ಎಡ್ಡೆ ರೀತಿದ ಶಿಕ್ಷಣಡ್ದ್ ಜೋಕುಲ್ನ ಬದಲಾವಣೆ ಆಯೆರ ಸಾಧ್ಯ ಆಂಡ್. ಶಿಕ್ಷಣ ವ್ಯವಸ್ಥೆಗ್ ಬೆರಿಬಲ ಕೊರ್ಪಿನ ಸಮಾಜ ಸೇವಕೆರ್, ಸಂಘ ಸಂಸ್ಥೆಲ್ ದುಂಬು ಬತ್ತ್ಂಡ ಎಡ್ಡೆ ರೀತಿದ ಬದಲಾವಣೆ ಆಯೆರ ಸಾಧ್ಯ ಪಂದ್ ಬಂಟ್ವಾಳ ವಿಧಾನಸಭಾ ಕ್ಷೇತ್ರದ ಶಾಸಕೆರ್ ರಾಜೇಶ್ ನಾಯಕ್ ಉಳಿಪಾಡಿ ಗುತ್ತು ಮೇರ್ ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯತ್ ಹಿರಿಯ ಪ್ರಾಥಮಿಕ ಶಾಲೆ ಮಜಿ ವೀರಕಂಬ ಮುಲ್ಪ ಸರ್ಕಾರದ ಅಧಿಕೃತ ಅನುಮತಿದೊಟ್ಟುಗ್ ಸುರು ಆಯಿನ ಆಂಗ್ಲ ಮಾಧ್ಯಮದ ಒಂದನೇ ತರಗತಿನ್ ಉದಿಪನ ಮಲ್ತುದ್ ಅಂಚನೆ ಶಾಲೆದ ಶತಮಾನ ಉಚ್ಚಯದ ಲೇಸ್ ಗ್ ಚಾಲನೆ ಕೊರ್ದು ಪಾತೆರ್ಯೆರ್.
ಈ ಪೊರ್ತುಡ್ ಶಾಸಕೆರ್ ಜೋಕುಲೆಗ್ ಬರವಬ್ಬೆಸೊ ಮಲ್ಪಾದ್, ಪುಸ್ತಕ ಪೆನ್ಸಿಲ್ ನ್ ಕೊರಿಯೆರ್. ವೀರಕಂಭ ಗ್ರಾಮ ಪಂಚಾಯತ್ ಉದ್ಯೋಗ ಖಾತರಿ ಯೋಜನೆದ ಸಹಾಯಡ್ ನಿಮಾ೯ಣವಾಯಿನ ಎರೆಹುಳ ಗೊಬ್ಬರ ಎಗ್ಗೆಗ್ ಇರೆನ್ ಪಾಡುನ ಮುಖೇನ ಉದಿಪನ ಮಲ್ತ್ ದ್ ಶಿಕ್ಷಣ ಎಡ್ಡೆ ರೀತಿಡ್ ನಡತ್ಂಡ ಮಾತ್ರ ಅವೆನ್ ಗಟ್ಟಿ ಮಲ್ಪರ ಸಾಧ್ಯ ಪಂದ್ ಪಂಡೆರ್.
ಆರೋಗ್ಯ ನಮ್ಮ ಬದುಕ್ ದ ಮುಖ್ಯ ಅಂಗವಾದ್ಂಡ್. ಆರೋಗ್ಯ ಇಲಾಖೆದ ಬೇಲೆಡ್ದ್ ಜನಕುಲ್ ಡ ಜಾಗೃತಿ ಮೂಡಿಸಾವುನ ನಿಲೇಟ್ ಕರೋನ ಪಗರುನೆನ್ ಕಮ್ಮಿ ಮಲ್ಪುರ ಸಾಧ್ಯ ಆಂಡ್ ಪಂದ್ ಪಂಡೆರ್. ಶ್ರೀಯುತ ಗಣೇಶ್ ಭಟ್ ಕಡಂಬಿಲ ಶ್ರೀ ಶಾರದಾ ಪೂಜೆನ್ ಮಲ್ತೆರ್.
