ಒಡಿಪು, ಅ.19: ರಾಜ್ಯದ ಮಾತ ವಿಶ್ವವಿದ್ಯಾನಿಲಯದ ಬಿಎಡ್ ಮೂಜನೇ ಸೆಮಿಸ್ಟರ್ ಮೌಲ್ಯಾಧಾರಿತ ಶಿಕ್ಷಣದ ಪುದರ್ ಡ್ ಪಠ್ಯಪುಸ್ತಕಡ್ ಇಸ್ಲಾಂ ಧರ್ಮ ಬೊಕ್ಕ ಮುಸ್ಲಿಂಮೆರ, ಪ್ರವಾದಿ ಮುಹಮ್ಮದ್ (ಸ) ಮೇರ್ ನ ಬಗೆಟ್ ಪೂರ್ವಗ್ರಹಪೀಡಿತ, ಅವಹೇಳನಾಕಾರಿ ಅಂಶಲ್ ಇತ್ತ್ ದ್, ಲೇಖಕೆರಾಯಿನ ಬಿಆರ್ ರಾಮಚಂದ್ರಯ್ಯ ಮೇರ್ ನ ವಿರುಧ್ದ ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾ ಒಡಿಪು ಜಿಲ್ಲಾ ಸಮಿತಿದ ಒಡಿಪು ಜಿಲ್ಲಾ ವರಿಷ್ಠಾಧಿಕಾರಿಲೆಗ್ ದೂರ್ ನ್ ಕೊರ್ತೆರ್.
ಈ ಪಠ್ಯ ಪುಸ್ತಕನ್ ರಾಜ್ಯದ ಮಾತ ವಿಶ್ವವಿದ್ಯಾನಿಲಯದ ಬಿ.ಎಡ್ ಮೂಜನೇ ಸೆಮಿಸ್ಟರ್ ದ ಪಠ್ಯವಾದ್ ಆಯ್ಕೆ ಮಲ್ತಿನೆನ್ ಪಿರ ದೆತೊನೊಡ್. ಅಂಚನೆ ಲೇಖಕೆರ್ ಆಯಿನ ಬಿ ಆರ್ ರಾಮಚಂದ್ರಯ್ಯ ಬೊಕ್ಕ ಪುಸ್ತಕ ಪ್ರಕಟಿಸಾಯಿನ ವಿಸ್ಮಯ ಪ್ರಕಾಶನ ಪಬಲಿಕೇಶನ್ ಮುಕ್ಲೆನ ವಿರುದ್ಧ ಕಾನೂನು ಕ್ರಮ ದೆತೊನೊಡ್ ಪಂದ್ ಆಗ್ರಹಿಸಾಯೆರ್.
ಈ ಪೊರ್ತುಡ್ ಕ್ಯಾಂಪಸ್ ಫ್ರಂಟ್ ಒಡಿಪು ಜಿಲ್ಲಾ ಸಮಿತಿದ ಸದಸ್ಯೆರ್ ಆಯಿನ ಅರ್ಫಾಝ್ ಆದಿ ಒಡಿಪು, ಕಾರ್ಯಕರ್ತೆರಾಯಿನ ತಾಬಿಷ್ ಉದ್ಯಾವರ ಅಂಚನೆ ಅಬ್ಸರ್ ಪಾಲ್ ಪಡೆದಿತ್ತೆರ್.
Editorial