ಕುಡ್ಲ: ಬಜಾಲ್ ದ ಆದರ್ಶನಗರ ಕೋಟ್ಯಾನ್ ಕುಟುಂಬಸ್ಥೆರೆನ ದೈವಸ್ಥಾನಡ್ ಮಾ.3 ಸನಿಯಾರ ಸತ್ಯದೇವತೆ, ಮಂತ್ರದೇವತೆ, ಕಲ್ಲುರ್ಟಿ-ಪಂಜುರ್ಲಿ, ಚಾಮುಂಡಿ ಗುಳಿಗ, ರಾಹುಗುಳಿಗ ದೈವೊಲೆನ ಗಗ್ಗರ ಸೇವೆ ನಡಪರೆ ಉಂಡು.
ಈ ಲೇಸ್ ನಾಗಪಾತ್ರಿ ಮನೋಜ್ ಶಾಂತಿ ಕಾವೂರು ಮರೆನ ಮುತಾಲಿಕೆಡ್ ಕೋಟ್ಯಾನ್ ಕುಟುಂಬದಕ್ಲೆನ ತರವಾಡು ಇಲ್ಲಡ್ ನಡಪುಂಡು.
ಸನಿಯಾರ ಬೊಲ್ಪುಗು ಗಣಹೋಮ, ದೈವೊಲೆಗ್ ನವಕ ಕಲಶ, ಮುಡಿಪು ಸೇವೆ, ಬಯ್ಯಗ್ ಭಂಡಾರ ಜಪ್ಪೆರೆ ಉಂಡು. ಬೊಕ್ಕ ಸತ್ಯದೇವತೆ ದೈವೊದ ಗಗ್ಗರ ಸೇವೆ ಆದ್ ರಾತ್ರೆ ಅನ್ನಸಂತರ್ಪಣೆ ನಡಪರೆ ಉಂಡು. ಆವೆರ್ದ್ ಬೊಕ್ಕ ಚಾಮುಂಡಿ ಗುಳಿಗ ದೈವೊಲೆನ ಗಗ್ಗರ ಸೇವೆ, ಮಂತ್ರದೇವತೆ ದೈವೊದ ಗಗ್ಗರ ಸೇವೆ, ಕಲ್ಲುರ್ಟಿ ಪಂಜುರ್ಲಿ ದೈವೊದ ಗಗ್ಗರ ಸೇವೆ ನಡಪುಂಡು. ಮನದಾನಿ ಕಾಂಡೆ ರಾಹುಗುಳಿಗ ದೈವೊದ ಗಗ್ಗರ ಸೇವೆ ನಡಪರೆ ಉಂಡು.
ಅಂಚೆನೆ ಮಾ.22 ಐತಾರದಾನಿ ಬಯ್ಯಗ್ ಕುಟುಂಬದ ದೈವೊಲೆಗ್ ಅಗೇಲ್ ಸೇವೆ ನಡಪರೆ ಉಂಡು.
ಲೇಸ್ ಗ್ ಮಾತೆರ್ಲಾ ಕುಟುಂಬಸ್ಥೆರ್ ಬತ್ತ್ ದ್, ದೈವೊಲೆನ ಸಿರಿಮುಡಿ ಗಂಧ ಪ್ರಸಾದ ದೆತೊಂದು, ಪರಿವಾರ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಕುಡ್ಲ, ಬಜಾಲ್, ಆದರ್ಶನಗರದ ಕೋಟ್ಯಾನ್ ಕುಟುಂಬಸ್ಥೆರ್ ಲೆಪ್ಪೋಲೆಡ್ ತೆರಿಪಾದೆರ್.