ಗ್ರಾ.ಪಂ.ಅಧ್ಯಕ್ಷೆರ್ ದಿನೇಶ್, ಸದಸ್ಯೆರಾಯಿನ ಜನಾರ್ಧನ್ ಗೊಲಿಮಾರ್ ಜಯಂತಿ,ಮೀನಾಕ್ಷಿ, ಉಮಾವತಿ, ಸಂದೀಪ್ ಪೂಜಾರಿ, ಜಯಪ್ರಸಾದ್, ಮಾಜಿ ತಾ.ಪಂ.ಸದಸ್ಯೆರಾಯಿನ ಮಾದವ ಮಾವೆ, ಗೀತಾಚಂದ್ರಶೇಖರ್ ನಿವೃತ್ತ ಮುಖ್ಯ ಶಿಕ್ಷಕ ವಿಠಲ ಶೆಟ್ಟಿ, ಶಾಲಾ ದತ್ತು ಸಂಸ್ಥೆದ ಮುಖ್ಯಸ್ಥೆರ್ ಸಿವಿಲ್ ಇಂಜಿನಿಯರ್ ಸಂತೋಷ್ ಕುಮಾರ್ ಶೆಟ್ಟಿ, ಹಿರಿಯೆರ್ ಆಯಿನ ನಗ್ರಿ ಮೂಲೆ ಈಶ್ವರ ಭಟ್ , ತಿರುಮಲ ಕುಮಾರ್ ಮಜಿ ಶಾಲಾಭಿವೃದ್ದಿ ಸಮಿತಿ ಅಧ್ಯಕ್ಷೆರ್ ಸಂಜೀವ ಮೂಲ್ಯ, ಬೊಕ್ಕ ಶಾಲಾಭಿವೃದ್ದಿ ಸಮಿತಿ ಸದಸ್ಯೆರ್ , ಹಳೇ ವಿದ್ಯಾರ್ಥಿ ಸಂಘದ ಅಧ್ಯಕ್ಷೆರ್ ರಮೇಶ್ ಮೈರ, ಅಂಚನೆ ಸದಸ್ಯೆರ್, ಕೇಂದ್ರ ಸಹಕಾರಿ ಬ್ಯಾಂಕ್ ದ ನಿವೃತ್ತ ಡಿಜಿಎಂ ಉಗ್ಗಪ್ಪ ಶೆಟ್ಟಿ ಕೊಂಬಿಲ, ವೀರಕಂಭ ಗ್ರಾಮ ಪಂಚಾಯತ್ ದ ಮಾಜಿ ಅಧ್ಯಕ್ಷೆರ್ ಚಂದ್ರಶೇಖರ್ ಬಾಯಿಲ, ವಿಟ್ಲ ಗ್ರಾಮೀಣ ಬ್ಯಾಂಕ್ ನಿರ್ದೇಶಕೆರ್ ವಿಶ್ವನಾಥ ಎಂ, ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ವೀರಕಂಭ ಒಕ್ಕೂಟ ಅಧ್ಯಕ್ಷೆರ್ ಕೊರಗಪ್ಪ ನಾಯ್ಕ, ಜನಜಾಗೃತಿ ವೇದಿಕೆದ ಸದಸ್ಯೆರ್ ವೀರಪ್ಪ ಮೂಲ್ಯ, ಕೆಎಂಎಫ್ ವಿಸ್ತರಣಾಧಿಕಾರಿ ಜಗದೀಶ್, ಇಂಜಿನಿಯರ್ ಆಯಿನ ರಾಮ್ ಪ್ರಸಾದ್ ಕೊಂಬಿಲ, ಸಂದೀಪ್ ಕುಮಾರ್ ಶೆಟ್ಟಿ ಅರೆಬೆಟ್ಟು, ರಾಮ ಮೂಲ್ಯ ಮಜಿ, ಹಿರಿಯೆರ್ ಆಯಿನ ಕೋಡಿ ಈಶ್ವರ ಭಟ್, ಜಯರಾಮ ರೈ ಕಲ್ಲಡ್ಕ, ಸೀತಾರಾಮ್ ಪೊಲೀಸ್, ಜೋಕುಲ್ನ ಪೋಷಕೆರ್ ,ಶಾಲೆದ ಶಿಕ್ಷಕೆರ್, ಅಟಿಲ್ ದ ಸಿಬ್ಬಂದಿಲ್, ಅಂಚನೆ ಮಸ್ತ್ ಜನಕುಲ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.
pallavi shetty