ಸೆ.24: ಬೇತೆ ಬೇತೆ ಕ್ಷೇತ್ರಡ್ ಸಾಧನೆ ಮಲ್ತಿನ ಸಾಧಕೆರೆಗ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮುತಾಲಿಕೆಡ್ 2021ನೇ ಸಾಲ್ದ ಗೌರವ ಪ್ರಶಸ್ತಿ ಪ್ರದಾನ ಅಂಚನೆ ಬೂಕು ಇನಾಮುದ ಲೇಸ್, ವಿಶೇಷ ಸಾಧಕೆರೆಗ್ ರಾಜ್ಯ ಪುರಸ್ಕಾರ ಕೊರ್ಪಿನ ಲೇಸ್ ಸೆಪ್ಟೆಂಬರ್ 24 ತಾರೀಕ್ ಸನಿವಾರದಾನಿ ಲುಡ್ಲದ ಕುದ್ಮಲ್ ರಂಗರಾವ್ ಪುರಭವನಡ್ ನಡಪರೆ ಉಂಡು.
ಮೀನುಗಾರಿಕೆ ಬೊಕ್ಕ ಬಂದರು ಬೊಕ್ಕ ಒಳನಾಡು ಜಲ ಸಾರಿಗೆ ಸಚಿವೆರ್ ಆಯಿನ ಎಸ್. ಅಂಗಾರ ಲೇಸ್ನ್ ಉದಿಪನ ಮಲ್ಪರೆ ಉಲ್ಲೆರ್. ಅಂಚನೆ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲು ಆಯಿನ ದಯಾನಂದ ಜಿ. ಕತ್ತಲ್ಸಾರ್ ಲೇಸ್ದ ಗುರ್ಕಾರ್ಮೆ ವಹಿಸೊನ್ಯರೆ ಉಲ್ಲೆರ್. ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾಪನಂ ದ ಪರಮಪೂಜ್ಯ ಶ್ರೀ ಶ್ರೀ ಗುರುದೇವಾನಂದ ಸ್ವಾಮಿಜಿಲು ಆಶೀವರ್ಚನ ಮಲ್ಪರೆ ಉಲ್ಲೆರ್. ಕುಡ್ಲ ಮಹಾನಗರ ಪಾಲಿಕೆದ ಮೇಯರ್ ಜಯಾನಂದ ಅಂಚನ್ ಫ್ರೌಡಶಾಲಾ ತುಳು ಭಾಷಾ ಶಿಕ್ಷಕರೆಗ್ ಮಾನಾದಿಗೆ ಮಲ್ಪರೆ ಉಲ್ಲೆರ್. ಪುತ್ತೂರ್ ವಿವೇಕಾನಂದ ವಿದ್ಯಾವರ್ಧಕ ಸಂಘದ ಗುರ್ಕಾರ್ಲು ಪ್ರಭಾಕರ ಭಟ್ ಕಲ್ಲಡ್ಕ ಮೇರ್ ಎಸ್ಎಸ್ಎಲ್ಸಿ ತುಳು ಭಾಷಾ ಕಲ್ಪಾರ್ಥಿಲೆಗ್ ಮಾನಾದಿಗೆ ಮಲ್ಪರೆ ಉಲ್ಲೆರ್.
ಮಲ್ಲ ಬಿನ್ನೆರಾದ್ ಮೀನುಗಾರಿಕಾ ಫೆಡರೇಶನ್ ನಿ.ಗುರ್ಕಾರ್ಲು ಯಶ್ಪಾಲ್ ಸುವರ್ಣ, ದ.ಕ.ಜಿಲ್ಲಾ ಹಾಲು ಉತ್ಪಾದಕರ ಸಹಕಾರಿ ಸಂಘ ನಿ. ಗುರ್ಕಾರ್ಲು ಕೆ.ಪಿ. ಸುಚರಿತ ಶೆಟ್ಟಿ, ಕುಡ್ಲ ಮಹಾನಗರ ಪಾಲಿಕೆದ ನಿಕಟಪೂರ್ವ ಮೇಯರ್ ಪ್ರೇಮಾನಂದ ಶೆಟ್ಟಿ, ಪ್ರಾಂತ ಸಹ ಸೇವಾ ಪ್ರಮುಖ್ ನಾ. ಸೀತಾರಾಮ್ ಜಿ. ಲೇಸ್ಡ್ ಪಾಲ್ ಪಡೆಯರೆ ಉಲ್ಲೆರ್.
