ಕುಡ್ಲ: ಪೇಂಟೆದ ಪಡೀಲ್ ದರ್ಬಾರ್ ಹಿಲ್ ಡ್ ಇಪ್ಪುನ ಕುಡ್ಲ ಜಂಕ್ಷನ್ ರೈಲ್ವೆ ನಿಲ್ದಾಣಡ್ ಕರೆಂಟ್ ಇಜ್ಜಂದೆ ಜನರೇಟರ್ ಲ ಇಜ್ಜಂದೆ ಮಸ್ತ್ ಪೊರ್ತು ಪ್ರಯಾಣಿಕೆರ್ ಮೊಬೈಲ್ ದ ಟಾರ್ಚ್ ಪತೊಂದ್ ರೈಲ್ ಗ್ ಬರ್ತಿನ ಪ್ರಸಂಗ ಅಂಗಾರದಾನೆ ಕತ್ತಲೆಗ್ ನಡತ್ಂಡ್.
ಪಡೀಲ್ ದರ್ಬಾರ್ ಹಿಲ್ ಡ್ ಇಪ್ಪುನ ಕುಡ್ಲ ಜಂಕ್ಷನ್ ರೈಲ್ವೆ ನಿಲ್ದಾಣ ಉಂದಾದಿತ್ತ್ ದ್, ಮುಲ್ಪ ಉತ್ತರ ಬೊಕ್ಕ ದಕ್ಷಿಣದ ರೈಲ್ ಲು ಈ ನಿಲ್ದಾಣದ ಮುಖೇನ ಕುಡ್ಲಗ್ ಬರ್ಪುಂಡ್.
ಕೊಡೆ ಕತ್ತಲೆಗ್ ಉತ್ತರ ಭಾರತದ ಅಂಚನೆ ಕೇರಳಗ್ ಪೋಯರೇ ರೈಲ್ ನ್ ಬರ್ತರೇ ಸಾರರ್ದ್ ಲ ಮಸ್ತ್ ಜನಕುಲು ಇತ್ತೆರ್. ಆಂಡ ಕೊಡೆ ಕತ್ತಲೆಗ್ 7 ಗಂಟೆಗ್ ಸರಿಯಾದ್ ರೈಲ್ ನಿಲ್ದಾಣಡ್ ಕರೆಂಟ್ ಪೋದಿತ್ತ್ಂಡ್. ಜನರೇಟರ್ ಲ ಸರಿ ಇಜ್ಜಂದೇ ಇತ್ತಿನೆಡ್ದಾವರ ಇಡೀ ರೈಲ್ ನಿಲ್ದಾಣನೇ ಕತ್ತಲೆಡ್ ಇತ್ತ್ಂಡ್. ಈ ಅವ್ಯವಸ್ಥೆದ ಬಗ್ಗೆ ಜವಾಬ್ದಾರಿ ದೆತೊನೊಡಿತ್ತಿನ ಪ್ರಯಾಣಿಕೆರ್ ಕಣ್ಣ್ ಗ್ ತಿಕ್ಕಂದೇ ತಪ್ಪಾದ್ ಪೋದಿತ್ತೆರ್.
Editorial