ಶ್ರೀ ಕ್ಷೇತ್ರ ಧರ್ಮಸ್ಥಳಡ್ ದೇವೆರ್ನ ದರ್ಶನದ ಸಮಯ ಬದಲಾತ್ಂಡ್

ಬೊಲ್ತೆರ್,ಅ.28: ಶ್ರೀ ಕ್ಷೇತ್ರ ಧರ್ಮಸ್ಥಳಡ್ ಶ್ರೀ ಮಂಜುನಾಥ ಸ್ವಾಮಿನ ದರ್ಶನ ಮಲ್ಪುನ ಪೊರ್ತು ಬದಲಾತ್ಂಡ್.

ತುಡರ್ ಪರ್ಬೊಡ್ದ್ ಬೊಕ್ಕ ನವೆಂಬರ್ 4 ಲೆಡ್ದ್ ರಂಗಪೂಜೆ, ಬೆಳ್ಳಿರಥೋತ್ಸವ, ಪಲ್ಲಕ್ಕಿ ಉಚ್ಚಯ ಇಂಚಿನ ವಿಶೇಷ ಪೂಜೆ, ಉತ್ಸವಾದಿಲು, ಸೇವೆಲ್ ಉಪ್ಪುನ ಕಾರಣ ದೇವರೆನ ದರ್ಶನದ ಸಮಯ ಬದಲಾತ್ಂಡ್.

ದರ್ಶನದ ಪೊರ್ತು:

ಕಾಂಡೆ 6 ಜೆಡ್ದ್ ಮಧ್ಯಾಹ್ನ 2.30,
ಬಯ್ಯಗ್ 5 ನೆಡ್ದ್ ಕತ್ತಲೆಗ್ 8.30 ಮುಟ್ಟ. ನುಪ್ಪು ಸೇವೆದ ಛತ್ರಡ್ ಕಾಂಡೆ 10.30 ಡ್ದ್ 3 ಗಂಟೆ ಮುಟ್ಟ ಅಂಚನೆ ಕತ್ತಲೆಗ್ 7 ಲೆಡ್ದ್ 9 ಗಂಟೆ ಮುಟ್ಟ ಭಕ್ತೆರೆಗ್ ವನಸುದ ವ್ಯವಸ್ಥೆ ಉಂಡ್.

ಧರ್ಮಾಧಿಕಾರಿ ಡಾ| ಡಿ. ವೀರೇಂದ್ರ ಹೆಗ್ಗಡೆರೆನ್ ಕಾಂಡೆ 9 ಗಂಟೆಡ್ದ್ 12 ಗಂಟೆ ಮುಟ್ಟ, ಬಯ್ಯಗ್ 4 ಲೆಡ್ದ್ 5 ಅಂಚನೆ ಕತ್ತಲೆಗ್ 7 ಲೆಡ್ದ್ 9 ಮುಟ್ಟ ಭೇಟಿ ಮನ್ಪೊಲಿ.