತೆರ್ನ ಲಕ್ಷಾಂತರ ರೂಪಾಯಿದ ಬಂಗಾರ್ ಕಲ್ವೇರ್ ಕಂಡ್ದೆರ್ ಬೆಂಗ್ಳೂರುದ ಅತ್ತಿಬೆಲೆ ಮೂಲದ ಷಣ್ಮುಗಂ ಮೆರ್ನ ಕುಟುಂಬ, ಶ್ರೀ ಕೃಷ್ಣ ಮಠಕ್ ಭೇಟಿ ಕೊರ್ದು , ದೇವೆರ್ನ ದರ್ಶನ ಪಡೆದ್ , ಐರ್ದ್ ಬೊಕ್ಕ ಕೃಷ್ಣಮಠದ ವಸಂತ ಮಂಟಪದ ಕೈತಲ್ ತೊಟ್ಟಿಲು ಸೇವೆ ತೂವೊಂದು ಇತ್ತೆರ್ .

ಈ ಪೊರ್ತುಡು ದೇವೆರ್ನ ಆರತಿ ಪಡೆನಗ ಕಲ್ವೇರ್ ಷಣ್ಮುಗಂ ನ ಬೊಡೆದಿನ ವ್ಯಾನಿಟಿ ಬ್ಯಾಗ್‌ಡ್ ಇತ್ತಿನ ಬಂಗಾರ್ದ ಡಬ್ಬೆ ಕಂಡ್ ದೆರ್ . ಬಾಕ್ಸ್‌ ಡ್ 58 ಗ್ರಾಂ ತೂಕದ ಕಾಜಿ , 2.16 ಗ್ರಾಂ ತೂಕದ ಕೆಬಿತ , 2, 13 ಗ್ರಾಂ ತೂಕದ ಬಾಲೆದ ಕಾಜಿ 1.20 ಗ್ರಾಂ ತೂಕದ ಪೆಂಡೆಂಟ್‌ ಉಪ್ಪುನ ಬಂಗಾರದ ಚೈನ್, 1, 48 ಗ್ರಾಂ ತೂಕದ ಮಲ್ಲ ಸರ ಇಂಚ ಒಟ್ಟು 155 ಗ್ರಾಂ ತೂಕದ ಬಂಗಾರ್ ಕಂಡ್ ದೆರ್ . ಈ ಬಗ್ಗೆ ಒಡಿಪು ನಗರ ಪೊಲೀಸ್‌ ಠಾಣೆಡ್ ಪ್ರಕರಣ ದಾಖಲಾತುಂಡು .

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ಸನ್ನಿಧಿ ಬಡವೆರೆಗ್ ಸ್ಪಂದನೆ ಕೊರ್ಪಿನ ಕ್ಷೇತ್ರ ಆವಡ್ : ಕೇಮಾರುಶ್ರೀ

Apr 5, 2022

ಉಚ್ಚಿಲ ಕ್ಷೇತ್ರದ ಪುಣ್ಯೋಚ್ಚಯದ 5 ದಿನತ್ತ ಲೇಸ್ ಆಶೀರ್ವಚನ

ಉಚ್ಚಿಲ : ಬಡವೆರೆಗ್ ಕೊರ್ಪಿನ ಒವ್ವೇ ವಸ್ತು ದೇವೆರೆಗ್ ಸಂದುಂಡು. ಅಂಚಾದ್ ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ನ ಪುಣ್ಯ ಕ್ಷೇತ್ರಲ ಬಡವೆರೆನ ಕಷ್ಟೊಗು ಸ್ಪಂದನೆ ಕೊರ್ಪಿನ ಕ್ಷೇತ್ರ ಆವಡ್ ಪಂದ್ ಕೇಮಾರು ಸಾಂದೀಪನಿ ಸಾಧನಾಶ್ರಮದ ಶ್ರೀ ಈಶ ವಿಠಲದಾಸ ಸ್ವಾಮೀಜಿ ಪಂಡೆರ್.
ಉಚ್ಚಿಲ ಕ್ಷೇತ್ರ ಬ್ರಹ್ಮಕಲಶೋತ್ಸವ ಪುಣ್ಯೋಚ್ಚಯದ 5 ನೇ ದಿನವಾಯಿನ ಅಂಗಾರೆ ಬಯ್ಯಡ್ ನಡತಿನ ಧಾರ್ಮಿಕ ಸಭೆಟ್ಟ್ ಆರ್ ಆಶೀರ್ವಚನ ಮಲ್ತೆರ್.
ದೇವೆರ್ ಏಪಲ ಭಕ್ತಿ ಬೊಕ್ಕ ಮುಗ್ಧತೆಗ್ ಒಲಿಯುವೆರ್.

