ಕುಡ್ಲ : ಕೇರಳ ಸರ್ಕಾರ ಕಡಪಾಯಿನ ನಾರಾಯಣ ಗುರುಕ್ಲೆನ ಸ್ತಬ್ದ ಚಿತ್ರ ಪ್ರಸ್ತಾವನೆ ತಿರಸ್ಕಾರ ಮಲ್ತಿನ ನೆಲೆಟ್ಟ್ ಗಣರಾಜ್ಯೋತ್ಸವ ದಿನವಾಯಿನ ಇನಿ ಪೇಂಟೆದ ಗರೋಡಿ ಕ್ಷೇತ್ರೋರ್ದು ‘ಸ್ವಾಭಿಮಾನ ನಡೆ ‘ ಸುರು ಆಂಡ್ . ಬಿರುವೆರೆ ನೇತಾರೆ ಬೊಕ್ಕ ಕೇಂದ್ರದ ಮಾಜಿ ಸಚಿವೇರಾಯಿನ ಬಿ. ಜನಾರ್ದನ ಪೂಜಾರಿ ತಾರಾಯಿ ಆಕುನ ಮುಖೇನ ಜಾಥಾಗ್ ಚಾಲನೆ ಕೊರಿಯೆರ್ .
ಈ ಪೊರ್ತುಡು ಮಾತಾ ಪಕ್ಷ, ಸಂಘಟನೆ, ಜಾತಿ, ಧರ್ಮದ ನಾಯಕೆರ್ ಕಾರ್ಯಂತೆರ್ ಪಾಲ್ ಪಡೆದಿತ್ತೆರ್ . ವಿಹೆಚ್ಪಿ ಪೆರಿಯ ನಾಯಕ ಎಂ.ಬಿ ಪುರಾಣಿಕ್, ಶರಣ್ ಪಂಪ್ವೆಲ್, ಹಾಲಿ ಶಾಸಕ ಯು.ಟಿ ಖಾದರ್, ಮಾಜಿ ಶಾಸಕಿ ಶಕುಂತಳಾ ಶೆಟ್ಟಿ, ವಸಂತ್ ಬಂಗೇರಾ, ಎಂಎಲ್ಸಿ ಹರೀಶ್ ಕುಮಾರ್, ಕುದ್ರೋಳಿ ಕ್ಷೇತ್ರದ ಕೋಶಾಧಿಕಾರಿ ಆರ್.ಪದ್ಮರಾಜ್ ಪಾಲ್ ಪಡೆದಿತ್ತೆರ್ . ಈ ಜಾಥ ಲೇಡಿಹಿಲ್ ವೃತ್ತರ್ದ್ ಬತ್ದ್ ಅಲ್ಪರ್ದ್ ಕುದ್ರೋಳಿ ಕ್ಷೇತ್ರೊಗು ನಡತೊಂದು ಬರಿಯರೆ ಉಲ್ಲೆರ್.
pallavi shetty 
Editorial