ಪುತ್ತೂರು, ಎಪ್ರಿಲ್ 28: : ಪುತ್ತೂರ್ದ ಪಡುವನ್ನೂರುದ ಪಡುಮಲೆಡ್ ಉಪ್ಪುನ ನಾಗ ಬೆರ್ಮೆರ ಗುಡಿ, ನಾಗ ಸನ್ನಿಧಿ, ರಕ್ತೇಶ್ವರಿ, ತೀರ್ಥಬಾವಿ ಬೊಕ್ಕ ದೇಯಿ ಬೈದೆತಿ ಸಾನ್ನಿಧ್ಯ (ಸಮಾಧಿ)ದ ಪ್ರತಿಷ್ಠೆ ಬೊಕ್ಕ ಬ್ರಹ್ಮಕಲಶೋತ್ಸವ ಶನಿವಾರ ಬ್ರಾಹ್ಮಿ ಮುಹೂರ್ತಡ್ ಸರಳವಾದ್ ನಡತುಂಡು .
ಕ್ಷೇತ್ರದ ತಂತ್ರಿ ಕುಂಟಾರು ರವೀಶ ತಂತ್ರಿಲೆನ ಮಾರ್ಗದರ್ಶನಡ್ ಶನಿವಾರ ಪುಲ್ಯ ಕಾಂಡೆ 3 ಗಂಟೆಗ್ ಅಲ್ಪ ಪ್ರಾಸಾದ ಶುದ್ಧಿ, ಪ್ರಾಸಾದ ಪ್ರತಿಷ್ಠೆ, 3.58 ರ್ದ್ 4.21ರ ಮೀನ ಸುಮುಹೂರ್ತಡ್ ಪ್ರತಿಷ್ಠೆ ಜೀವಕಲಶಾಭಿಷೇಕ, ಮಹಾಪೂಜೆ, ಗಣಪತಿ ಹವನ, ಬ್ರಹ್ಮಕಲಶಾಭಿಷೇಕ, ಮಹಾಪೂಜೆ, ಮಂತ್ರಾಕ್ಷತೆ ಸೇರಿನಂಚ ಪೂಜಾವಿಧಿವಿಧಾನ ನಡತುಂಡು .
ಈ ಮುಖೇನ ಪಡುಮಲೆ ಸಾನ್ನಿಧ್ಯಡ್ 550 ವರ್ಷರ್ದ್ ಉಂತುದಿತ್ತಿನ ಪೂಜಾ ವಿಧಿವಿಧಾನಲೆಗ್ ಶನಿವಾರ ಕೋವಿಡ್ ಮಾರ್ಗಸೂಚಿನ್ ಪಾಲಿಸಾವೊಂದು ಅಂಚನೇ ಸೀಮಿತ ಭಕ್ತೆರ್ನ ಸಮ್ಮುಖಡ್ ಚಾಲನೆ ತಿಕ್ಕ್oಡ್ .
pallavi shetty