ಮೊಗವೀರ ಸಮಾಜಡ್ ಮುಗ್ಧತೆ ಬೊಕ್ಕ ಭಕ್ತಿ ದಿಂಜಿದುಂಡು. ಅಂಚಾದ್ ಶ್ರೀ ಮಹಾಲಕ್ಷ್ಮಿನ ಸಂಪೂರ್ಣ ಅನುಗ್ರಹ ಮೂಲು ಆತ್ಂಡ್ ಪಂಡೆರ್.
ಶ್ರೀ ಮಹಾಲಕ್ಷ್ಮಿ ಒಲಿಯೊಡ್ಡ ನಾರಾಯಣ ದೇವೆರ್ನಂಚಿನ ಗುಣ ಉಪ್ಪೊಡು. ಶಾಂತತೆ, ಮುಗ್ಧತೆ ಉಪ್ಪೊಡು. ಈ ಗುಣೊಕ್ಕುಲು ನಾಡೋಜ ಜಿ.ಶಂಕರ್ ಮೆರೆಡ ಉಂಡು. ಮೇರ್ ಮೊಗವೀರ ಸಮಾಜದ ಮುತ್ತು. ಬಂಗಾರ್ದ ಕಲಶ. ಅಂಚಾದ್ ಅರೆಗ್ ಲ ಮಹಾಲಕ್ಷ್ಮಿ ಒಲಿದೆರ್ ಪಂಡೆರ್.
ಮಾತೆರೆಗ್ಲ ಶಿಕ್ಷಣ ಕೊರ್ಲೆ. ಜೋಕುಲೆಗ್ ಭಜನೆ, ಸಂಸ್ಕೃತಿ ಕಲ್ಪಾಲೆ. ಮೊಬೈಲ್, ಇಂಟರ್ ನೆಟ್ ಲೋಕೊರ್ದು ಅಕಲೆನ್ ಪಿದಯಿ ಕನಪಾಲೆ. ಇಲ್ಲಡ್ ಟಿವಿ ಸಂಸ್ಕೃತಿ ರ್ದ್ ಪಿರ ಬರ್ಪಾಲೆ.ಮೂಢನಂಬಿಕೆರ್ದ್ ಪಿದಯಿ ಬಲೆ. ವಿವೇಕಾನಂದೆರ್, ಬ್ರಹ್ಮಶ್ರೀ ನಾರಾಯಣ ಗುರು, ಡಾ.ಅಬ್ದುಲ್ ಕಲಾಂ ಮೊಕ್ಲೆನ್ ಪೂರ ನಿಕ್ಲೆನ ಇಷ್ಟದ ಹೀರೋ ಆದ್ ತೂಲೆ ಪಂಡೆರ್.
ಲೇಸ್ ದ ಗುರ್ಕಾರ್ಮೆ ಅಧ್ಯಕ್ಷತೆ ಒಯಿಸ್ ದಿತ್ತಿನ ಉಚ್ಚಿಲ ಶ್ರೀಮಹಾಲಕ್ಷ್ಮೀ ದೇವಸ್ಥಾನ ಜೀರ್ಣೋದ್ಧಾರ ಸಮಿತಿದ ಗೌರವಾಧ್ಯಕ್ಷೆರ್ ಅಂಚೆನೆ ಬ್ರಹ್ಮಕಲಶೋತ್ಸವ ಸಮಿತಿದ ಅಧ್ಯಕ್ಷೆರ್ ನಾಡೋಜ ಡಾ.ಜಿ. ಶಂಕರ್ ಬಿನ್ನೆರೆನ್ ಎದ್ಕೊಂಡೆರ್.
ಕೋಟ ಗೀತಾನಂದ ಫೌಂಡೇಶನ್‌ನ ಪ್ರವರ್ತಕೆರ್ ಆನಂದ್‌ ಸಿ. ಕುಂದರ್‌, ಉರ್ವ ಶ್ರೀ ‌ಮಾರಿಯಮ್ಮ ದೇವಸ್ಥಾನದ ಆಡಳಿತ ‌ಮೊಕ್ತೇಸರ ದೇವಾನಂದ ಗುರಿಕಾರೆರ್ ,ಬೋಳೂರು, ಕಾಪು ಶ್ರೀಮಾರಿಯಮ್ಮ ದೇವಸ್ಥಾನದ ಆಡಳಿತ ಮೊಕ್ತೇಸಯರ ಕಲ್ಯ ರಮೇಶ್‌ ಹೆಗ್ಡೆ, ಎರ್ಮಾಳ್‌ ಶ್ರೀ ಲಕ್ಷ್ಮೀ ಜನಾರ್ದನ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಅಶೋಕ್ ರಾಜ್‌ ಎರ್ಮಾಳು ಬೂಡು, ಪಡುಬಿದ್ರಿ ವನದುರ್ಗಾ ಟ್ರಸ್ಟ್‌ ಕಾರ್ಯದರ್ಶಿ ವೈ.ಎನ್. ರಾಮಚಂದ್ರ ರಾವ್, ಪಡುಬಿದ್ರಿ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ರತ್ನಾಕರ ರಾಜ್ ಕಿನ್ಯಕ್ಕ ಬಲ್ಲಾಳ್‌, ಮಣಿಪಾಲ ಶ್ರೀ ಬಬ್ಬುಸ್ವಾಮಿ ಕ್ಷೇತ್ರದ ಅಧ್ಯಕ್ಷೆರ್ ಶ್ರೀನಿವಾಸ ಪೂಜಾರಿ, ಕಟಪಾಡಿ ಶ್ರೀ ವಿಶ್ವನಾಥ ಕ್ಷೇತ್ರದ ಅಧ್ಯಕ್ಷೆರ್ ಬಿ.ಎನ್. ಶಂಕರ ಪೂಜಾರಿ, ಮುಂಬೈ ಗೋರೆಗಾಂವ್‌ ಉದ್ಯಮಿ ಶ್ರೀನಿವಾಸ್‌ ಕಾಂಚನ್, ದ.ಕ. ಮೊಗವೀರ ಮಹಾಜನ ಸಂಘದ ಅಧ್ಯಕ್ಷೆರ್ ಜಯ ಸಿ.ಕೋಟ್ಯಾನ್, ಜೀರ್ಣೋದ್ಧಾರ ಸಮಿತಿ ಅಧ್ಯಕ್ಷೆರ್ ಗುಂಡು ಬಿ. ಅಮೀನ್‌, ಶ್ರೀಮಹಾಲಕ್ಷ್ಮೀ ದೇವಸ್ಥಾನ ಕ್ಷೇತ್ರಾಡಳಿತ ಸಮಿತಿ ಅಧ್ಯಕ್ಷೆರ್ ವಾಸುದೇವ ಸಾಲ್ಯಾನ್‌ ಇತ್ತೆರ್.
ಉಚ್ಚಿಲ ದೇವಲ್ಯದ ಜೀರ್ಣೋದ್ಧಾರ ಸಮಿತಿ ಕಾರ್ಯದರ್ಶಿ ಶಂಕರ್‌ ಸಾಲ್ಯಾನ್ ಸೊಲ್ಮೆ ಸಂದಾಯೆರ್. ವಿಜೇತಾ ಶೆಟ್ಟಿ ಲೇಸ್ ನಡಪಾದ್ ಕೊರಿಯೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಇನಿರ್ದ್ ಹೆಜಮಾಡಿ ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ಬ್ರಹ್ಮಕಲಶ ಉಚ್ಚಯ, ನಾಗಮಂಡಲ ಸೇವೆ

