ಕುಡ್ಲ, ಅ.23 : ಸಾಹಿತ್ಯ ಕೃಷಿಡ್ದ್ ತುಳುನಾಡುಡ್ ದ ಸಂಸ್ಕೃತಿ-ಸಂಸ್ಕಾರ ಒರಿದ್ಂಡ್, ಪೊಸ ಬುಲೆಚ್ಚಿಲ್ ಗ್ ಸರಿಯಾಯಿನ ಮಿತ್ತರ್ಮೆ ಕೊರ್ಪಿನ ಬೇಲೆ ನಮರ್ದ್ ಅವೊಡು. ತುಳು ಸಾಹಿತ್ಯ ಅಕಾಡೆಮಿ ಇಂಚಿನ ಕಜ್ಜಕೊಟ್ಯಗ್ ವಿಶೇಷವಾಯಿನ ಮಾನ್ಯತೆನ್ ಕೊರೊಂದುಂಡು ಪಂದ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲು ದಯಾನಂದ ಜಿ. ಕತ್ತಲ್ ಸಾರ್ ಪಂಡೆರ್.
ಕರ್ನಾಟಕ ತುಳು ಸಾಹಿತ್ಯ ಅಕಾಡಮಿ, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ, ಕಥಾ ಬಿಂದು ಪ್ರಕಾಶನ ಕುಡ್ಲ, ಕಲ್ಕೂರ ಪ್ರತಿಷ್ಠಾನ ಮೊಕ್ಲೆನ ಮುತಾಲಿಕೆಡ್ ಅಕಾಡೆಮಿದ ಸಿರಿ ಚಾವಡಿಡ್ ನಡತಿನ ಕನ್ನಡ-ತುಳು ಸಾಹಿತ್ಯ ಉಚ್ಚಯನ್ ಉದಿಪನ ಮಲ್ತ್ ದ್ ಪಾತೆರಿಯೆರ್.
ಕರ್ನಾಟಕ ಅಲೆಮಾರಿ ಬೊಕ್ಕ ಅರೆಅಲೆಮಾರಿ ಅಭಿವೃದ್ಧಿ ನಿಗಮದ ಅಧ್ಯಕ್ಷೆರ್ ಕೆ.ರವೀಂದ್ರ ಶೆಟ್ಟಿ ಉಳಿದೊಟ್ಟು, ಒಡಿಪು ಜಿಲ್ಲಾ ಪತ್ರಕರ್ತೆರ್ ವೇದಿಕೆದ ಅಧ್ಯಕ್ಷೆರ್ ಡಾ.ಶೇಖರ ಅಜೆಕಾರು ಅಂಚನೆ ಮಲ್ಲ ಮಲ್ಲ ಬಿನ್ನೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.
pallavi shetty