ಕಿನ್ನಿಗೋಳಿ: ರಾಜರತ್ನಪುರದ ಯಕ್ಷ ಕೌಸ್ತುಭ ಯಕ್ಷಗಾನ ತರಬೇತಿ ಕೇಂದ್ರದ ನಾಲನೇ ವರ್ಷದ ವಾರ್ಷಿಕೋತ್ಸವದ ಬಣ್ಣದ ಮನೆ ಪನ್ಪುನ ಶೀರ್ಷಿಕೆಡ್ ಉಚಿತ ತೆಂಕುತಿಟ್ಟು ಯಕ್ಷಗಾನ ಬಣ್ಣ ಪಾಡುನ ತರಬೇತಿ ಕಮ್ಮಟ ಅ 15 ದಾನಿ ನಡತ್ಂಡ್.
ಯುಗಪುರುಷದ ಸಂಪಾದಕೆರ್ ಭುವನಾಭಿರಾಮ ಉಡುಪ ಪಾತೆರ್ದ್ ಯಕ್ಷಗಾನ ಶಿಷ್ಟಪರಂಪರೆದ ಕಲೆ ಆತ್ತ್ಂಡ್, ಆಂಡ ಮೂಲಚೌಕಟ್ಟ್ಗ್ ದಕ್ಕೆ ಆವಂದಿನ ರೀತಿಡ್ ಬದಲಾವಣೆ ಆವೊಡು. ಈ ನಿಟ್ಟ್ಡ್ ಕಲೆ ಬುಲೆಯೊಡು ಪಂದ್ ಪಂಡೆರ್.
ಈ ಪೊರ್ತುಡು ಉದ್ಯಮಿ ಪೃಥ್ವಿರಾಜ್ ಆಚಾರ್ಯ, ಯಕ್ಷಗಾನ ಕಲಾವಿದೆರ್ ಗಣೇಶ್ ಚಂದ್ರಮಂಡಲ, ಕಿನ್ನಿಗೋಳಿದ ಮೋಹಿನಿ ಕಲಾ ಸಂಪದದ ಗಂಗಾಧರ ಡಿ ಶೆಟ್ಟಿಗಾರ್, ಯಕ್ಷಗಾನ ಕಲಾವಿದೆರಾಯಿನ ಬಾಲಕೃಷ್ಣ ಮಿಜಾರು, ಶಶಿಧರ್ ಪಂಜ, ಜಯರಾಮ ಶೆಟ್ಟಿ ಬಾಕ್ಯರ್ಕೋಡಿ, ಸುರೇಶ್ ಕೊಲೆಕಾಡಿ, ಬಾಲಗಣೇಶೋತ್ಸವ ಸಮಿತಿದ ಸಂದೀಪ್, ಸಂಘಟಕೆರ್ ಶರತ್ ಕೊಡೆತ್ತೂರು ಇತ್ತೆರ್. 100 ಕ್ಕ್ ಎಚ್ಚ ಕಲ್ಪಾರ್ಥಿಲು ಕಲಾಸಕ್ತೆರ್ ಕಮ್ಮಟಡ್ ಪಾಲ್ ಪಡೆದಿತ್ತೆರ್. ಸಾಂಸ್ಕೃತಿಕ ಕಾರ್ಯಕ್ರಮದ ಅಂಗವಾದ್ ಯಕ್ಷಮಿತ್ರರು ಪಂಜಿನಡ್ಕ ಬೊಕ್ಕ ಜಿಲ್ಲೆದ ಪುದರ್ ಪಡೆನ ಅತಿಥಿ ಕಲಾವಿದೆರ್ನ ಒಟ್ಟು ಸೇರಿಗೆಡ್ ಯಕ್ಷ-ಹಾಸ್ಯ-ವೈಭವ ನಡತ್ಂಡ್.
pallavi shetty