ಕುಡ್ಲ : ಮೂಜಿ ದಿನ ರಾಜ್ಯದ ಪ್ರವಾಸ ಪೋಯೆರೆ ಉಪ್ಪುನ ಘನತೆವೆತ್ತ ರಾಷ್ಟ್ರಪತಿಲಾಯಿನ ರಾಮನಾಥ ಕೋವಿಂದ್ ಮೇರ್ ತನ್ನ ಕುಟುಂಬ ಸಮೇತ ಅ.8 ನೇ ಶುಕ್ರವಾರ ಬೈಯ್ಯಗ್ ಪ್ರವಾಸನ್ ಮುಗಿಪಾದ್ ಕುಡ್ಲದ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣರ್ದ್ ನವದೆಹಲಿಗ್ ಪಿದಾಡಿಯೆರ್ .
ಈ ಪೊರ್ತುಡು ಮೆರೆಗ್ ಜಿಲ್ಲಾಡಳಿತದ ವತಿರ್ದ್ ಮೊಕೇಡ್ ಬುರ್ದು ಕೊರಿಯೆರ್ .ರಾಜ್ಯಪಾಲೆರಾಯಿನ ಥಾವರ್ ಚಂದ್ ಗೆಹ್ಲೋಟ್,ಸಮಾಜ ಕಲ್ಯಾಣ ಇಲಾಖೆ ಬೊಕ್ಕ ಹಿಂದುಳಿದ ವರ್ಗದ ಕಲ್ಯಾಣ ಇಲಾಖೆದ ಸಚಿವೆರಾಯಿನ ಕೋಟಾ ಶ್ರೀನಿವಾಸ ಪೂಜಾರಿ, ಮೇಯರ್ ಪ್ರೇಮಾನಂದ ಶೆಟ್ಟಿ, ಜಿಲ್ಲಾಧಿಕಾರಿ ಡಾ.ರಾಜೇಂದ್ರ.ಕೆ.ವಿ, ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಡಾ. ಕುಮಾರ್, ಮಹಾನಗರ ಪಾಲಿಕೆ ಆಯುಕ್ತ ಅಕ್ಷಯ್ ಶ್ರೀಧರ್, ಎಡಿಜಿಪಿ ಜಿತೇಂದ್ರ, ಪೊಲೀಸ್ ಆಯುಕ್ತ ಎನ್.ಶಶಿಕುಮಾರ್, ಸಹಾಯಕ ಆಯುಕ್ತ ಮದನ್ ಮೋಹನ್, ರಾಷ್ಟ್ರಪತಿ ಭವನದ ಅಧಿಕಾರಿಲು ಸಿಬ್ಬಂದಿಲು ಪಾಲ್ ಪಡೆದಿತ್ತೆರ್.
ಈ ಪೊರ್ತುಡು ಸಚಿವೆರ್ ರಾಷ್ಟ್ರಪತಿಗ್ ಬೂಕುದ ಮಾನದಿಗೆ ಮಲ್ತೆರ್.
Editorial