ಒಡಿಪು : ಒಡಿಪು ತುಳುಕೂಟದ ವತಿರ್ದ್ 20ನೇ ವರ್ಷದ ಕೆಮ್ತೂರು ದೊಡ್ಡಣ್ಣ ಶೆಟ್ರೆನ ನೆಂಪುದ ತುಳು ನಾಟಕ ಪರ್ಬ ಜ.24ರ್ದ್ ಫೆ.2 ಮುಟ್ಟ ಎಂಜಿಎಂ ಕಾಲೇಜಿದ ಮುದ್ದಣ ಚಾವಡಿಡ್ ನಡಪರೆ ಉಂಡು .
ಈ ಬಗ್ಗೆ ಕೂಟದ ಗುರ್ಕಾರ್ಲಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಮೇರ್ ಸುದ್ದಿಗೋಷ್ಠಿಡ್ ಮಾಹಿತಿ ಕೊರಿಯೆರ್.
ಜ.24ದಾನಿ ಬೈಯಗ್ 5 ಗಂಟೆಗ್ 7 ದಿನ ನಡಪುನ ನಾಟಕ ಪರ್ಬೊನ್ ರಾಜ್ಯ ಇಂಧನ ಬೊಕ್ಕ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಚಿವೆರಾಯಿನ ವಿ.ಸುನಿಲ್ ಕುಮಾರ್ ಉದಿಪನ ಮಲ್ಪರೆಗುಲ್ಲೆರ್. ಮೂಡಬಿದ್ರೆ ಶ್ರೀಜೈನಮಠದ ಡಾ.ಸ್ವಸ್ತಿಶ್ರೀ ಚಾರುಕೀರ್ತಿ ಭಟ್ಟಾರಕ ಪಂಡಿತಾಚಾರ್ಯ ಮಹಾಸ್ವಾಮೀಜಿ ಆಶೀರ್ವಚನ ಮಲ್ಪರೆ ಉಲ್ಲೆರ್.ಮಲ್ಲ ಬಿನ್ನೆರಾದ್ ಒಡಿಪು ಶಾಸಕೆರಾಯಿನ ಕೆ.ರಘುಪತಿ ಭಟ್, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಹಾಯಕ ನಿರ್ದೇಶಕೆರಾಯಿನ ಕುಮಾರ ಬೆಕ್ಕೇರಿ ಪಾಲ್ ಪಡೆಯರೇ ಉಲ್ಲೆರ್ ಪಂದ್ ಪ್ರಕಟಣೆಡ್ ತೆರಿಪಾದೆರ್.
pallavi shetty