ಚೆನ್ನೈಡ್ ಬರ್ಸಗ್ ತೀರ್ ಪೋತೆರ್ ನಾಲ್ ಜನ: ಆರೆಂಜ್ ಅಲರ್ಟ್

ಚೆನ್ನೈ,ನ.9: ತಮಿಳುನಾಡ್ ಡ್ ಭಾರೀ ಬರ್ಸೊಗು ನಾಲ್ ಜನಕುಲು ತೀರ್ ಪೋತೆರ್ ಪಂದ್ ಪಿಟಿಐ ವರದಿ ಮಲ್ದ್ಂಡ್.

ಬಂಗಾಳ ಕೊಲ್ಲಿ ಬೊಕ್ಕ ತೆನ್ಕಾಯಿ ಅಂಡಮಾನ್ ಕೈತಲ್ ಡ್ ಚಂಡಮಾರುತಡ್ದಾವರ ಜೋರು ಬರ್ಸ ಬರೊಂದುಂಡು ಪಂದ್ ಹವಾಮಾನ ಇಲಾಖೆ ತೆರಿಪಾದ್ಂಡ್. ಕಮ್ಮಿಡ್ಲ 60 ಇಲ್ಲ್ ಬರ್ಸಗ್ ಹಾಳಾದ್ ಪೋತ್ಂಡು. ಅಂಚನೆ 4 ಜನ ತೀರ್ ಪೋತೆರ್ ಪಂದ್ ಅಧಿಕಾರಿಲು ಪಂತೆರ್. ನೀಲಗಿರಿ, ಕೊಯಮತ್ತೂರು, ದಿಂಡಿಗಲ್, ಥೇಣಿ, ತೆಂಕಾಶಿ ಬೊಕ್ಕ ತಿರುನಲ್ವೇಲಿ ಸೇರಿನಂಚನೆ ಸುಮಾರ್ 14 ಜಿಲ್ಲೆಲೆಡ್ ಹವಾಮಾನ ಇಲಾಖೆ ಆರೆಂಜ್ ಅಲರ್ಟ್ ಘೋಷಿಸಾದ್ಂಡ್.