ಬಯ್ಯ 4 ಗಂಟೆರ್ದ್ 6 ಗಂಟೆ ಮುಟ್ಟ ಪ್ರಶಸ್ತಿ ಪಟ್ಟುನ ಲೇಸ್ ನಡಪರೆ ಉಂಡು. ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಅಂಚನೆ ಇಂಧನ ಸಚಿವೆರ್ ವಿ. ಸುನೀಲ್ ಕುಮಾರ್ ಪ್ರಶಸ್ತಿನ್ ಕೊರಿಯರೆ ಉಲ್ಲೆರ್. ಕುಡ್ಲ ದಕ್ಷಿಣ ವಿಧಾನಸಭಾ ಕ್ಷೇತ್ರದ ಶಾಸಕೆರ್ ವೇದವ್ಯಾಸ್ ಕಾಮತ್ ಲೇಸ್ದ ಗುರ್ಕಾಮೆ ವಹಿಸೊನರೆ ಉಲ್ಲೆರ್. ರಾಜ್ಯ ಸಭಾ ಸದಸ್ಯೆರ್ ಆಯಿನ ಡಾ| ಡಿ. ವೀರೇಂದ್ರ ಹೆಗ್ಗಡೆರ್ ಧರ್ಮಸ್ಥಳ “ಮದಪೆರೆ ಆವಂದಿ ತುಳುವೆರ್” ಬೂಕು ಬುಡುಗಡೆ ಮಲ್ಪರೆ ಉಲ್ಲೆರ್. ಸಂಸದೆರ್ ನಳಿನ್ ಕುಮಾರ್ ಕಟೀಲ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ “ಮದಿಪು” ಬುಡುಗಡೆ ಮಲ್ಪರೆ ಉಲ್ಲೆರ್. ಕೇಂದ್ರ ಸರಕಾರದ ಕೃಷಿ ಬೊಕ್ಕ ರೈತರ ಕಲ್ಯಾಣ ಕೇಂದ್ರ ಮಂತ್ರಿ ಆಯಿನ ಶೋಭಾ ಕರಂದ್ಲಾಜೆ ಬೇತೆ ಬೇತೆ ಕ್ಷೇತ್ರದ ಸಾಧಕೆರೆಗ್ ಮಾನಾದಿಗೆ ಮಲ್ಪರೆ ಉಲ್ಲೆರ್. ಅಂಚನೆ ಆಳ್ವಾಸ್ ಶಿಕ್ಷಣ ಸಂಸ್ಥೆದ ಮುಖ್ಯಸ್ಥೆರ್ ಡಾ| ಮೋಹನ್ ಆಳ್ವ ಮಾನಾದಿಗೆದ ಮದಿಪುನ್ ಪನಿಯರೆ ಉಲ್ಲೆರ್. ಕರಾವಳಿ ಅಭಿವೃದ್ಧಿ ಪ್ರಾಧಿಕಾರ ಕುಡ್ಲದ ಗುರ್ಕಾರ್ಲು ಮಟ್ಟಾರು ರತ್ನಾಕರ ಹೆಗ್ಡೆ ಮೇರ್ ತುಳುಭಾಷಾ ಎಂ.ಎ ಶಿಕ್ಷಕೆರ್ ಬೊಕ್ಕ ಕಲ್ಪಾರ್ಥಿಲೆಗ್ ಮಾನಾದಿಗೆ ಮಲ್ಪುವೆರ್. ಅಂಚನೆ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲು ಆಯಿನ ದಯಾನಂದ ಜಿ. ಕತ್ತಲ್ಸಾರ್ ಚಾವಡಿದ ಮದಿಪುನ್ ಪನಿಯರೆ ಉಲ್ಲೆರ್.
ಗೌರವ ಪ್ರಶಸ್ತಿಗ್ ಬೇತೆ ಬೇತೆ ಕ್ಷೇತ್ರಡ್ ಸೇವೆ ಮಲ್ತಿನ 3 ಪೆರಿಯ ಸಾಧಕೆರ್ ಆಯ್ಕೆಯಾತೆರ್. ಅಂಚನೆ ವಿಶೇಷ ಬಾಲ ಪ್ರತಿಭಾ ಪುರಸ್ಕಾರ, ಯುವ ಸಾಧಕ, ಮಾಧ್ಯಮ ಪುರಸ್ಕಾರ, ಸಂಘಟನಾ ಪುರಸ್ಕಾರಗ್ ರಾಜ್ಯ ಅತ್ತಂದೆ ಪಿದಯಿ ರಾಷ್ಟ್ರ ಮಟ್ಟಡ್ ವಿಶೇಷವಾದ್ ಗುರ್ತಿಸಾದ್ ಸಾಧಕೆರೆನ್ ಆಯ್ಕೆ ಮಲ್ತ್ ದ.
ತುಳು ಜಾನಪದ ಕ್ಷೇತ್ರಡ್ ಸಾಧನೆ ಮಲ್ತಿನ ಸಂಜೀವ ಬಂಗೇರ ತಲಪಾಡಿ, ತುಳು ನಾಟಕ/ಪಿಚ್ಚರ್ ವಿಭಾಗಡ್ ಸಾಧನೆ ಮಲ್ತಿನ ಕೃಷ್ಣಪ್ಪ ಉಪ್ಪೂರು, ತುಳು ಸಾಹಿತ್ಯ ವಿಭಾಗಡ್ ಉಲ್ಲಾಸ್ ಕೃಷ್ಣ ಪೈ ಪುತ್ತೂರ್ ಮುಕ್ಲೆಗ್ ಪ್ರಶಸ್ತಿ ತಿಕ್ಕರೆ ಉಂಡು. ಈ ಪ್ರಶಸ್ತಿ 50,000 ರೂ. ಪಣವು, ಪ್ರಶಸ್ತಿ ಪತ್ರ ಅoಚನೆ ಸ್ಮರಣಿಕೆ ತಿಕ್ಕರೆ ಉಂಡು.
