ಡಾ|ರವಿ ಕಕ್ಕೆಪದವು ಸಮಾಜ ಸೇವಾ ಟ್ರಸ್ಟ್ ಮುತಾಲಿಕೆಡ್ ಕುಮಾರಧಾರ ಸ್ವಚ್ಛತಾ ಸೇವೆ

ಸುಬ್ರಹ್ಮಣ್ಯ: ರವಿ ಕಕ್ಕೆ ಪದವು ಸಮಾಜ ಸೇವಾ ಟ್ರಸ್ಟ್, ಜೇಸಿಐ ಕುಕ್ಕೆಶ್ರೀ, ಬೊಕ್ಕ ಊರುದಕ್ಲೆನ ಸಹಕಾರಡ್ ಕುಕ್ಕೆ ಸುಬ್ರಹ್ಮಣ್ಯ ಕ್ಷೇತ್ರದ ಕುಮಾರಧಾರ ಪರಿಸರಡ್ ಸ್ವಚ್ಛತಾ ಕಾರ್ಯಕ್ರಮ ಅ.8 ದಾನಿ ನಡತ್‌ಂಡ್.
ಸುಬ್ರಹ್ಮಣ್ಯದ ರವಿ ಕಕ್ಕೆಪದವು ಸಮಾಜ ಸೇವಾ ಟ್ರಸ್ಟ್ ವತಿರ್ದ್ ನಿಡ್ವಾಳ ಮಹಾವಿಷ್ಣು ದೇವಸ್ಥಾನ ನವೀಕರಣ ನಿಲೆಟ್ಟ್ ಈ ಕಾರ್ಯಕ್ರಮ ಆಯೋಜನೆ ಮಲ್ತ್‌ದ ಪಂದ್ ಟ್ರಸ್ಟ್ ಸಂಚಾಲಕೆರ್ ಡಾ.‌ ರವಿ ಕಕ್ಕೆಪದವು ತೆರಿಪಾದೆರ್.‌ ಈ ಪೊರ್ತುಡು ಟ್ರಸ್ಟ್‌ದ ಗುರ್ಕಾರ್ಲು ಡಾ| ರವಿ ಕಕ್ಕೆಪದವು, ಜೆ.ಸಿ.ಐ ಕುಕ್ಕೆಶ್ರೀ ಗುರ್ಕಾರ್ಲು ಯೋಗನಾಥ್, ಟ್ರಸ್ಟ್‌ದ ಸದಸ್ಯೆರ್ ಮಣಿಕಂಠ,‌ ಪುಷ್ಪವತಿ ಮೊಕ್ಲೆನ ನೇತೃತ್ವಡ್ ಕುಮಾರಧಾರ ಪರಿಸರಡ್‌ ಇತ್ತಿನ ಕಜವುನ್ ವಿಲೇವಾರಿ ಮಲ್ತೆರ್.