ಕುಡ್ಲ,ಅ.25: ಕರ್ನಾಟಕ ತುಳು ಸಾಹಿತ್ಯ ಅಕಾಡಮಿದ ಚಾವಡಿ ಪ್ರಶಸ್ತಿಗ್ ಬೇತೆ ಬೇತೆ ಕ್ಷೇತ್ರದ ಸಾಧಕರೆನ್ ಆಯ್ಕೆ ಮಲ್ತುದೆರ್. ಯಕ್ಷಗಾನ ಅಂಚನೆ ನಾಟಕ ರಂಗದ ಕಲಾವಿದೆರಾಯಿನ ಕೇಶವ ಕುಡ್ಲ ಈ ಸರ್ತಿ ತಿಂಗೋಲ್ ದ ಚಾವಡಿ ತಮ್ಮನ ಪ್ರಶಸ್ತಿಗ್ ಆಯ್ಕೆಯಾತೆರ್.
ತುಳು ಭಾಷೆದ ಪ್ರವೀಣೆರಾದ್, ವಾಗ್ಮಿಯಾದ್, ತುಳು ಸಾಹಿತ್ಯ ಕೃಷಿಟ್ ಉಪ್ಪುನ ಅಂಚನೆ ಡಾಕ್ಟರೇಟ್ ಪದವಿನ್ ಪಡೆಯಿನ ಅರುಣ್ ಉಳ್ಳಾಲ್ ಮೇರೆನ್ ಯುವ ಪ್ರಶಸ್ತಿಗ್ ಆಯ್ಕೆ ಮಲ್ತ್ ದೆರ್.
ಕಿನ್ಯ ಪ್ರಾಯಡೆ ತುಳು ಭಾಷೆಡ್ ನಿರೂಪಣೆ ಅಂಚನೆ ನೃತ್ಯ, ಯಕ್ಷಗಾನ ಕ್ಷೇತ್ರಡ್ ಸಾಧನೆ ಮಲ್ತಿನ ತೀರ್ಥ ಪೊಳಲಿ ಮೇರೆನ್ ಬಾಲ ಪ್ರಶಸ್ತಿಗ್ ಆಯ್ಕೆಯಾತೆರ್.
ಮಸ್ತ್ ವರ್ಷಡ್ದ್ ಪತ್ರಿಕಾ ರಂಗಡ್ ಇತ್ತ್ ದ್, ಪತ್ರಕರ್ತೆರಾದ್ ನಿರೂಪಕೆರಾದ್, ಸಾಂಸ್ಕೃತಿಕ ಕಜ್ಜಕೊಟ್ಯಾದ ಸಂಘಟಕೆರಾದ್, ರಾಣಿ ಅಬ್ಬಕ್ಕನ ಪುದರ್ ಡ್ ಗ್ರಾಮೀಣ ಭಾಗಡ್ ಟಿವಿ ಮಾಧ್ಯಮನ್ ಸ್ಥಾಪಿಸಾಯಿನ ಶಶಿಧರ ಪೊಯ್ಯತ್ತಬೈಲ್ ಮೇರೆನ್ ಮಾಧ್ಯಮ ಪ್ರಶಸ್ತಿಗ್ ಆಯ್ಕೆ ಮಲ್ತ್ ದೆರ್.
ಬೊಳ್ಳಿ ಪರ್ಬೊದ ಹೊಸ್ತಿಲ್ ಡ್ ಉಪ್ಪುನ ಕುಡ್ಲದ ಶಕ್ತಿನಗರಡ್ ಸ್ಥಾಪನೆ ಆಯಿನ ತುಳು ಕೂಟ (ರಿ) ಶಕ್ತಿನಗರ ಈ ಸಂಸ್ಥೆದ ನಿಸ್ವಾರ್ಥ ಸೇವೆನ್ ಗುರ್ತಿಸಾದ್ ಸಂಘಟನಾ ಪ್ರಶಸ್ತಿಗ್ ಆಯ್ಕೆ ಮಲ್ತ್ ದೆರ್ ಪಂದ್ ಅಕಾಡೆಮಿದ ಅಧ್ಯಕ್ಷೆರ್ ದಯಾನಂದ ಜಿ.ಕತ್ತಲ್ ಸಾರ್ ಪ್ರಕಟನೆಡ್ ತೆರಿಪಾದೆರ್.
pallavi shetty