Mar 30, 2022

ಮುಲ್ಕಿ : ಹೆಜಮಾಡಿ ಗ್ರಾಮದ ಸುಮಾರು 800 ವರ್ಷ ಪರಪೋಕು ಉಪ್ಪುನ ಮಹಾಲಿಂಗೇಶ್ವರ ದೇವಲ್ಯ 10 ಕೋಟಿ ರೂ. ಪಣವುಡು ಪುನರ್ ನಿರ್ಮಾಣ ಆದ್ ಮಾ.30ರರ್ದ್ ಏ.7 ಮುಟ ಎಡಪದವು ಶ್ರೀ ರಾಧಾಕೃಷ್ಣ ತಂತ್ರಿಲೆನ ಮುತಾಲಿಕೆಡ್ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಬೊಕ್ಕ ನಾಗಮಂಡಲ ಸೇವೆ ನಡಪರೆ ಉಂಡು .

ಮಾ.30ಗ್ ಸಾಮೂಹಿಕ ದೇವತಾ ಪ್ರಾರ್ಥನೆದೊಟ್ಟುಗು ಬಹಕಲಶ ಉಚ್ಚಯ ಬೊಕ್ಕ ನಾಗಮಂಡಲದ ವಿಧಿ ವಿಧಾನ ಸುರು ಆಯರೇ ಉಂಡು . ಏ.3ಕ್ಕ್ ಬಯ್ಯಗ್ 4 ಗಂಟೆಗ್ ಪುತ್ತಿಗೆ ಮಠಾಧಿಶೇರಾಯಿನ ಶ್ರೀ ಸುಗುಣೇಂದ್ರ ತೀರ್ಥ ಶ್ರೀಪಾದೆರ್ , ಕಟೀಲು ಕ್ಷೇತ್ರದ ಅನಂತ ಪದ್ಮನಾಭ ಅಸ್ರಣ್ರ್ ಸ) ಗೋಪಾಲಕೃಷ್ಣಸಾಮಗೆರ್ ಬೊಕ್ಕ ದೇವಲ್ಯದ ಸಮಿತಿದ ಅಧ್ಯಕ್ಷ ಜಯಂತ ಶೆಟ್ಟಿ ಪುಣೆ ಮೆಕ್ಲೆನ ಮುತಾಲಿಕೆಡ್ ಪುದೆಕಾಣಿಕೆ ಮೆರವಣಿಗೆ ಹೆಜಮಾಡಿಕೋಡಿ ಶಾಲಾ ಮೈದಾನರ್ದ್ ಸುರು ಆಯರೇ ಉಂಡು.

ಏ.5ಕ್ಕ್ ಕಾಂಡೆ ಆಶ್ಲೇಷ ಬಲಿ, ಮಧ್ಯಾಹ್ನ ಮಹಾ ಅನ್ನಸಂತರ್ಪಣೆ, ಬಯ್ಯ 5 ಗಂಟೆಗ್ ಹಾಲಿಟ್ಟು ಸೇವೆ, 6 ಗಂಟೆರ್ದ್ ಗೋಪಾಲಕೃಷ್ಣ ಸಾಮಗೆರ್ನ ಮುತಾಲಿಕೆಡ್ ನಾಗಮಂಡಲ ಸೇವೆ ನಡಪರೆ ಉಂಡು . ಏ.6ಕ್ಕ್ ಕಾಂಡೆ ವೃಷಭ ಲಗ್ನ
ಸುಮುಹೂರ್ತಡ್ ಸಹಸ್ರ ಪರಿಕಲಶ ಸಹಿತ ಬ್ರಹ್ಮಕಲಶಾಭಿಷೇಕ, ಮಹಾ
ರಥಾರೋಹಣ, ಮಧ್ಯಾಹ್ನ 12.30ಕ್ ಮಹಾ ಅನ್ನಸಂತರ್ಪಣೆ, ರಾತ್ರಿ ಮಹಾ ರಥೋತ್ಸವ, ಖ್ಯಾತ ಯಕ್ಷಗಾನ ಭಾಗವತೇರಾಯಿನ ಪಟ್ಲ ಸತೀಶ್ ಶೆಟ್ರೆನ ಭಾಗವತಿಕೆದೊಟ್ಟುಗು ವಿಶೇಷ ಬಲಿ ಸೇವೆ, ಖ್ಯಾತ ಸ್ಯಾಕ್ರೋಫೋನ್ ವಾದಕಿ ಭಾರತಿ ಗೋಪಾಲ್ ಮೆರ್ನ ಸ್ಯಾಕ್ರೋಫೋನ್ ವಾದನ ದೊಟ್ಟುಗು ವಿಶೇಷ ಬಲಿ ನಡಪರೆ ಉಂಡು.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜಕೀಯ ಸುದ್ದಿ | Political News ರಾಜ್ಯದ ಸುದ್ದಿ | State News

ಸರಕಾರದ ಪೊಸ ಕೋವಿಡ್ ನಿಯಮದನುಸಾರ : ಜನವರಿ 31ರ್ದ್ ನೈಟ್ ಕರ್ಫ್ಯೂ ರದ್ದು..

Jan 29, 2022

ಬೆಂಗ್ಳೂರು: ಸರಕಾರ ಇನಿ ಕೋವಿಡ್ ದ ಬಗ್ಗೆ ಪೊಸ ನಿಯಮನ್ ಜಾರಿಗ್ ಬೈದುಂಡು .ಜನವರಿ 31ರ್ದ್ ನೈಟ್ ಕರ್ಫ್ಯೂ ಇಜ್ಜಿ.

