ಸುಪ್ರೀತಾ ಆರ್. ಕೆ. ಮೆರೆಗ್ ಪಿಎಚ್.ಡಿ ಡಾಕ್ಟರೇಟ್ ಪ್ರದಾನ

ಕುಡ್ಲ : ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಕಾಲೇಜ್ ಆಫ್ ಬಿಸಿನೆಸ್ ಮ್ಯಾನೇಜ್ಮೆಂಟ್‌‌ದ ಅಸಿಸ್ಟೆಂಟ್ ಪ್ರೊಫೆಸರ್ ಸುಪ್ರೀತಾ ಆರ್. ಕೆ. ಮೇರ್ ಡಾ. ಗಣೇಶ್ ಎಚ್.ಆರ್ ಮೆರೆನ ಮಾರ್ಗದರ್ಶನಡ್ ಮಂಡನೆ ಮಲ್ದಿನ ” Enabling U ndergraduate Business Management Students in D. K. District of Karnataka to Make Informed Decisions Concerning Enterpreneurial Choice” ಪನ್ಪಿನ ವಿಷಯದ ಬಗೆಟ್ಟ್ ಮಲ್ದಿನ ಮಹಾ ಪ್ರಬಂಧಗ್ ಕುಡ್ಲದ ಶ್ರೀನಿವಾಸ ವಿಶ್ವವಿದ್ಯಾಲಯ ನಿರ್ವಹಣಾ ವಿಭಾಗಡ್ ಡಾಕ್ಟರ್ ಆಫ್ ಫಿಲಾಸಫಿ (Ph.D) ಪದವಿ ಪ್ರದಾನ ಮಲ್ದೆರ್. ವಿಶ್ವವಿದ್ಯಾಲಯದ ಸಂಶೋಧನಾ ಬೊಕ್ಕ ನವೀನತಾ ಮಂಡಳಿ, ಪರೀಕ್ಷಕರ ಮಂಡಳಿದ ಶಿಫಾರಸ್‌ದ ಮಿತ್ತ್ ಮೆರೆಗ್ ಪಿ. ಎಚ್.ಡಿ ಪದವಿ ಪ್ರದಾನ ಮಲ್ದೆರ್.
ಸುಪ್ರೀತಾ ಮೇರ್ ಮಾಜಿ ಗ್ರಾಮ ಪಂಚಾಯತ್ ಕಾರ್ಯದರ್ಶಿ ಎ. ಸುರೇಶ್ ಭಟ್ ಬೊಕ್ಕ ಸುಜಾತಾ ಭಟ್ ದಂಪತಿಲೆನ ಮಗಲ್. ಪತ್ರಕರ್ತೆರ್ ರಜನ್ ಕುಮಾರ್ ಕಾವೂರು ಮೆರೆನ ಧರ್ಮಪತ್ನಿ.