ಕಾರ್ಲ : ಮುನ್ನೂತ್ತ ಐವ ವರ್ಷ ಪಿರಾಕ್ ದ ಕಾರ್ಲ ತಾಲೂಕುದ ಹಿರಿಯಂಗಡಿ ಶ್ರೀ ದುರ್ಗ ಪರಮೇಶ್ವರಿ ದೇವಸ್ಥಾನ 32 ವರ್ಷೊರ್ದು ಬೊಕ್ಕ ಜೀರ್ಣೋದ್ಧಾರ ಆದ್ ಜ.20 ತಾರೀಕ್ ರ್ದ್ ಜ.25 ಮುಟ್ಟ ಬ್ರಹ್ಮಕಲಶ ಉಚ್ಚಯೊಗು ತಯಾರಾತ್ಂಡ್.
ಶಾಶ್ವತ ಗೋಪುರ, ಸುತ್ತುಪೌಳಿ, ಗಣಪತಿ ದೇವೆರ್ನ ಗರ್ಭಗುಡಿ, ಅಂಗಣದ ಹಾಸ್ ಕಲ್ಲ್,ಅನ್ನಛತ್ರ, ಗರ್ಭಗುಡಿತ್ತ ಬಾಕಿಲ್ ಗ್ ಬೊಳ್ಳಿದ ಪೊದಿಕೆ ಇಂಚ ಮಾತಾ ಸೇರ್ದ್ 1 ಕೋಟಿ ಕರ್ಚಿಡ್ ದೇವಸ್ಥಾನ ಜೀರ್ಣೋದ್ಧಾರ ಆತ್ಂಡ್.ಎಡಪದವು ಶ್ರೀ ಸುಬ್ರಹ್ಮಣ್ಯ ತಂತ್ರಿಲೆನ ಮುತಾಲಿಕೆಡ್ ಬ್ರಹ್ಮಕಲಶ ಉಚ್ಚಯ ನಡಪರೆ ಉಂಡು.
ಜ.24 ಸೋಮಾರ ಕಾಂಡೆ ಶ್ರೀ ದುರ್ಗಾಪರಮೇಶ್ವರಿ ಬೊಕ್ಕ ಶ್ರೀ ಮಹಾಗಣಪತಿ ದೇವೆರ್ನ ಸನ್ನಿಧಿಡ್ ಅಷ್ಟ ಬಂಧ ಬ್ರಹ್ಮಕಲಶ ನಡಪರೆ ಉಂಡು.ಪ್ರತಿದಿನ ಬಯ್ಯಡ್ ಸಾಂಸ್ಕ್ರತಿಕ ಕಾರ್ಯಕ್ರಮ, ಧಾರ್ಮಿಕ ಸಭಾ ಕಾರ್ಯಕ್ರಮ ನಡಪರೆ ಉಂಡು ಪಂದ್ ದೇವಸ್ಥಾನದ ಆಡಳ್ತೆ ಮೊಕ್ತೇಸರೆರ್ ಗಿರೀಶ್ ರಾವ್, ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಪ್ರಕಾಶ್ ರಾವ್ ಜಾಧವ್, ಬ್ರಹ್ಮಕಲಶೋತ್ಸವ ಸಮಿತಿದ ಅಧ್ಯಕ್ಷೆರ್ ಶುಭದ ರಾವ್ ತೆರಿಪಾದೆರ್.
Editorial