ಬೆಳ್ತಂಗಡಿ, ಮೇ 23: ಕೋವಿಡ್ ಸೋಂಕಿತೆರೆಗ್ ತೀವ್ರ ಆಮ್ಲಜನಕ ಕೊರತೆ ಬತ್ತಿಲಕನೇ ರಾಜ್ಯ ಸರಕಾರ 10 ಜಿಲ್ಲಾಸ್ಪತ್ರೆ ಬೊಕ್ಕ ತಾಲೂಕು ಮಟ್ಟದ 30 ಆಸ್ಪತ್ರೆಡ್ ಆಕ್ಸಿಜನ್ ಉತ್ಪಾದನೆ ಮಲ್ಪುನ ಘಟಕ(On oxygen Generator unit)ನಿರ್ಮಾಣಗ್ ದುಂಬು ಬೈದುಂಡು .
ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ ಎಂಜಿನಿಯರಿಂಗ್‌ ವಿಭಾಗರ್ದ್ ಘಟಕ ನಿರ್ಮಾಣಗ್ ಬೋಡಾಪಿನ ಮಾತಾ ತಯಾರಿ ನಡತುದುಂಡು ಜೂನ್‌ ದ ಉಲಯಿ ಕಾಮಗಾರಿ ಮುಗಿಪೆರೆ ರಾಜ್ಯ ಸರಕಾರ ಸೂಚನೆ ಕೊರ್ತುಂಡು . ಆತೆ ಅತ್ತoದೆ ಎಂ.ಆರ್‌.ಪಿ.ಎಲ್‌., ಇಂಡೇನ್‌ ಆಯಿಲ್‌ ಸೇರಿನಂಚ ಬೇತೆ ಆಯಿಲ್‌ ಕಂಪೆನಿಲು , ಇನ್ಫೋಸಿಸ್‌ ಸೇರಿನಂಚ ರಾಜ್ಯದ ಬೇತೆ 28 ಜಿಲ್ಲಾ ಬೊಕ್ಕ ತಾಲೂಕು ಆಸ್ಪತ್ರೆಡ್ ಘಟಕ ನಿರ್ಮಾಣಗ್ ದುಂಬು ಬೈದೆರ್.
Editorial