ಹೋಟೆಲ್ ,ಬಾರ್ ಗ್ ಶೇಕಡ 100 ವಿನಾಯಿತಿ ಉಂಡು.
ಸಿನಿಮಾ ಮಂದಿರ ಶೇಕಡ 50 ಜನಕ್ ಅವಕಾಶ ಉಂಡು.
ಮದಿಮೆಗ್, ಲೇಸ್ ಗ್ ಅಂಗಣೊಡು 300 ಜನಕ್ ಅವಕಾಶ, ಮದಿಮೆದ ಹಾಲ್ಡ್ 200 ಜನಕ್ ಅವಕಾಶ.
ದೇವಲ್ಯೊಡು ಸೇವೆ ಮಲ್ಪರೆ ಅನುಮತಿ.
ಜಾತ್ರೆ, ಧರಣಿ, ಸಾಮಾಜಿಕ ಬೊಕ್ಕ ಧಾರ್ಮಿಕ ಲೇಸ್ ಡ್ ಜನ ಸೇರಾಯೆರೆ ಅವಕಾಶ ಇಜ್ಜಿ.
,ಜಿಮ್, ಸ್ವಿಮ್ಮಿಂಗ್ ಪೂಲ್ 50 ಶೇಕಡ ಜನಕ್ಲೆಗ್ ಅವಕಾಶ ,ಅಂಚನೆ 50- 50 ನಿಯಮ ರದ್ದು ಮಲ್ಪರೆ ತೀರ್ಮಾನ ಮಲ್ದೆರ್ ಪಂದ್ ಕಂದಾಯ ಸಚಿವ ಆರ್ ಅಶೋಕ್ ಪಂತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News

ಶ್ರೀ ಷಣ್ಮುಖ ಸುಬ್ರಮಣ್ಯ ದೇವಸ್ಥಾನ : ಪುನಃ ಪ್ರತಿಷ್ಠೆ ಬೊಕ್ಕ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ

Jan 28, 2022

ಸಜೀಪನಡು :ಸಜೀಪನಡುದ ಶ್ರೀ ಷಣ್ಮುಖ ಸುಬ್ರಮಣ್ಯ ದೇವಸ್ಥಾನೊಡು ತಾರೀಖ್ 9/2/2022 ರ್ದ್ 14/2/2022 ತಾರೀಖ್ ಮುಟ ಪುನಃ ಪ್ರತಿಷ್ಠೆ ಬೊಕ್ಕ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ನಡಪರೇ ಉಂಡು ಪಂದ್ ಪ್ರಕಟಣೆಡ್ ತೆರಿಪಾದೆರ್.

ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಕೇರಳ ಸುದ್ದಿ | Kerala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಜೋಕ್ಲೆನ ಮಾರಾಟ ಮಲ್ಪುನಕ್ಲೆಗ್ 5 ವರ್ಷ ಜೈಲ್ ಶಿಕ್ಷೆ

Nov 20, 2021

ಕುಡ್ಲ : ಜೋಕ್ಲೆನ ಮಾರುನ ಅಪರಾಧ, ಜೋಕ್ಲೆನ್ ಮಾರುನಕ್ಲೆಗ್ ಅಂಚನೆ ದೆತೊನುನಕ್ಲೆಗ್ ಬಾಲನ್ಯಾಯ ಕಾಯ್ದೆ-2015ರ ಸೆಕ್ಷನ್ 81 ಪ್ರಕಾರ 5 ವರ್ಷ ಸೆರೆಮನೆ ವಾಸ ಬೊಕ್ಕ 1 ಲಕ್ಷ ರೂಪಾಯಿ ದಂಡ ಪಾಡುವೆರ್ .

ಈ ಅಪರಾಧಡ್ ಆಸ್ಪತ್ರೆದಕುಲು ಶಾಮೀಲಾಂಡ ಶಿಕ್ಷೆನ್ 3 ರ್ದ್ 7 ವರ್ಷ ಮುಟ ಕೊರ್ಪೆರ್ .
ಎಚ್ಚದ ಮಾಹಿತಿಗ್ ರಾಜ್ಯ ದತ್ತು ಸಂಪನ್ಮೂಲ ಏಜೆನ್ಸಿ ದೂ.ಸಂ:080-22867381/2, ಪೇಂಟೆದ ಜಿಲ್ಲಾ ಮಕ್ಕಳ ರಕ್ಷಣಾ ಘಟಕದ ದೂ.ಸಂ.:0824-2440004 ಗ್ ಲೆಪ್ಪು ಕೊರ್ಲೆ ಪಂದ್ ಜಿಲ್ಲಾ ಜೋಕ್ಲೆನ ರಕ್ಷಣಾ ಘಟಕದ ಜಿಲ್ಲಾ ಜೋಕ್ಲೆನ ರಕ್ಷಣಾಧಿಕಾರಿ ಪ್ರಕಟಣೆಡ್ ತೆರಿಪಾದೆರ್ .