ಬ್ರಹ್ಮಕಲಶ

ಬಾಚಕೆರೆ ದುರ್ಗಾಪರಮೇಶ್ವರೀ ದೇವಲ್ಯ :ಬ್ರಹ್ಮಕಲಶ ಬೊಕ್ಕ ವರ್ಷಾದಿದ ಉಚ್ಚಯ

ಬಂಟ್ವಾಳ : ಪರಮಪೂಜ್ಯ ಡಾ| ಡಿ. ವೀರೇಂದ್ರ ಹೆಗ್ಡೆರ್ನ , ಧರ್ಮಾಧಿಕಾರಿಲೆನ ಶುಭಾಶೀರ್ವಾದಡ್,ಪರಮಪೂಜ್ಯ ಯೋಗೀಕೌಸ್ತುಭ, ಕರ್ಮಯೋಗಿ, ಸತ್ಕರ್ಮ ತಪಸ್ವಿ ಶ್ರೀ ಶ್ರೀ ಮೋಹನದಾಸ ಪರಮಹಂಸ ಸ್ವಾಮೀಜಿ, ಶ್ರೀಧಾಮ ಮಾಣಿಲ ಮೆರೆನ ಮಾರ್ಗದರ್ಶನ, ಮಾ.27 ಕ್ಕ್ ಕಾಂಡೆ 11-24 ನೇ ಮಿಥುನ ಲಗ್ನ ಸುಮುಹೂರ್ತಡ್ ಬಾಚಕೆರೆ ಶ್ರೀ ದುರ್ಗಾಪರಮೇಶ್ವರಿ ಅಮ್ಮನ ಪುನರ್‌ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಬೊಕ್ಕ, ಜಾತ್ರೋತ್ಸವ ನಡಪರೆ ಉಂಡು.

ಈ ನೆಲೆಟ್ಟ್ ಮಾ.20 ತಾರಿಕ್ ಗ್ ದೇವಲ್ಯೊಗೂ ಬೇತೆ ಬೇತೆ ಕಡೆರ್ದ್ ಪುದೆ ಕಾಣಿಕೆ ಮೆರವಣಿಗೆ ಬರಿಯೆರೆ ಉಂಡು.ಶ್ರೀ ಕ್ಷೇತ್ರ ಬಾಕರೆಗ್ ಐತಿಹಾಸಿಕ ಪುದೆಕಾಣಿಕೆ ಮೆರವಣಿಗೆ 21-03-2012ನೇ ಐತಾರ ನಡಪರೆ ಉಂಡು .
ಕಾಂಡೆ 10 ಗಂಟೆಗ್ ವೈಭವದ ಪುದೆಕಾಣಿಕೆ , ಬಾಚಕೆರೆ ಶ್ರೀ ದುರ್ಗಾಪರಮೇಶ್ವರೀ ಅಮ್ಮನ ಪ್ರಧಾನ ಕಲಶ ಮುಗುಳಿ , ಪಾಣಿಪೀಠ ದ ಬೊಳ್ಳಿದ ಮುಚ್ಚಳ, ಉತ್ಸವಮೂರ್ತಿ ಬೊಕ್ಕ ಪಲ್ಲೆoಕಿ ದ ಮೆರವಣಿಗೆ ಕಟೀಲು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯೋರ್ದು ಪಿದಾಡ್ದ್ ಕೈಕಂಬ, ಪೊಳಲಿ ಮಾರ್ಗವಾದ್ ಬಿ. ರೋಡ್ ಶ್ರೀ ರಕ್ತೇಶ್ವರಿ ದೇವಲ್ಯೊಡು ಸಂಪನ್ನ ಆದ್ ಅಲ್ಪರ್ದ್ ಮಧ್ಯಾಹ್ನ 1 ಗಂಟೆಗ್ ವಾದ್ಯಘೋಷದ ಒಟ್ಟುಗು ವೈಭವದ ಮೆರವಣಿಗೆ ಬಾಚಕೆರೆ ದೇವಲ್ಯೊಗೂ ಪೋಯೇರೆ ಉಂಡು.