ಈ ಪೊರ್ತುಡು 2021ನೇ ಸಾಲ್ ದ ಬೂಕುದ ಇನಾಮು ಯೋಜನೆದ ಪ್ರಶಸ್ತಿಗಾದ್ 3 ಬೇತೆ ಬೇತೆ ವಿಭಾಗದ ಒಂಜಿ ಬೂಕ್ ನ್ ತೀರ್ಪುಗಾರೆರ್ನ ಮುಖೇನ ಆಯ್ಕೆ ಮಲ್ತ್ ದೆರ್. ಕವನ ಸಂಕಲನ ವಿಭಾಗಡ್ ಯೋಗೀಶ್ ಕಾಂಚನ್, ಬೈಕಂಪಾಡಿ ಮೇರ್ನ “ತಂಇನ ಬೊಳ್ಳಿ” ಬೂಕ್ ಗ್, ನಾಟಕ ವಿಭಾಗಡ್ ಅಕ್ಷತಾರಾಜ್ ಪೆರ್ಲ ಮೇರ್ನ “ಬೇಲಿ, ಸಾಪೊದ ಕಣ್ಣ್” ಬೂಕ್ ಗ್ ಅಂಚನೆ ಅಧ್ಯಯನ ವಿಭಾಗಡ್ ಡಾ| ಆಶೋಕ್ ಆಳ್ವ ಸುರತ್ಕಲ್ ಮೇರ್ನ “ಳುನಾಡ್ ದ ಪ್ರಾಣಿ ಜಾನಪದ”ಈ ಬೂಕ್ ಲೆಗ್ ತಿಕ್ಕರೆ ಉಂಡು. ಈ ಇನಾಮು 25,000 ಕಾಸ್, ಪ್ರಶಸ್ತಿ ಪತ್ರ ಅಂಚನೆ ಸ್ಮರಣಿಕೆದೊಟ್ಟುಗ್ ತಿಕ್ಕರೆ ಉಂಡು.
2021ನೇ ವಿಶೇಷ ಪುರಸ್ಕಾರ ಆಯಿನ; ಬಾಲ ಪ್ರತಿಭಾ ಪುರಸ್ಕಾರ ನಿರೀಕ್ಷಾ ಕೋಟ್ಯಾನ್ ಕೋಡಿಕೆರೆ, ಜೀವಿಕಾ ಶೆಟ್ಟಿ ಬೊಂಬಾಯಿ, ಸಾನ್ವಿ ಅಂಚನೆ ಯುವ ಸಾಧಕ ಪುರಸ್ಕಾರ ಹರಿಪ್ರಸಾದ್ ನಂದಳಿಕೆ, ಚಿನ್ಮಯಿ ಮೋಹನ್ ಸಾಲಿಯಾನ್ ಬೊಂಬಾಯಿ, ರಮಾನಂದ ಶೆಟ್ಟಿ, ಮಾಧ್ಯಮ ಪುರಸ್ಕಾರ ಟೈಮ್ಸ್ ಆಫ್ ಕುಡ್ಲ ತುಳು ಪತ್ರಿಕೆದ ಶಶಿ ಬಂಡಿಮಾರ್, ರೋನ್ಸ್ ಬಂಟ್ವಾಳ್ ಬೊಂಬಾಯಿ, ಜೈ ತುಳುನಾಡು(ರಿ.), ತುಳು ಕೂಟ ಫೌಂಡೇಶನ್ ನಾಲ ಸೋಪಾರ(ರಿ.) ಬೊಂಬಾಯಿ, ತುಳು ಕೂಟ ಕತಾರ್ ಈ ಸಂಘಟನೆಗ್ ಸಂಘಟನಾ ಪುರಸ್ಕಾರ ತಿಕ್ಕರೆ ಉಂಡು. 10,000 ಕಾಸ್, ಪ್ರಶಸ್ತಿ ಪತ್ರ ಅಂಚನೆ ಸ್ಮರಣಿಕೆದೊಟ್ಟುಗ್ ಈ ವಿಶೇಷ ಪುರಸ್ಕಾರ ತಿಕ್ಕರೆ ಉಂಡು. ಈ ಲೇಸ್ಡ್ ಬೇತೆ ಬೇತೆ ರೀತಿದ ಸಾಂಸ್ಕೃತಿಕ ಕಾರ್ಯಕ್ರಮಲ ನಡಪರೆ ಉಂಡು.
