ಮುಲ್ಕಿ: ಪಡುಪಣಂಬೂರು ಮುಲ್ಕಿ ಅರಮನೆ ವೆಲ್ಫೇರ್ ಟ್ರಸ್ಟ್ ಬೊಕ್ಕ ಹಳೆಯಂಗಡಿ ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿದ ಒಟ್ಟುಸೇರಿಗೆಡ್ ಅರಸು ಪ್ರಶಸ್ತಿ 2025 ತ್ತ ಪ್ರಧಾನ ಲೇಸ್ ಸೀಮೆದ ಅರಸೆರಾಯಿನ ದುಗ್ಗಣ್ಣ ಸಾವಂತೆರ್ ಮುತಾಲಿಕೆಡ್ ಪಡುಪಣಂಬೂರು ಮುಲ್ಕಿ ಅರಮನೆಯ ಧರ್ಮ ಚಾವಡಿಡ್ ಐತಾರ ನಡತ್ಂಡ್.
ಲೇಸ್ ದ ಅಧ್ಯಕ್ಷತೆನ್ ಸೀಮೆದ ಅರಸೆರಾಯಿನ ಎಂ ದುಗ್ಗಣ್ಣ ಸಾವಂತ ಅರಸೆರ್ ಒಯಿಸೊಂದಿತ್ತೆರ್.
ಸಹಕಾರ ರತ್ನ ಡಾ. ಎಂ ಎನ್ ರಾಜೇಂದ್ರ ಕುಮಾರ್ ಮೇರ್ ಪ್ರಶಸ್ತಿ ಪ್ರಧಾನ ಮಲ್ತ್ ದ್ ಪಾತೆರ್ದ್, ಸೇವಾ ಸಂಸ್ಥೆಲು ಸಮಾಜದ ಅಕೇರಿದ ನರಮಾನಿನ್ ಗುರುತಿಸಾದ್ ಗೌರವಿಸಾವುನ ಬೇಲೆನೆ ಅಭಿನಂದನೆ ಪಂದ್ ಪಂಡೆರ್.
ಮಲ್ಲ ಬಿನ್ನೆರಾದ್ ಮಾಜಿ ಸಚಿವೆರ್ ಅಭಯ ಚಂದ್ರ ಜೈನ್, ಉದ್ಯಮಿ ಕನ್ಯಾನ ಸದಾಶಿವ ಶೆಟ್ಟಿ, ರಾಜ್ಯ ಕಂಬುಲ ಎಸೋಸಿಯೇಷನ್ ಅಧ್ಯಕ್ಷೆರ್ ಡಾ. ಐಕಳಭಾವ ದೇವಿಪ್ರಸಾದ್ ಶೆಟ್ಟಿ, ಕರ್ನಾಟಕ ರಾಜ್ಯ ಬೀಜ ಬೊಕ್ಕ ಸಾವಯವ ದೃಢೀಕರಣ ಸಂಸ್ಥೆದ ಅಧ್ಯಕ್ಷೆರ್ ಲಾವಣ್ಯ ಬಲ್ಲಾಳ್ ಜೈನ್, ಬೆದ್ರ ಸರ್ವಿಸ್ ಕೋ ಆಪರೇಟಿವ್ ಸೊಸೈಟಿದ ಅಧ್ಯಕ್ಷೆರ್ ಬಾಹುಬಲಿ ಪ್ರಸಾದ್, ಕೆ ಅಮರನಾಥ ಶೆಟ್ಟಿ ಚಾರಿಟೇಬಲ್ ಟ್ರಸ್ಟ್ ದ ಗೌರವ ಟ್ರಸ್ಟಿಲು ಅಮರಶ್ರೀ ಅಮರನಾಥ ಶೆಟ್ಟಿ, ನಮ್ಮ ಕುಡ್ಲದ ಲೀಲಾಕ್ಷ ಕರ್ಕೇರ, ಮುಲ್ಕಿ ಅರಮನೆ ವೆಲ್ಫೇರ್ ಚಾರಿಟೇಬಲ್ ಟ್ರಸ್ಟ್ ದ ನಿರ್ದೇಶಕೆರ್ ಗೌತಮ್ ಜೈನ್, ಹಳೆಯಂಗಡಿ ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿದ ಅಧ್ಯಕ್ಷೆರ್ ವಸಂತ್ ಬರ್ನಾಡ್ ಪಾಲ್ ಪಡೆದಿತ್ತೆರ್.
ಲೇಸ್ ಡ್ ಸಾಧನ ಪ್ರಶಸ್ತಿ- ಮೋಹನ್ ದಾಸ್ ಸುರತ್ಕಲ್, ಕಂಬುಲ ಕ್ಷೇತ್ರದ ಮರಣೋತ್ತರ ಪ್ರಶಸ್ತಿ ದಿ. ಪಿ ಸುಂದರ ದೇವಾಡಿಗ, ಶೈಕ್ಷಣಿಕ ಕ್ಷೇತ್ರದ ಪ್ರಶಸ್ತಿ- ಪ್ರೇಮಲತಾ ಯೋಗೀಶ್ ಸುವರ್ಣ ಬೊಕ್ಕ ವಸಂತಿ ಕುಮಾರಿ, ಸಾಹಿತ್ಯ ಕ್ಷೇತ್ರಡ್ – ಡಾ. ಹರೀಶ್ಚಂದ್ರ ಪಿ ಸಾಲ್ಯಾನ್, ಕೃಷಿ ಪರಿಸರ ಕ್ಷೇತ್ರಡ್ – ಸತೀಶ್ ರಾವ್ ಪಡುಪಣಂಬೂರು, ವೈದ್ಯಕೀಯ ಕ್ಷೇತ್ರಡ್ ಡಾ. ಶಿವಾನಂದ ಪ್ರಭು, ಯಕ್ಷಗಾನ ಕ್ಷೇತ್ರಡ್ ಶಿವರಾಮ್ ಪಣಂಬೂರು, ಸಾಂಸ್ಕೃತಿಕ ಕ್ಷೇತ್ರಡ್ ರಾಜೇಶ್ ಕಿಂಚನಕೆರೆ, ದೈವಾರಾಧನೆ ಕ್ಷೇತ್ರಡ್ – ಗೋಪಾಲ ನಾಯಕೆರ್ ಮಾಗಂದಡಿ, ಧಾರ್ಮಿಕ ಕ್ಷೇತ್ರಡ್ – ವಿದ್ವಾನ್ ರಘುಪತಿ ಭಟ್ ಸಸಿಹಿತ್ಲು, ಸಹಕಾರಿ ಕ್ಷೇತ್ರಡ್ – ಶ್ರೀ ಗುರುದೇವ ವಿವಿಧೋದ್ದೇಶ ಸಹಕಾರಿ ಸಂಘ ಹಳೆಯಂಗಡಿ, ಸರಕಾರಿ ಕ್ಷೇತ್ರಡ್- ಕಿಶೋರ್ ಕುಮಾರ್ಎಮ್ ಕೋಟ್ಯಾನ್, ಕ್ರೀಡಾ ಕ್ಷೇತ್ರಡ್- ಕೀರ್ತನ್ ಕಟೀಲ್, ಸಾಮಾಜಿಕ ಕ್ಷೇತ್ರಡ್ – ಪ್ರಕಾಶ್ ಆಚಾರ್ಯ ಕಿನ್ನಿಗೋಳಿ ಬೊಕ್ಕ ನಾಗೇಶ್ ಡಿ ಬಂಗೇರ, ಸಂಘ ಸಂಸ್ಥೆಲೆನ ವಿಭಾಗಡ್ ಪಕ್ಷಿಕೆರೆ ಶ್ರೀ ವಿನಾಯಕ ಮಿತ್ರ ಮಂಡಳಿ ಬೊಕ್ಕ ತೋಕೂರು ಫೇಮಸ್ ಯೂತ್ ಕ್ಲಬ್ ಗ್ ಅರಸು ಪ್ರಶಸ್ತಿ ಪ್ರದಾನ ಮಲ್ತ್ ದ್ ಸನ್ಮಾನ ಮಲ್ತೆರ್.
ಬೊಕ್ಕ ಸಾಧಕೆರೆನ ನೆಲೆಟ್ಟ್
ಸಹಕಾರರತ್ನ ಡಾ. ಎಂ ಎನ್ ರಾಜೇಂದ್ರ ಕುಮಾರ್ ಬೊಕ್ಕ ಉದ್ಯಮಿ ಕನ್ಯಾನ ಸದಾಶಿವ ಶೆಟ್ಟಿ ಮೊಕ್ಲೆನ್ ಮಾನಾದಿಗೆ ಮಲ್ದೆರ್.
ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿದ ಅಧ್ಯಕ್ಷೆರ್ ವಸಂತ್ ಬೆರ್ನಾಡ್ ಎದ್ಕೊನಿಯೆರ್, ಕಾರ್ಯನಿರ್ವಹಣಾಧಿಕಾರಿ ಸುದರ್ಶನ್ ಪಂಜ ಸೊಲ್ಮೆ ಸಂದಾಯೆರ್. ಅರ್ಪಿತಾ ಶೆಟ್ಟಿ ಲೇಸ್ ನ್ ಸುಧಾರಿಕೆ ಮಲ್ತೆರ್.